ПАДУББАРГЛИ МАГОНИЯ (MAHONIA) ЎСИМЛИГИНИНГ УН -ШУДРИНГ КАСАЛЛИГИ ВА УЛАРГА ҚАРШИ КУРАШ ЧОРАЛАРИ

Мақолада падуббаргли магонияда (Mahonia aquifolium (Pursh) Nutt.)   учрайдиган ун – шудринг касаллиги, биологияси ва унга қарши кураш чораларини ишлаб чиқиш бўйича ўтказилган илмий-тадқиқот ишларининг натижалари келтирилган.  Магониянинг ун – шудринг касаллигини Ascomycota бўлими, Erysiphaceae оиласига, Microsphaera туркумига  мансуб, Microsphaera berberidis (DC) Lev. замбуруғи келтириб чиқаради. Замбуруғнинг конидия босқичи Oidium berberidis ҳисобланади. Конидиябандлари калта, шохланмаган, бир ҳужайрали, рангсиз, эллипссимон, ўлчами  24-26х12-18 мкм, занжир шаклида жойлашади.