Korpus texnologiyasida parallel korpuslarning o'rganilishi

Dunyo tilshunosligida muayyan tillarda yaratilgan og‘zaki va yozma manbalarni raqamlashtirish hamda ulardan tabiiy tillarni qayta ishlashda foydalanish muhim masalalardan biriga aylandi. Kompyuter texnologiyalari yordamida tillarning milliy til korpusini yaratishga qator ilmiy tadqiqotlar olib borilmoqda va ularning dasturiy instrumentariylarini ishlab chiqishga alohida diqqat qaratilmoqda. Shu jihatdan o‘zbek tilining matnlar tarjimalari bazasidagi parallel  korpus dasturiy ta`minotini yaratish tamoyillarini ishlab chiqish kelgusida sohaga aloqador ishlar uchun, ayniqsa, mashina tarjimasi, tarjima nazariyasi va amaliyoti, lingvostatika hamda ta’limiy maqsadlarda uchun obyekt bo‘lib xizmat qiladi.