ODIL YOQUBOV ROMANLARIDA UCH DO`ST ARXETIPI

Arxetip tushunchasini ommalashtirgan psixolog Karl Yung ta’limotiga ko`ra, arxetiplar  insoniyat xotirasida “kollektiv ongsizlik” tarzida yashashi va ijod jarayonida turli shakllarda namoyon bo`lishi bilan xarakterlanadi. Demakki, kishilik jamiyatining eng ibtidoiy davrlarida paydo bo`lgan arxetipni muayyan ijodkor o`z davri xususiyatlari bilan boyitadi, natijada “ilk asos”ga ega bo`lgan motiv turli ko`rinishlarda asardan asarga ko`chib yuradi [1,37].