TRANSPORT TUNNELLARINI TAʼMIRLASH VA SAQLASH. TUNNELNI SUNʼIY SHAMOLLATISH, YORITISH

Tunnellar uzoq muddatli foydalanishga moʻljallangan eng maʼsuliyatli, murakkab va qimmatbaho sunʼiy inshootlarga tegishlidir. Tunnellar va ularda mavjud qurilmalarni joriy saqlanishining asosiy ta’moyili transportlarning toʻxtovsiz harakatlanishini taʼminlaydigan soz holatda doimiy tutib turishdan iborat. Bunga tunnellar va ularning qurilmalari ustidan doimiy nazorat, inshootlar ayrim elementlarining xizmat muddatlarini cheklaydigan nuqsonlarni aniqlash va ularning sabablarini oʻrganish, hamda ularni iloji boricha qisqa muddatlarda bartaraf etish, transport harakati uchun xavfsiz boʻlgan yanada yirikroq va jiddiyroq deformatsiyalar- ning rivojlanishidan ehtiyot boʻlish orqali erishiladi.