BUGUNGI ZAMONAVIY PEDAGOGIKA FANINING ASOSIY FUNKSIYALARI

Zamonaviy pedagogika fanining funksiyalari tahliliga bag‘ishlangan mazkur tezisda bugungi kunda jamiyatning yoshlarga qo‘yayotgan talablari, ular egallashi kerak bo‘lgan ko‘nikmalar, o‘quvchi faoliyatining tavsifi hamda zamonaviy ta’lim siyosati haqida fikr yuritilgan. Pedagogika – bu yosh avlodga ta’lim-tarbiya berish va uni rivojlantirishga yo‘naltirilgan fan. Bu o‘qituvchining o‘quvchini shakllantirish va rivojlantirish maqsadida unga ta’sir ko‘rsatish san’atidir. Shuning uchun ham pedagogika shaxsni mujassam rivojlantirishga xizmat qiladigan fandir.