Қўқон хонлигининг туркий халқлар давлатчилиги ва маданий меросини ривожлантиришдаги ўрни

Ушбу тўпламда 2022 йил 8-10 июнь  кунлари Қўқон шаҳрида “Қўқон хонлигининг туркий халқлар давлатчилиги ва маданий меросини ривожлантиришдаги ўрни” мавзусида бўлиб ўтган халқаро конференция материаллари эълон қилинмоқда. Конференция Ўзбекистон Туризм ва маданий мерос вазирлиги, Туркий давлатлар ташкилоти, ТУРКСОЙ, Тошкент давлат шарқшунослик университети, Тошкент давлат иқтисодиёт университети, Қўқон университети, Жаҳон иқтисодиёти ва дипломатия университетлари ҳамкорлигида ўтказилди.

Ушбу мажмуада  Қўқон хонлигининг ташкил топиши, давлат бошқаруви, ҳарбий салоҳияти, иқтисодий ва ижтимоий ҳаёти, шаҳарлари/қалъаларининг аҳамияти, халқаро алоқалари ва унинг Ўрта Осиё минтақасидаги ўрни, хонликнинг маънавий, маданий ва адабий мероси, таълим тизими, тарихшунослиги, жадидчилик ва миллий озодлик ҳаракати, «Туркистон мухторияти» мисолида миллий демократик давлатчилик тажрибаси, Фарғона водийси озодлик учун курашда ва миллий қаҳрамонлар, хонликдаги демографик ўзгаришлар ва этник вазият, Фарғона водийсининг минтақавий барқарорликдаги ўрни каби масалалар муҳокама қилинган.