НАВЛАР ВА Ғ2 ДУРАГАЙ ЎСИМЛИКЛАРИ БАРГЛАРИДАГИ ТРАНСПИРАЦИЯ ЖАДАЛЛИГИ

Қишлоқ хўжалиги экинлари селекцияси, жумладан кунгабоқарда ҳўжалик учун қимматли белгилар бўйича кенг ўзгарувчанликка эришиш ва янги шаклларини оддий ва мураккаб дурагайлаш услубларидан фойдаланилади. Дурагайлаш ва танлаш янги навлаврни яратишнинг асосий сунъий услубларидан бўлиб, унинг муваффақияти кўп жиҳатдан танланган чатиштириш услублари ва бошланғич ашёларнинг генотипига боғлик бўлади. Турли сув режимлари, яъни сув билан муқобил таъминланганлик ва сув танқислиги шароитларида бир вақтнинг ўзида кунгабоқарнинг оддий ва мураккаб дурагайларида морфофизиологик ва қимматли ҳўжалик белгиларнинг ўзгарувчанлиги, ирсийланиши ва қурғоқчиликка чидамли генотиплар шаклланишидаги имкониятларини ўрганиш бўйича ҳамда қиёсий оддий ва мураккаб дурагайлашга жалб этиш орқали морфофизиологик ва қимматли ҳўжалик белгиларнинг ўзгарувчанлигини ошириш бўйича етарлича илмий изланишлар олиб борилмаган. Шунинг учун биз олдимизга Қорақалпоғистонда кунгабоқарнинг оддий ва мураккаб дурагайлаш услублари орқали тезпишар, сув танқислигига бардошли, серҳосил ва юқори мойдорлик белгиларини ўзида мужассамлаштирган янги бошланғиш ашёларни яратиб янги навлар яратиш учун амалий селекция ишларига тавсия этиш мақсадини қўйдик.