"АЛ-МУСТАСФО" АСАРИНИНГ ТАРКИБИЙ ТУЗИЛИШИ ВА ЎЗИГА ХОС ХУСУСИЯТЛАРИ

“Ал-Мустасфо” асари Насафийнинг фиқҳ ва усул бўйича ёзган асарлари учун пойдевор саналади. Аллома “ал-Мустасфо” асарини “ал-Муставфо” асаридан кейин 1266 йилда ёзган. У 63 та китоб (бўлим), 176 та катта-кичик боб ҳамда фасллардан иборат. Асар “Китоб ат-таҳорат” (Поклик бўлими) билан бошланиб, “Китоб ал-хунаса” (Хунаса ҳақида бўлим) билан якунланган.