ТИББИЙ СУҒУРТА АМАЛ ҚИЛИШИНИНГ ЮРИДИК ТАБИАТИ

Тиббий суғуртани қўллаш ва амал қилиш учун муайян ташкилий, ҳуқуқий ва тиббий чора-тадбирларни яратиш зарурати юзага келади. Бу мажбурий тиббий суғурта ҳамда ихтиёрий тиббий суғуртани қўллашнинг норматив-ҳуқуқий базани ишлаб чиқиш ва жорий этиш орқали таъминланади. Бугунги кунда Ўзбекистонда тиббий суғуртани жорий этиш борасида бир қатор норматив[1]ҳуқуқий ҳужжатлар ишлаб чиқилган ва жорий этилган. Шу билан бирга, тиббий суғуртани татбиқ этишнинг илмий муаммоларини тадқиқ этиш, тиббий суғурта асосида амалга ошириладиган тиббий хизматларни тури ва уларни қўллаш масалаларини ёритиш муҳимдир.