СУҒОРИЛАДИГАН ТИПИК БЎЗ ТУПРОҚЛАРНИНГ УНУМДОРЛИК КЎРСАТКИЧЛАРИГА АГРОТЕХНИК ТАДБИРЛАРНИНГ ТАЪСИРИ

Аннотация: Ушбу мақолада  суғориладиган  типик бўз тупроқларнинг унумдорлик кўрсаткичларига агротехник тадбирларнинг таъсирини, аҳамиятини, суғориладиган типик бўз  тупроқларнинг хоссаларининг ўғитлар таъсирида ўзгаришини  ўрганишнинг муҳимлиги келтирилган. Тупроқдаги органик ва минерал ўғитларнинг етарли даражада бўлиши билан бир қаторда тупроқнинг структурасини яхшилашга эътибор бериш зарур. Тупроқнинг унумдор бўлиши учун унинг ҳоссаларини, таркибини ва тупроқда кечадиган турли жараёнларни ўрганиш зарур. Суғориладиган типик бўз тупроқларнинг унумдорлик кўрсаткичларининг тупроқ қатламларида тақсимланиши, уларга эрозиянинг таьсири, антропоген омиллар ва агротехник тадбирлардан: суғориш, минерал ва органик ўғитларнинг тупроқнинг унумдорлигига таъсирини ўрганиш мақсад қилиб қўйилган. Тупроқ унумдорлигига экинлар тури, минерал ва органик ўғитлар таьсир қилиб, органик қолдиқларнинг қайта ўзгариши натижасида тупроқ азотга бойиб боради.