МУСТАҚИЛЛИК ЙИЛЛАРИДА ЎЗБЕКИСТОНДА НЕФТ ВА ГАЗ САНОАТИ ТАРАҚҚИЁТИ

Ўзбекистон ижтимоий-иқтисодий тараққиётининг замонавий моддий техника базасини яратиш саноат ва халқ хўжалиги соҳасида туб ўзгаришларни таъминлашда ишлаб чиқаришнинг нефт ва газ саноати тармоқлари алоҳида ўрин тутади. Таъкидлаш жоизки, мамлакат иқтисодий мустақиллигини мустаҳкамлаш ҳамда халқ фаровонлигини таъминлашда нефт-газ саноатининг ривожлантирилиши, барқарор фаолият кўрсатиши муҳим аҳамият касб этади. Иқтисодий тараққиёт тизимида саноат тармоқларининг барқарор ишлашини таъминлаш жараёнида ёқилғи-энергетика тизими ҳал қилувчи ўринга эга. Ўз навбатида ёқилғи-энергетика тизимида эса нефт ва газ саноати алоҳида ўрин тутади. Мазкур тезисда Ўзбекистон Республикасида мустақиллик йилларида нефт ва газ саноати тараққиёти ҳақида маълумотлар берилади.