ЎЗБЕКИСТОНДА ТАШҚИ САВДОНИ ТАРТИБГА СОЛИШ СИЁСАТИ

Айрим мамлакатларнинг нотекис ривожланиши, иқтисодий ва сиёсий инқирозлар, ташқи иқтисодий алоқаларнинг чуқурлашуви натижасида мамлакатлар ташқи савдосида қўллайдиган тарифли чекловлар миллий бозорларни ҳимоя қилишнинг зарур даражасини таъминлай олмаслигига аён бўлди. Натижада, мамлакатлар савдо учун тарифсиз тартибга солиш усулларидан фойдаланишни афзал билишди. Шу сабабли, халқаро савдони давлат томонидан тартибга солиш тизимида тарифли чоралар билан биргаликда тарифсиз чора-тадбирларни ўрганиш долзарб аҳамиятга эга. Ушбу мақоланинг мақсади Ўзбекистонда ташқи савдодаги мавжуд муаммолар, ташқи савдони тартибга солиш чораларини такомиллаштириш, жумладан, Жаҳон Савдо Ташкилотига аъзо бўлишнинг аҳамияти акс эттирилган.