Морфологияда грамматик категорияларнинг ўрни

Ушбу мақолада ўзбек илмий морфологиясида грамматик категориялар талқинига доир ўзбек олимларининг қарашлари келтирилган. Бу ҳолатга олимларимиз томонидан билдирилган илмий асосли хулосалар турлича эканлиги, бир тўхтамга келинмаганлиги, бу борада қилинадиган ишлар бисёр эканлиги тадқиқ этилган. Бундан ташқари, 1940-50-йиллардан бошлаб ҳозирги ўзбек адабий тилини ўрганишга эътибор кучайганлиги ҳамда ўзбек адабий тили ҳам, ўзбек тилшунослиги ҳам жаҳон тилшунослиги талабларидан келиб чиққан ҳолда, янги эҳтиёжлар гирдобида юқори босқичга кўтарилаётган тил сифатида намоён бўлиши кўриб ўтилган.