РИВОЯТЛАРДА ХАЁЛИЙ ВА ҲАЁТИЙ УЙДИРМАНИНГ ЎРНИ,КЎЛАМИ ВА ВАЗИФАСИ

Ривоятлар халқ оғзаки ижодининг алоҳида мустақил жанри сифатида бизнинг кунларимизгача етиб келган. Ривоят ва афсоналар нафақат ўзбек фольклоршунослари, балки жаҳон фольклоршунос олимлари томонидан ҳам кўплаб ёзиб олинган, чоп этилган ва тадқиқ этилган. Асосийси, беқиёс маънавий меросимиз бўлмиш эски ўзбек тилидаги қадимий қўлёзмалар, ўтган асрларда тош босма усулида араб имлосида босилган кўҳна китобларда ривоят, нақл, афсоналарнинг сон-саноғи йўқ.