НЕФТЬ ЙЎЛДОШ ГАЗЛАРИНИ КАТАЛИТИК АРОМАТЛАШ

Нефть йўлдош газлари "Хроматэк - Кристалл 7000"  хроматографида тадқиқ қилинди. ЮКЦ катализаторлари иштирокида нефть йўлдош газларининг каталитик ароматланиш реакцияси кинетик  қонуниятларини ўрганилди. Тадқиқотлар жараёнида  азотнинг қуйи ҳароратли десорбцияси усули, ИҚ спектрал таҳлил, электрон-микроскопик таҳлил, энг кичик квадратлар усули, БET методи, рентгенофазовий таҳлил,  кимёвий кинетиканинг экспериментал усуллари, УБ-, ЯМР-спектроскопия, сканирловчи электрон микроскопия, статистик усуллар ва рентгенографик анализ усулларидан фойдаланилди. Нефть йўлдош газларини каталитик ароматлаб ароматик углеводородлар олиш реакцияси ва физик-кимёвий асослари маҳаллий хомашёлар асосида олинган ЮКЦ ли катализаторларда оқимли каталитик қурилмада ўрганилган ва олинган натижалар асосида жараён боришининг мақбул шароити танланган.