ФЕЪЛНИНГ ТАСНИФЛОВЧИ ГРАММАТИК КАТЕГОРИЯЛАРИ ХУСУСИДА

Тил шундай мўтабар неъматки, у инсониятга тафаккур гулшанлари
дарвозасини очиб берувчи, тенги йўқ робита-и оламиёндир”101. Бу хусусда Абдулла
Авлоний: “ҳар бир миллатнинг дунёда борлиғини кўрсатадурғон ойинайи ҳаёти
тили ва адабиётидир. Миллий тилни йўқотмак – миллатнинг руҳини йўқотмакдир”,
дейди. Юсуф Хос Ҳожиб сўзни “муқаддас ҳодиса” даражасида кўради. Бу каби
иқтибосларни қаторлаб келтириш мумкин. Аммо тил ривож топмоғи, тараққий
этмоғи учун унга хос “парвариш” даркор. Тилшунослигимизнинг ана шундай
эътиборталаб мавзуларидан бири туркумлардаги грамматик категорияларнинг
изчил таснифланмагани, тадқиқ этилмаганидир. Бу мавзу айнан муаллифларнинг
хос қарашлари билан кифояланган холос. Мавзунинг қиёсий тадқиқи масаласи эса
яна бир навбатда турган муаммолардан бири ҳисобланади.