ҚИЗИЛДАРЁ ҲАВЗАСИ АДИРЛАРИДА ТАРҚАЛГАН ДОРИВОР ЎСИМЛИКЛАРНИНГ ҲАЁТИЙ ШАКЛЛАРИ

Мақолада Қизилдарё ҳавзаси адирлари флорасида тарқалган доривор турларнинг ҳаётий шакллари бўйича таҳлил натижалари келтирилган. Флорада ўсадиган доривор ўсимликларнинг 46,45%ини гемикриптофитлар, 34,7% ини терофитлар, 6,73% ини криптофитлар, 6,02% ини фанерофитлар ва 6,02 % ини  хамефитлар ташкил этиши аниқланган. Флорада гемикриптофит турларнинг устунлик қилишини Ўрта Осиёнинг Тоғли қисмидаги маҳаллий флораларга хос белги эканлиги билан изоҳланган. Терофитлар сонининг кўплиги (34,7%) ва уларнинг индивид жиҳатдан флорада кенг тарқалганлигини эса ҳудуддаги экологик муҳит ҳамда минтақанинг текислик билан ўзаро туташиб кетганлиги билан изоҳланган.