OYBEKNING ILMIY FAOLIYATI TAVSIFI

Noyob lirik shoir, benazir yozuvchi va atoqli olim sifatida dong taratgan Oybek XX asr o‘zbek adabiyotining iftixoridir. O‘zbek adabiyoti taraqqiyotini uning ijodisiz tasavvur etish qiyin.  Oybek ijodi juda o‘ziga xos, serqirra. Oybekning serhosil o‘tkir ijodkorligini bizning adabiyot tarixida kimga o‘xshatish mumkin degan savolga G‘afur G‘ulom: “Oybekning o‘ziga, faqat Oybekka o‘xshatish mumkin”  deya javob berib, uning iste’dodini yuksak baholagan. Oybek iste’dodini, ijodini S.Ayniy, A.Fadeev, I.Le, S.Muqonov, M.Ibrohimov, M.Tursunzoda, S.Borodin, K.Yashin, I.Sulton, Sh.Rashidov, H.Yoqubov, M.Qo‘shjonov kabi mashhur adib va olimlar ham yuksak baholashgan