BADIIY MATNDA RUHIY HOLAT IFODALANISHINING PSIXOLINGVISTIK TALQINI(ODIL YOQUBOV ASARLARI MISOLIDA)

Maqolada til va tafakkurning o‘zaro munosabati, bu aloqadorlikning badiiy asar nutqida ifoda etilishi, unda til birliklarining aktuallashuviga sabab tugdiruvchi omillar, Ruhiy holatning sintaktik qurilmalarda ifodalanishi (o`zga gapli konstruksiyalar) to‘g‘risida so‘z yuritiladi. Odil Yoqubovning “Ulug‘bek xazinasi”, “Diyonat” “Osiy banda”, “Ko`hna dunyo” nomli asarlari misolida qahramon ruhiy holatining ifodasi tahlil etiladi. Qahramonlarning turli hayotiy vaziyatlardagi ruhiy holati - zavqlanish, ruhiy a'ziyat chekishi, xafalanishi, g‘azablanishi va boshqa hissiyotlari nutq vositalari orqali qanday ifodalanishi ilmiy  tahlil qilinadi. Bunda psixolingvistik qarashlarga tayanib  ish ko‘rilgan. Shu asosda inson va uning ruhiyati hamda nutq vaziyati bir- birini taqazo etadigan jarayon ekanligi ko‘rsatib o‘tilgan.