NOVERBAL MULOQOTNING MILLIY-MADANIY XUSUSIYATLARI

 Annotatsiya. Biz ushbu maqolamizda o’zbeklar milliy muloqot xulqida 
noverbal vositalarning milliy-madaniy xususiyatlari masalasini bayon etamiz.  

   Noverbal  muloqot  kishilarning  eng  qadimiy  muloqot  shaklidir. 
Kommunikatsiyaning noverbal vositalari tildan oldin rivojlangan bo‘lib, ularning 
dastlabki  vazifasi  o‘zining  barqarorligi  va  samaradorligi  bilan  ajralib  turgan. 
Asta-sekin ularning verbal vositalardan afzalligi namoyon bo‘lgan: ular bevosita 
qabul  qilingan,  shuning  uchun  ham  adresatga  kuchli  ta’sir  ko‘rsatgan.  Ular 
vositasi  qandaydir  sababga  ko‘ra  so‘z  orqali  berib  bo‘lmaydigan  eng  nozik 
tuyg‘ular,  munosabatlar  ifodalangan.  Noverbal  muloqot  kishilar  o‘rtasidagi 
noverbal xabarlar almashinuvi va ularning talqinini bildiradi. Har bir madaniyat 
borliqni  o‘ziga  xos  belgilar  va  ramzlar  yordamida  aks  ettirgani  uchun  ham 
noverbal muloqot yuzaga chiqadi.