İnformasiya iqtisadiyyatının yaranış aspektləri və inkişaf xüsusiyyətləri

Məqalədə informasiya iqtisadiyyatının formalaşmasının obyektiv şərtlər və inkişaf xüsusiyyətləri tədqiq olunur, onun ictimai istehsalın inkişafının qanunauyğun pilləsi, yeni təyinatlı istehsal üsulu kimi müasir сəmiyyət quruculuğundakı rolunun və əhəmiyyətinin mahiyyəti açıqlanır. İnformasiya iqtisadiyyatının ictimai rifah, mühüm bazar mexanizmi kimi keyfiyyətləri özündə birləşdirməsindən irəli gələrək, cəmiyyətin informasiya potensialı və onun altsistemləri yeni reallıqlar baxımından qiymətləndirilir. Əsaslandırılır ki, bir çox fərqli və üstün cəhətləri özündə əks etdirən informasiya iqtisadiyyatı yeni iqtisadi münasibətləri formalaşdırır, onun sürətli inkişafı və yayılması qloballamaya təkan verir və bununla da dünya bazarının seqmental sistemini dəyişikliklərə uğradır.