UMUMIY O'RTA TA'LIM MAKTABLARIDA QATTIQ JISMLAR FIZIKASIGA OID MAVZULARNI O'QITISHDA " VIZUAL-MODELLASHTIRISH VA TAJRIBAVIY INTEGRATSIYA" TAMOYILINI QO'LLASH METODIKASI
Authors/Creators
Description
Mazkur maqolada umumiy o‘rta ta’lim maktablarida qattiq jismlar fizikasiga oid mavzularni o‘qitishda vizual-modellashtirish va tajribaviy integratsiya tamoyilini qo‘llashning didaktik hamda metodik asoslari tahlil qilingan. Qattiq jismlar fizikasi bo‘yicha kristall va amorf jismlar, moddaning solishtirma erish issiqligi, erish va qotish jarayonlari kabi mavzularni o‘qitishda vizual modellar, fizik modellar, raqamli simulyatsiyalar va laboratoriya tajribalarini o‘zaro integratsiyalash orqali o‘quvchilarning ilmiy tushunchalarini shakllantirish imkoniyatlari yoritilgan. Shuningdek, vizual-modellashtirishning o‘quvchilarning fazoviy tasavvuri, mantiqiy fikrlashi va fizik hodisalarning mohiyatini anglashiga ta’siri asoslab berilgan. Tadqiqot natijalariga ko‘ra, vizual modellarni real va virtual tajribalar bilan uyg‘unlashtirish qattiq jismlar fizikasiga oid mavzularni o‘zlashtirish samaradorligini oshirish, o‘quvchilarning bilish faolligi hamda tadqiqotchilik kompetensiyasini rivojlantirishga xizmat qilishi aniqlangan.