INGLIZ VA O'ZBEK ADABIYOTIDA O'SMIRLAR MUAMMOSI O'RGANILISHINING AHAMIYATI

Bizga ma’lumki, o’smirlar muammosi  ancha  yillardan  beri  o’rganilib kelinmoqda.  Dastlab  ingliz  va  o’zbek  adabiyotida yoshlar tarbiyasi, ularning ilm olib  bilimli yoshlar bo’lib yetishishiga e’tibor berishgan. Hozirgi zamon o’zbek bolalar adabiyotida she’riyat rivojlangani kabi nasrda ham salmoqli asarlar yuzaga keldi. Bolalarning yoshi, qiziqishi, dunyoqarashiga to’la javob bera oladigan asarlar bunyod etildi. Bolalar adabiyoti so’z san’ati va tarbiya vositasi hisoblanib, yosh kitobxonlar uchun yoziladigan har qanday badiiy asar ularning yosh xususiyatlariga,  saviyalariga  mos,  yoshlar qalbida o’y-fikrlar uyg’otadigan, porloq  va ezgulik ishlariga ilhomlantiradigan bo’lishi kerak. Eng muhimi mavzular aniq, sodda va qiziqarli tilda ifodalanishi zarur.