POMIDOR URUG'LARINI YETISHTIRISH TEXNOLOGIYASI

O‘zbekistonda pomidor ekini jami sabzavotlar yetishtiriladigan maydonlarning 40% dan ortig‘ini egallaydi. Mamlakatimizning qulay tuproq iqlim sharoiti va sug‘orish imkoniyatlari ushbu ekinni keng yetishtirish imkonini beradi. Pomidor – bir yillik, o‘z-o‘zidan changlanadigan o‘simlik bo‘lib, shu vaqtning o‘zida boshqa o‘simliklardan ham changlanib qolishi mumkin. Bu holat asosan jazirama issiq havo sharoitida, har xil navlar bir dalada ekilganida vujudga keladi. Shu sababdan navlar orasidagi oraliq masofa ochiq dalada kamida 100 m, himoyalangan yerlarda esa kamida 50 m bo‘lishi talab etiladi.