ПИЛЛАДАГИ НУҚСОНЛАРНИ ҚОБИҚ ХУСУСИЯТЛАРИГА ТАЪСИРИ ТАДҚИҚОТИ

Тадқиқот ишида навсиз пиллаларнинг қисмлари бўйича хусусиятлари ўрганилиб доғли, даста изли ва силлиқ сиртли пиллаларнинг нуқсонли қисмлари ғовакдорлигига нисбатан нуқсонсиз қисми ғовакдорлиги юқори эканлиги аниқланган. Нуқсонли пиллаларнинг намланиш ва бўкиши тадқиқи шуни кўрсатдики, қотиб қолган, доғли, даста изли ва силлиқ сиртли пиллалар 5 мин давомида 80⁰С да бўктирилганда нуқсонли қисми, нуқсонсиз қисмига нисбатан мос ҳолда 35%, 30%, 27,2%, 23,5% га фарқланаётганлиги аниқланди. Олинган натижалар чувишга яроқли нуқсонли пиллаларни чувиш учун алоҳида ишлов бериш режимини ишлаб чиқиш кераклигини кўрсатади.