IQTISODIYOT YO'NALISHI TALABALARI UCHUN INGLIZ TILINI O'QITISHDA KASBIY YO'NALTIRILGAN METODIKANING SAMARADORLIGI

Mazkur maqolada iqtisodiyot yo‘nalishida tahsil olayotgan talabalar uchun ingliz tilini kasbiy yo‘naltirilgan metodika asosida o‘qitishning samaradorligi tahlil qilinadi. Tadqiqotda ingliz tilini o‘qitishda kasbiy kontekstni qo‘llash, interaktiv metodlardan foydalanish va kompetensiyaviy yondashuvning afzalliklari yoritilgan. Shuningdek, talabalarning nutq ko‘nikmalari, kasbiy terminologiyani egallashi va real kommunikativ vaziyatlarda tilni qo‘llay olish darajasiga metodikaning ta’siri o‘rganilgan. Natijalar shuni ko‘rsatadiki, kasbiy yo‘naltirilgan yondashuv talabalarning tilni amaliy qo‘llash imkoniyatlarini sezilarli darajada oshiradi.