BLOKCHEYN TIZIMLARI UCHUN XESH FUNKSIYALARNI TANLASH MEZONLARI VA SAMARADORLIK KO'RSATKICHLARI TAHLILI

Blokcheyn texnologiyasi ketma-ket ulanib boruvchi bloklar yig‘indisidan tashkil topgan bo‘lib, taqsimlangan
ma’lumotlar bazasi sifatida ma’lumotlarning o‘zaro bog‘liqligi va yaxlitligini ishonchli tarzda ta’minlaydi. Bloklar orasidagi
uzviy bog‘lanish xeshlash mexanizmlari orqali shakllantirilgani sababli, ushbu maqolada zamonaviy blokcheyn
tarmoqlarida qo‘llanilishi mumkin bo‘lgan turli xesh algoritmlarining samaradorligi qiyosiy tahlil asosida baholanadi.
Tadqiqot jarayonida xesh funksiyalarining unumdorligi, bitta baytni qayta ishlash uchun zarur bo‘lgan sikllar soni (sikl/
bayt), soniyada qayta ishlanishi mumkin bo‘lgan ma’lumot hajmi (MB/s), shuningdek, xeshlash tezligi (KHash/s) kabi
asosiy ko‘rsatkichlar bo‘yicha solishtirish amalga oshiriladi. Olingan natijalar markazlashmagan blokcheyn platformalarini
yaratish jarayonida eng optimal xesh funksiyasini tanlashga ilmiy asoslangan yordam beradi.