LOTIN TILI - INSON TANASINING LINGVISTIK KODI VA TIBBIYOTDAGI UNIVERSALLIK TAMOYILI

Ushbu maqolada lotin tilining tibbiyot fanidagi o‘rni va ahamiyati chuqur tahlil qilingan. Lotin tili qadimiy ilmiy meros sifatida nafaqat tarixiy, balki zamonaviy tibbiyotning asosiy terminologik bazasini tashkil etadi. Tadqiqot davomida lotin tilining anatomiya, farmakologiya, patologiya kabi sohalardagi qo‘llanilishi, atamalarning grammatik va semantik xususiyatlari o‘rganilgan. Shuningdek, zamonaviy ilmiy terminlar yaratishda lotincha ildizlarning saqlanib qolishi, ularning universallik va aniqlikni ta’minlashdagi o‘rni yoritilgan. Maqolada lotin tili “inson tanasining lingvistik kodi” sifatida talqin etilib, u tibbiyotda xalqaro aloqa, ilmiy integratsiya va kasbiy savodxonlikning muhim omili ekanligi ilmiy asosda isbotlangan.