NORASMIY BANDLIKNING MEHNAT BOZORIDAGI O'RNI VA IJTIMOIY XAVFLARI

Mehnat bozori har qanday mamlakat iqtisodiyotining muhim tarkibiy qismi bo‘lib, uning samaradorligi iqtisodiy barqarorlik va ijtimoiy rivojlanishga bevosita ta’sir qiladi. Norasmiy bandlikning yuqori darajasi iqtisodiy rivojlanishning sustlashishiga, davlat byudjetiga tushumlarning kamayishiga va fuqarolarning ijtimoiy himoyasiz qolishiga olib keladi[1]. O‘zbekistonda ham bu muammo dolzarb bo‘lib, norasmiy sektorda band aholining ulushi 2024-yil yanvar holatiga ko‘ra 39 foizni tashkil etdi. Maqola siyosatchilar, tadqiqotchilar va mehnat bozori ishtirokchilari uchun dolzarb ahamiyat kasb etadi.