Sun'iy intellekt vositalari ta'lim jarayonida: bo'lajak pedagoglar va texnik yo'nalish talabalarining qarashlari

Ushbu maqolada pedagogika va texnika yo‘nalishlari talabalari o‘rtasida sun’iy intellekt vositalaridan foydalanish darajasi, qo‘llash maqsadlari hamda ta’lim jarayonida undan kutayotgan imkoniyatlari empirik so‘rovnoma asosida tahlil qilindi. Tadqiqot 211 nafar respondent ishtirokida o‘tkazilib, natijalar ChatGPTning har ikki yo‘nalishda mutlaq yetakchiligini ko‘rsatdi. Olingan natijalar sun’iy intellektdan foydalanishning ta’limiy samaradorligini yanada oshirish, talabalar uchun metodik tavsiyalar ishlab chiqish va ta’limda sun’iy intellekt integratsiyasini ilmiy asoslashga zamin yaratadi.