IKKI TILLILIK (BILINGVIZM) VA UNING BOLALAR VA KATTA YOSHDAGILARNING KOGNITIV RIVOJLANISHIGA TA'SIRI

Ikki tillilik (bilingvizm) bolalar va kata yoshdagilarning kognitiv qobiliyatlariga, asosan, xotira, diqqat va muammolarni hal qilish kabi qobiliyatlariga  sezilarli darajada ta’sir o`tkazadi. Ushbu maqolada ikki tillilikning kognitiv rivojlanishga ta’sirini lingvistika va psixolingvistika nuqtai nazaridan o‘rganiladi, va ushbu jarayonni o`rganishda Vigostskiyning ijtimoiy-kognitiv rivojlanish nazariyalariga tayanadi. Vigostskiyning ta’kidlashicha, til ijtimoiy o‘zaro ta’sir orqali kognitiv rivojlanishni shakllantiradi, bu esa ikki tilli muhitda yanada murakkab kognitiv jarayonlarni keltirib chiqaradi. Ilmiy tadqiqotlardan olingan misollar, masalan, Bialystok (2011) tomonidan olib borilgan tadqiqotlar, ikki tilli bolalarda diqqatni boshqarish va kognitiv moslashuvchanlikning yuqori darajada ekanligini ko‘rsatadi. Maqolada ikki tillilikning kognitiv afzalliklari va cheklovlarini ko`rib chiqiladi va tahlil qilinadi, shuningdek, kelajakdagi tadqiqotlar uchun yo‘nalishlarni muhokama qilinadi.