"YASHIL MOLIYALASHTIRISH" TIZIMINING TARKIBI VA AMAL QILISH XUSUSIYATLARI

Maqolada global miqyosda “yashil iqtisodiyot”ga o‘tishning zaruriyati va ushbu jarayonni moliyalashtirish mexanizmlari tahlil qilinadi. Xususan, “yashil moliyalashtirish” tushunchasining mohiyati, shakllanish bosqichlari va xalqaro amaliyotda qo‘llanilayotgan moliyaviy vositalar ko‘rib chiqilgan. Yashil iqtisodiyotning asosiy tarmoqlari — qayta tiklanadigan energiya, ekologik transport, chiqindilarni qayta ishlash, resurslarni tejovchi texnologiyalar — moliyaviy yondashuvlar bilan uzviy bog‘liq ekanligi asoslab berilgan. Shuningdek, yashil moliyalashtirishda uchraydigan risklar, investitsiyaviy jozibadorlikni oshirish usullari, “yashil obligatsiyalar”ning afzalliklari va davlatning roli tahlil etilgan.