ДИПЛОМАТИК ҲУЖЖАТЛАРНИНГ ЛИНГВОСТИЛИСТИК НУҚТАИ НАЗАРИДАН ЎРГАНИЛИШИДА МАТНШУНОСЛИКНИНГ ЗАМОНАВИЙ КОНЦЕПЦИЯЛАРИ

Ҳозирги тилшуносликда матншунослик алоҳида илмий йўналиш сифатида шаклланиб, матнни мустақил лингвистик категория сифатида ўрганишни назарда тутади. ХХ аср ўрталаридан бошлаб Прага мактаби, Москва семиотик мактаби ва Ғарбдаги функционал лингвистика мактаблари матннинг маънолий яхлитлиги, когерентлиги, когезияси, жанровий хусусиятлари ва прагматик мақсадини илмий асослаб берди. Дипломатик ёзишмалар эса ана шу назарий тамойилларни амалда энг равшан акс эттирадиган жанрлардан ҳисобланади. Дипломатик ҳужжатлар нафақат ахборотни етказиш воситаси, балки давлатлар ўртасидаги ҳуқуқий муносабатларни мустаҳкамловчи расмий ҳуқуқий ҳужжат сифатида хизмат қилади.