ALISHER NAVOIY DOSTONLARIDA QO'LLANILGAN AYRIM ARABCHA IZOFIY BIRIKMALAR XUSUSIDA

Biroq oz bo‘lsa-da shakliy izofalar ham uchraydi: karimul-axloq, karimul-xulq, ruhul-amin, “Tuhfatul-afkor”, “Lujjatul-asror” va boshqalar. Shakliy izofa – izofa shaklidagi murakkab sifatdir. Shakliy izofani ba’zan lafziy izofa deb ham aytiladi. Bunga sabab u shakl jihatdan, ya’ni talaffuzda izofiy birikma, ma’no jihatdan esa murakkab sifatdir. Bunday izofada uning aniqlanmishi (ya’ni qaralmishi) sifat yoki sifatdosh bilan ifodalangan bo‘lib moslashmagan aniqlovchi (ya’ni qaratqich) bilan murakkab sifat tuzib keladi. U doim aniq holatda bo‘ladi.