TIL VA MADANIYAT UZVIYLIGI: O'ZBEK MADANIYATIDA «BOYLIK» KONSEPTINING LINGVOMADANIY TAHLILI

 Mazkur maqolada til va madaniyat o‘rtasidagi uzviy bog‘liqlik konseptlar orqali tahlil etiladi. Xususan, “boylik” konseptining o‘zbek madaniyatidagi mazmuni, uning moddiy, ma’naviy va ijtimoiy qirralari turli maqollar va iboralar asosida yoritib beriladi. Tadqiqotda konseptlar xalq tafakkuri, qadriyatlar tizimi va madaniy xotirani aks ettiruvchi vosita sifatida talqin qilinadi. O‘zbek tilidagi “boylik” konsepti halol mehnat, hunar, ilm, sog‘liq va kamtarlik bilan bog‘liq tarzda ifodalanishi ko‘rsatib o‘tiladi. Maqolada konseptual yondashuv asosida til va madaniyatning o‘zaro aloqasi chuqur tahlil qilinadi.