AKSIOLOGIK LEKSIKANING KONTEKSTGA BOG'LIQLIGI

Ushbu maqola aksiologik leksikaning kontekstga bog‘liq xususiyatlarini tahlil qiladi. Tadqiqot davomida so‘zlarning baholash ma’nosi foydalanilgan vaziyat, madaniy va ijtimoiy tajriba asosida shakllanishi, nutqiy aktlar orqali ifodalanishi va ijtimoiy me’yorlar bilan o‘zaro bog‘liqligi aniqlanadi. Maqolada J.L. Ostin, J. Serl, H.P. Grays, D. Hayms, D. Sperber, D. Uilson va N. Feyrklon kabi olimlarning nazariyalari tahlil qilinib, tilning qiymatlarni ifodalashdagi murakkab mexanizmlari ochib beriladi. Ushbu yondashuv tilning ijtimoiy va madaniy kontekstdagi ahamiyatini, nutqiy aktlar orqali berilayotgan baholash ma’nosini hamda tilshunoslik sohasida yangi ilmiy qarashlarning shakllanish jarayonini yoritadi.