YASHIL BYUDJETLASHTIRISHNI JORIY ETISH: EKOLOGIK VA IQTISODIY SAMARADORLIKNI OSHIRISH

Ushbu maqolada yashil byudjetlashtirishning ekologik va iqtisodiy samaradorlikni oshirishdagi o‘rni tahlil qilinadi. Yashil byudjetlashtirish — bu davlat moliyaviy siyosatini ekologik tamoyillar asosida shakllantirish orqali iqtisodiy va ekologik muvozanatni ta'minlashga qaratilgan yondashuvdir. Maqolada, bir qator xalqaro tajribalar, moliyaviy mexanizmlar, va O‘zbekistonning yashil byudjetlashtirishni joriy etishdagi imkoniyatlari ko‘rib chiqiladi. Tadqiqotda ekologik moliyaviy instrumentlar, barqaror rivojlanish uchun zarur bo‘lgan siyosiy va institutsional islohotlar, shuningdek, yashil iqtisodiyotning mamlakatlar rivojlanishiga qanday ta’sir ko‘rsatishi tahlil qilinadi.