MIRAK MUHAMMAD TOSHKANDIYNING "NAVODIR UL-AMSOL" ASARI VA UNING VUJUDGA KELISH OMILLARI

Ushbu maqola Mirak Muhammad Toshkandiyning "Navodir ul-Amsol" asarini vujudga keltirgan ilmiy, adabiy va tarixiy omillarni o‘rganishga bag‘ishlangan. Asarning yaratilish sabablari, uning kompozitsion qurilishi, badiiy-ma’rifiy yo‘nalishi va manbashunoslik ahamiyati matn asosida tahlil qilinadi. Muallif shaxsiy intellektual ehtiyoj va ma’naviy niyat asosida, o‘z davrining ilmiy-adabiy muhiti bilan uzviy bog‘liq holda ushbu asarni yaratgan. Tadqiqotda matnning shakli, tili, estetik tuzilishi va adabiy bog‘liqliklari (intertekstual aloqalari) ilmiy asosda tahlil qilinadi. XVI asr Markaziy Osiyodagi madaniy va adabiy muhit kontekstida asarning uslubiy va tarixiy ahamiyati ochib beriladi. Asarda til, badiiyat va tafakkur uyg‘unligini ochish, uni hozirgi matnshunoslik mezonlari asosida baholash — tadqiqotning asosiy yo‘nalishini tashkil etadi.