"MEHMONDO'STLIK" TUSHUNCHASIGA OID MAQOLLARNING PRAGMATIK TAHLILI.

Ushbu maqolada mehmondo‘stlik tushunchasining o‘zbek xalq maqollari orqali pragmatik tahlili amalga oshirildi. Tadqiqotda milliy qadriyatlar, muloqot madaniyati va ijtimoiy me'yorlarni aks ettiruvchi maqollarning semantik va kontekstual ma'nolari tahlil qilindi. Lingvistik pragmatika va qiyosiy yondashuv asosida o‘tkazilgan tadqiqotda “mehmon otangdan ulug‘”, “mehmon kelsa, rizq kelar” kabi maqollar alohida e’tirof etilib, ularning madaniy va axloqiy ahamiyati yoritilgan. Natijalar o‘zbek xalqining mehmondo‘stlik madaniyatini saqlash va targ‘ib qilishdagi roli, shuningdek, bu tushunchaning boshqa tillar va madaniyatlardagi ifodalaridan farqlarini ochib berdi. Maqola pragmatik tahlil usuli orqali madaniyatlararo muloqot tadqiqotlariga hissa qo‘shishni maqsad qilgan.