MARKAZIY BANKNING MAJBURIY ZAHIRA SIYOSATINI TAKOMILLASHTIRISH

Ushbu maqolada markaziy bankning majburiy zahiralar siyosatini takomillashtirishning nazariy asoslari va zamonaviy iqtisodiy sharoitlarda uning ahamiyati tahlil qilinadi. Majburiy zahiralar bank tizimining likvidligini ta’minlash, inflyatsiyani nazorat qilish va iqtisodiy barqarorlikni qo‘llab-quvvatlashda markaziy bank uchun muhim vosita hisoblanadi. Maqolada majburiy zahiralar siyosatining asosiy vazifalari, uning banklar uchun zaruriy miqdorini belgilash va joylashuvini tartibga solish kabi tamoyillari yoritilgan.

Shuningdek, zamonaviy iqtisodiy sharoitda majburiy zahiralar siyosatini takomillashtirish uchun yangi yondashuvlar, masalan, zahira miqdorini dinamik ravishda belgilash, texnologik innovatsiyalarni (blokcheyn, sun’iy intellekt) qo‘llash, moliyaviy barqarorlikni ta’minlash va ekstremal holatlar uchun ortiqcha zahiralarni saqlash kabi takliflar kiritilgan. Maqolada, majburiy zahiralar siyosati iqtisodiy barqarorlikni ta'minlashdagi ahamiyati hamda markaziy banklar tomonidan amalga oshiriladigan strategiyalarni takomillashtirishda uchraydigan asosiy muammolar muhokama qilinadi. Tadqiqot iqtisodiy tizimning barqarorligini saqlash, banklar faoliyatining samaradorligini oshirish va global iqtisodiy inqirozlardan himoya qilish yo‘nalishidagi takliflarni ishlab chiqadi.