MARKAZIY OSIYO MINTAQASIDA IJTIMOIY-SIYOSIY TAHDIDLARGA QARSHI KURASH TEXNOLOGIYALARINING STRATEGIK YO'NALISHLARI

Markaziy Osiyoda osoyishtalik hamda barqaror taraqqiyotga erishish yo'lida  mintaqa davlatlari tomonidan faol tashqi siyosat olib borilmoqda. Markaziy  Osiyoni tinchlik hamda yaxshi qo'shnichilik hududiga aylantirish O'zbekiston  tashqi siyosatining ham ustuvor yo'nalishi sifatida belgilangan.Mazkur maqola  mavzusining dolzarbligi shundaki, bugungi global tahdid manbalari ko'payib  borayotgan davrda, Markaziy Osiyo hududiy xavfsizligini ta'minlash mintaqa  davlatlarining oldida turgan eng asosiy vazifalardan biriga aylandi. Davlatlar o'rtasida savdo-iqtisodiy, transport va tranzit-logistika, xavfsizlik va barqarorlikni ta'minlash, davlat chegaralariga doir masalalarni yakuniga yetkazish, suv resurslaridan adolatli foydalanish, xalqlar o'rtasida madaniy-gumanitar aloqalar, do'stlik va yaxshi qo'shnichilik munosabatlarini mustahkamlash kabi yo'nalishlar rivojlantirilmoqda.