АЙРИМ ЧЎЛ ОЗУҚАБОП ЎСИМЛИК ТУРЛАРИ УРУҒЛАРИНИНГ БЎЛИҚЛИК ХУСУСИЯТЛАРИ

Ўзбекистон чўл яйловлари ҳосилдорлигини оширишда истиқболли бўлган қатор ўсимлик турлари аниқланган ва уларнинг кўпчилиги маҳаллий навлари ҳам яратилган. Истиқболли фитомелиорантлар жумласига бута ўсимликлардан қора саксовул- Haloxylon aphyllum, Палецкий черкези – Salsola paletzkiana, ярим буталардан Чўғон- Halothamnus subaphyllus, Изен- Kochia prostrata, Терескен- Ceratoides ewersmanniana, Қуйровуқ- Salsola orientalis, Боялиш- Salsola arbuscula, кўп йиллик Олабута турларини-Atriplex sp. ва бошқа турларни киритиш мумкин.