МАВЗӮЪ ВА МУҲТАВОИ ОЧЕРКИ МУСТАНАДИ "ҲАКИМ КАРИМРО КӢ КУШТ?" И ДОДОҶОН РАҶАБӢ

дар мақола воқеаҳои солҳои сиюҳафтум, ки аз пурфоҷеатарин даврони таърихӣ дар ҳаёти аҳли илму адаби тоҷик маҳсуб мешавад, дар асоси очерки мустанади Додоҷон Раҷабӣ – “Ҳаким Каримро кӣ кушт?” мавриди омӯзиш ва таҳқиқ қарор гирифтааст. Зеро сиёсати давр боис гардида, ки аксари қаламкашон бо баҳонаи «душмани халқ» будан гирифтори таъқибу шиканҷа гардида, ба зиндонҳо андохта шаванд. Мавзӯи мазкур ва тақдири «гунаҳкорони бегуноҳ»-и ин давра то охири солҳои 80-уми асри бист аз тарафи адибон мавриди таҳқиқу омӯзиш қарор нагирифта буд. Нависандаи барӯманди тоҷик Дадоҷон Раҷабӣ дар асоси омӯхтани маводи бойгониҳо ва маълумоти маҷаллаву рӯзномаҳои солҳои сиюм ба навиштани силсилаи очеркҳои мустанад даст зада, дар равшан кардани сарнавишти қаламкашони зиёде, ки гирифтори туҳмат шуда буданд, тавфиқ ёфт.