БАЪЗЕ ХУСУСИЯТҲОИ СУРУДҲОИ ЛИРИКИИ ФОЛКЛОРИ ТОҶИКОНИ ВОДИИ ҚАШҚАДАРЁ

Як қисми калони фолклори тоҷикони водии Қашқадарёро сурудҳои лирикӣ ташкил намуда, аз давраи қадим дар ҳаёти маънавии мардуми ин водӣ мавқеи калон доштааст. Ба воситаи сурудҳои лирикӣ мардум муносибати худро ба воқеаҳои гуногуни зиндагӣ баён намудаанд. Дар мақолаи мазкур сурудҳои лирикии тоҷикони водии Қашқадарё мавриди баррасӣ қарор гирифта, мазмуну мундариҷаи ғоявӣ, тарзи иҷро ва хусусиятҳои ба худ хоси онҳо нишон дода шудааст.