МАҚОМИ КАЛИМАҲОИ АРАБӢ ДАР БАРГАРДОНИ ИСТИЛОҲОТИ АВРУПОӢ

мақолаи мазкур ба баррасии маъноии баъзе аз истилоҳоти ҳарбии арабӣ дар баргардони истилоҳоти аврупоӣ дар луғати дузабонаи А. В. Старчевский (Переводчикъ с русскаго языка на персидский) сурат гирифтааст. Муаллифи мақола дар асоси маводи луғатҳои тафсирию дузабона (русӣ-тоҷикӣ, тоҷикӣ-русӣ, форсӣ-русӣ, русӣ-форсӣ, арабӣ-форсӣ ва форсӣ-арабӣ)-и мавҷуда бо усули таҳлили муқоисавӣ ин гурӯҳи вожаҳоро аз ҷиҳати маъно ташреҳ намуда, бо зикри мисолҳо аз фарҳанги зери таҳқиқ мавқеи корбурди онҳоро муайян намудааст. Дар ин замина нишон дода шудааст, ки вожаҳои зери таҳлил дар забони адабии ҳозираи тоҷикӣ аз лиҳози корбурд ҳамсон набуда, бархе аз онҳо ба қатори калимаҳои архаистӣ ё таърихӣ дохил шудаанд.