САЙРИ СЕҲАЗОРСОЛАИ ЯК КАЛИМАИ ТОҶИКӢ

Мақола ба сарнавишти калимаи дар давраи имрӯза туркигунаи чӯрӣ бахшида шудааст.

          Муаллиф дар заминаи маводи фарҳангномаҳои тафсириву тарҷумавӣ ва осори таҳқиқӣ гузаштаи дур доштани “чӯрӣ”-ро нишон дода, решаи ҳиндуаврупоӣ доштани онро собит кардааст.

          Дар осори адибони даврони асримиёнагӣ аз байни панҷ варианти калимаи мавриди таҳлил асосан се шакли он: ёрӣ, чуҳра ва ҷория мустаъмал аст.

          Маълум мешавад, ки аз даврони пешазмелодӣ то кунун ин унсури луғавӣ ба чанд шаклу маъно таҳаввул ёфта, имрӯз бештар дар гӯишҳои тоҷикии Тоҷикистон ва форсии Эрон ба гунаҳои вижа пойдор мондааст.