Λουκιανὸς Κρονίῳ εὖ πράττειν. 
 1 Ὁ κακοδαίμων Περεγρῖνος, ἢ ὡς αὐτὸς ἔχαιρεν
ὀνομάζων ἑαυτόν, Πρωτεύς, αὐτὸ δὴ ἐκεῖνο
τὸ τοῦ Ὁμηρικοῦ Πρωτέως ἔπαθεν· ἅπαντα
γὰρ δόξης ἕνεκα γενόμενος καὶ μυρίας τροπὰς
τραπόμενος, τὰ τελευταῖα ταῦτα καὶ πῦρ ἐγένετο·
τοσούτῳ ἄρα τῷ ἔρωτι τῆς δόξης εἴχετο. καὶ νῦν
ἐκεῖνος ἀπηνθράκωταί σοι ὁ βέλτιστος κατὰ τὸν
Ἐμπεδοκλέα, παῤ ὅσον ὁ μὲν κἂν διαλαθεῖν ἐπειράθη
 
 
 

 
ἐμβαλὼν ἑαυτὸν εἰς τοὺς κρατῆρας, ὁ δὲ
γεννάδας οὗτος, τὴν πολυανθρωποτάτην τῶν
Ἑλληνικῶν πανηγύρεων τηρήσας, πυρὰν ὅτι
μεγίστην νήσας ἐνεπήδησεν ἐπὶ τοσούτων μαρτύρων,
καὶ λόγους τινὰς ὑπὲρ τούτου εἰπὼν
πρὸς τοὺς Ἕλληνας οὐ πρὸ πολλῶν ἡμερῶν τοῦ
τολμήματος.

2 Πολλὰ τοίνυν δοκῷ μοι ὁρᾶν σε γελῶντα
ἐπὶ τῇ κορύζῃ τοῦ γέροντος, μᾶλλον δὲ καὶ ἀκούω
βοῶντος οἷά σε εἰκὸς βοᾶν, “Ὤ τῆς ἀβελτερίας,
ὢ τῆς δοξοκοπίας, ὢ—᾿᾿ τῶν ἄλλων ἃ λέγειν
εἰώθαμεν περὶ αὐτῶν. σὺ μὲν οὖν πόρρω ταῦτα
καὶ μακρῷ ἀσφαλέστερον, ἐγὼ δὲ παρὰ τὸ πῦρ αὐτὸ
καὶ ἔτι πρότερον ἐν πολλῷ πλήθει τῶν ἀκροατῶν
εἶπον αὐτά, ἐνίων μὲν ἀχθομένων, ὅσοι ἐθαύμαζον
τὴν ἀπόνοιαν τοῦ γέροντος· ἤσαν δέ τινες
οἴ καὶ αὐτοὶ ἐγέλων ἐπʼ αὐτῷ. ἀλλʼ ὀλίγου δεῖν
ὑπὸ τῶν Κυνικῶν ἐγώ σοι διεσπάσθην ὥσπερ ὁ
Ἀκταίων ὑπὸ τῶν κυνῶν ἢ ὁ ἀνεψιὸς αὐτοῦ ὁ
Πενθεὺς ὑπὸ τῶν Μαινάδων.

3 Ἡ δὲ πᾶσα τοῦ πράγματος διασκευὴ τοιάδε
ἦν. τὸν μὲν ποιητὴν οἶσθα οἷός τε ἦν καὶ ἡλίκα
ἐτραγῴδει παρʼ ὅλον τὸν βίον, ὑπὲρ τὸν Σοφοκλέα
καὶ τὸν Αἰσχύλον. ἐγὼ δὲ ἐπεὶ τάχιστα εἰς τὴν
Ἦλιν ἀφικόμην, διὰ τοῦ γυμνασίου ἀνιὼν ἐπήκουον
ἅμα Κυνικοῦ τινος μεγάλῃ καὶ τραχείᾳ τῇ φωνῇ
τὰ συνήθη ταῦτα καὶ ἐκ τριόδου τὴν ἀρετὴν
ἐπιβοωμένου καὶ ἅπασιν ἀπαξαπλῶς λοιδορουμένου.
εἶτα κατέληξεν αὐτῷ ἡ βοὴ ἐς τὸν
 
 

 
Πρωτέα, καὶ ὡς ἂν οἷός τε ὦ πειράσομαί σοι
αὐτὰ ἐκεῖνα ἀπομνημονεῦσαι ὡς ἐλέγετο. σὺ δὲ
γνωριεῖς δηλαδή, πολλάκις αὐτοῖς παραστὰς βοῶσιν.

4 “ Πρωτέα γάρ τις,” ἔφη, “κενόδοξον τολμᾷ
λέγειν, ὦ γῇ καὶ ἥλιε καὶ ποταμοὶ καὶ θάλαττα
καὶ πατρῷε Ἡράκλεις—Πρωτέα τὸν ἐν Συρίᾳ
δεθέντα, τὸν τῇ πατρίδι ἀνέντα πεντακισχίλια
τάλαντα, τὸν ἀπὸ τῆς Ῥωμαίων πόλεως ἐκβληθέντα,
τὸν τοῦ Ἡλίου ἐπισημότερον, τὸν αὐτῷ
ἀνταγωνίσασθαι τῷ Ὀλυμπίῳ δυνάμενον; ἀλλ᾿
ὅτι διὰ πυρὸς ἐξάγειν τοῦ βίου διέγνωκεν ἑαυτόν,
εἰς κενοδοξίαν τινὲς τοῦτο ἀναφέρουσιν; οὐ γὰρ
Ἡρακλῆς οὕτως; οὐ γὰρ Ἀσκληπιὸς καὶ Διόνυσος
κεραυνῷ; οὐ γὰρ τὰ τελευταῖα Ἐμπεδοκλῆς
εἰς τοὺς κρατῆρας;”

5 Ὡς δὲ ταῦτα εἶπεν ὁ Θεαγένης—τοῦτο γὰρ
ὁ κεκραγὼς ἐκεῖνος ἐκαλεῖτο—ἠρόμην τινὰ τῶν
παρεστώτων, “Τί βούλεται τὸ περὶ τοῦ πυρός, ἢ τί
Ἡρακλῆς καὶ Ἐμπεδοκλῆς πρὸς τὸν Πρωτέα.”
ὁ δέ, “Οὐκ εἰς μακράν,” ἔφη, “καύσει ἑαυτὸν
ὁ Πρωτεὺς Ὀλυμπίασιν.” “Πῶς,” ἔφην, “ἢ
τίνος ἕνεκα; ” εἶτα ὁ μὲν ἐπειρᾶτο λέγειν, ἐβόα
δὲ ὁ Κυνικός, ὥστε ἀμήχανον ἦν ἄλλου ἀκούειν.
ἐπήκουον οὖν τὰ λοιπὰ επαντλοῦντος αὐτοῦ καί
 

 
θαυμαστάς τινας ὑπερβολὰς διεξιόντος κατὰ τοῦ
Πρωτέως· τὸν μὲν γὰρ Σινωπέα ἢ τὸν διδάσκαλον
αὐτοῦ Ἀντισθένη οὐδὲ παραβάλλειν ἠξίου αὐτῷ,
ἀλλ᾿ οὐδὲ τὸν Σωκράτη αὐτόν, ἐκάλει δὲ τὸν Δία
ἐπὶ τὴν ἅμιλλαν. εἶτα μέντοι ἔδοξεν αὐτῷ ἴσους
πως φυλάξαι αὐτούς, καὶ οὕτω κατέπαυε τὸν
λόγον·

6 “Δύο γὰρ ταῦτα,” ἔφη, “ὁ βίος ἄριστα
δημιουργήματα ἐθεάσατο, τὸν Δία τὸν Ὀλύμπιον
καὶ Πρωτέα· πλάσται δὲ καὶ τεχνῖται, τοῦ μὲν
Φειδίας, τοῦ δὲ ἡ φύσις. ἀλλὰ νῦν ἐξ ἀνθρώπων
εἰς θεοὺς τὸ ἄγαλμα τοῦτο οἰχήσεται, ὀχούμενον
ἐπὶ τοῦ πυρός, ὀρφανοὺς ἡμᾶς καταλιπόν.”
ταῦτα ξὺν πολλῷ ἱδρῶτι διεξελθὼν ἐδάκρυε μάλα
γελοίως καὶ τὰς τρίχας ἐτίλλετο, ὑποφειδόμενος
μὴ πάνυ ἕλκειν· καὶ τέλος ἀπῆγον αὐτὸν λύζοντα
μεταξὺ τῶν Κυνικῶν τινες παραμυθούμενοι.

7 Μετὰ δὲ τοῦτον ἄλλος εὐθὺς ἀναβαίνει, οὐ
περιμείνας διαλυθῆναι τὸ πλῆθος ἀλλὰ ἐπ᾿ αἰθομένοις
τοῖς προτέροις ἱερείοις ἐπέχει τῶν σπονδῶν.
καὶ τὸ μὲν πρῶτον ἐπὶ πολὺ ἐγέλα καὶ δῆλος ἦν
νειόθεν αὐτὸ δρῶν· εἶτα ἤρξατο ὧδέ πως· “Ἐπεὶ
ὁ κατάρατος Θεαγένης τέλος τῶν μιαρωτάτων
αὐτοῦ λόγων τὰ Ἡρακλείτου δάκρυα ἐποιήσατο,
ἐγὼ κατὰ τὸ ἐναντίον ἀπὸ τοῦ Δημοκρίτου
γέλωτος ἄρξομαι.” καὶ αὖθις ἐγέλα ἐπὶ πολύ,
ὥστε καὶ ἡμῶν τοὺς πολλοὺς ἐπὶ τὸ ὅμοιον
 
 

 
ἐπεσπάσατο.

8 εἶτα ἐπιστρέψας ἑαυτόν, “ Ἢ τί
γὰρ ἄλλο,᾿᾿ ἔφη, “ ὦ ἄνδρες, χρὴ ποιεῖν ἀκούοντας
μὲν οὕτω γελοίων ῥήσεων, ὁρῶντας δὲ ἄνδρας
γέροντας δοξαρίου καταπτύστου ἕνεκα μονονουχί
κυβιστῶντας ἐν τῷ μέσῳ; ὡς δὲ εἰδείητε
ἷόν τι τὸ ἄγαλμά ἐστι τὸ καυθησόμενον, ἀκούσατέ
μου ἐξ ἀρχῆς παραφυλάξαντος τὴν γνώμην
αὐτοῦ καὶ τὸν βίον ἐπιτηρήσαντος· ἕνια δὲ παρὰ
τῶν πολιτῶν αὐτοῦ ἐπυνθανόμην καὶ οἶς ἀνάγκη
ἢν ἀκριβῶς εἰδέναι αὐτόν.

9 Γὸ γὰρ τῆς φύσεως τοῦτο πλάσμα καὶ δημιούργημα,
ὁ τοῦ Πολυκλείτου κανών, ἐπεὶ εἰς ἄνδρας
τελεῖν ἤρξατο, ἐν Ἀρμενίᾳ μοιχεύων ἁλοὺς μάλα
πολλὰς πληγὰς ἕλαβεν καὶ τέλος κατὰ τοῦ τέγους
ἁλόμενος διέφυγε, ῥαφανῖδι σὴν πυγὴν βεβυσμένος.
εἶτα μειράκιόν τι ὡραῖον διαφθείρας τρισχιλίων
ἐξωνήσατο παρὰ τῶν γονέων τοῦ παιδός, πενήτων
ὄντων, μὴ ἐπὶ τὸν ἁρμοστὴν ἀπαχθῆναι τῆς Ἀσίας.

10 “ Ταῦτα καὶ τὰ τοιαῦτα ἐάσειν μοι δοκῶ·
πηλὸς γὰρ ἔτι ἄπλαστος ἦν καὶ οὐδέπω ἐντελὲς
ἄγαλμα ἡμῖν δεδημιούργητο. ἃ δὲ τὸν πατέρα
ἕδρασεν καὶ πάνυ ἀκοῦσαι ἄξιον· καίτοι πάντες
ἴστε, καὶ ἀκηκόατε ὡς ἀπέπνιξε τὸν γέροντα,
οὐκ ἀνασχόμενος αὐτὸν ὑπὲρ ἐξήκοντα ἔτη ἤδη
γηρῶντα. εἶτα ἐπειδὴ τὸ πρᾶγμα διεβεβόητο,
φυγὴν ἑαυτοῦ καταδικάσας ἐπλανᾶτο ἄλλοτε
ἄλλην ἀμείβων.

11 “ Ὅτεπερ καὶ τὴν θαυμαστὴν σοφίαν τῶν
Χριστιανῶν ἐξέμαθεν, περὶ τὴν Παλαιστίνην τοῖς
ἱερεῦσιν καὶ γραμματεῦσιν αὐτῶν ξυγγενόμενος.
καὶ τί γάρ; ἐν βραχεῖ παῖδας αὐτοὺς ἀπέφηνε,
προφήτης καὶ θιασάρχης καὶ ξνναγωγεὺς καὶ
πάντα μόνος αὐτὸς ὥν, καὶ τῶν βίβλων τὰς μὲν ἐξηγεῖτο
καὶ διεσάφει, πολλὰς δὲ  αὐτὸς καὶ συνέγραφεν,
καὶ ὡς θεὸν αὐτὸν ἐκεῖνοι ᾐδοῦντο καὶ νομοθέτῃ
ἐχρῶντο καὶ προστάτην ἐπεγράφοντο, μετὰ 
γοῦν ἐκεῖνον ὃν ἔτι σέβουσι, τὸν ἄνθρωπον τὸν
ἐν τῇ Παλαιστίνῃ ἀνασκολοπισθέντα, ὅτι καινὴν
ταύτην τελετὴν εἰσῆγεν ἐς 6 τὸν βίον.

12 “ Γότε δὴ καὶ συλληφθεὶς ἐπὶ τούτῳ ὁ Πρωτεὺς
ἐνέπεσεν εἰς τὸ δεσμωτήριον, ὅπερ καὶ
αὐτὸ οὐ μικρὸν αὐτῷ ἀξίωμα περιεποίησεν πρὸς
τὸν ἐξῆς βίον καὶ τὴν τερατείαν καὶ δοξοκοπίαν
ὥν ἐρῶν ἐτύγχανεν. ἐπεὶ δʼ οὖν ἐδέδετο, οἱ
Χριστιανοὶ συμφοράν ποιούμενοι τὸ πρᾶγμα πάντα
ἐκίνουν ἐξαρπάσαι πειρώμενοι αὐτόν. εἶτʼ, ἐπεὶ
τοῦτο ἦν ἀδύνατον, ἥ γε ἄλλη θεραπεία πᾶσα οὐ
παρέργως ἀλλὰ σὺν σπουδῇ ἐγίγνετο· καὶ ἕωθεν
μὲν εὐθὺς ἦν ὁρᾶν παρὰ τῷ δεσμωτηρίῳ περιμένοντα
γρᾴδια χήρας τινὰς καὶ παιδία ὀρφανά,
οἱ δὲ ἐν τέλει αὐτῶν καὶ συνεκάθευδον ἕνδον μετʼ
αὐτοῦ διαφθείραντες τοὺς δεσμοφύλακας. εἶτα
δε ῖπνα ποικίλα εἰσεκομίζετο καὶ λόγοι ἱεροὶ
αὐτῶν ἐλέγοντο, καὶ ὁ βέλτιστος Περεγρῖνος—
ἔτι γὰρ τοῦτο ἐκαλεῖτο-καινὸς Σωκράτης ὑπʼ
αὐτῶν ὠνομάζετο.

13 “ Καὶ μὴν κἀκ τῶν ἐν Ἀσίᾳ πόλεων ἔστιν
ὧν ἧκόν τινες, τῶν Χριστιανῶν στελλόντων ἀπὸ
τοῦ κοινοῦ, βοηθήσοντες καὶ συναγορεύσοντες καὶ
παραμυθησόμενοι τὸν ἄνδρα. ἀμήχανον δέ τι
τὸ τάχος ἐπιδείκ υνται, ἐπειδάν τι τοιοῦτον
γένηται δημόσιον· ἐν βραχεῖ γὰρ ἀφειδοῦσι
πάν. καὶ καὶ τῷ Περεγρίνῳ πολλὰ τότε
ἧκεν χρήματα παρʼ αὐτῶν ἐπὶ προφάσει τῶν
δεσμῶν, καὶ πρόσοδον οὐ μικρὰν ταύτην ἐποιήσατο.
πεπείκασι γὰρ αὐτοὺς οἱ κακοδαίμονες τὸ
μὲν ὅλον ἀθάνατοι ἔσεσθαι καὶ βιώσεσθαι τὸν ἀεὶ
χρόνον, παρ᾿  ὃ καταφρονοῦσιν τοῦ θανάτου καὶ
ἑκόντες αὑτοὺς ἐπιδιδόασιν οἱ πολλοί. ἔπειτα δὲ
ὁ νομοθέτης ὁ πρῶτος ἔπεισεν αὐτοὺς ὡς ἀδελφοὶ
πάντες εἶεν ἀλλήλων, ἐπειδὰν ἅπαξ παραβάντες
θεοὺς μὲν τοὺς Ἑλληνικοὺς ἀπαρνήσωνται, τὸν
δὲ, ἀνεσκολοπισ ένον ἐκεῖνον σοφισὴν αὐτὸν 
προσκυνῶσιν καὶ κατὰ τοὺς ἐκείνου νόμους βιῶσιν.
καταφρονοῦσιν οὖν ἀπάντων ἐξ ἴσης καὶ κοινὰ
ἡγοῦνται, ἄνευ τινὸς ἀκριβοῦς πίστεως τὰ τοιαῦτα
παραδεξάμενοι. ἢν τοίνυν παρέλθῃ τις εἰς αὐτοὺς
γόης καὶ τεχνίτης ἄνθρωπος καὶ πράγμασιν
χρῆσθαι καὶ δυνάμενος,  αὐτίκα μάλα πλοσ ιος ἐν
βραχεῖ ἐγένετο ἰδιώτις ἀνθρώποις ἐγχανών.

14 “ Πλὴν   ἀλλ᾿  ὁ Περεγρῖνος ἀφείθη ὑπὸ τοῦ τότε
τῆς Συρίας ἄρχοντος, ἀνδρὸς φιλοσοφίᾳ χαίροντος,
 
 
 

 
ὃς συνεὶς τὴν ἀπόνοιαν αὐτοῦ καὶ ὅτι δέξαιτʼ
ἄν ἀποθανεῖν ὡς δόξαν ἐπὶ τούτῳ ἀπολίποι,
ἀφῆκεν αὐτὸν οὐδὲ τῆς κολάσεως ὑπολαβὸν
ἄξιον. ὁ δὲ εἰς τὴν οἰκείαν ἐπανελθὼν καταλαμβάνει
τὸ περὶ τοῦ πατρῴου φόνου ἔτι φλεγμαῖνον
καὶ πολλοὺς τοὺς ἐπανατεινομένους τὴν κατηγορίαν.
διήρπαστο δὲ τὰ πλεῖστα τῶν κτημάτων
παρὰ τὴν ἀποδημίαν αὐτοῦ καὶ μόνοι ὑπελείποντο
οἱ ἀγροὶ ὅσον εἰς πεντεκαίδεκα τάλαντα.
ἦν γὰρ ἡ πᾶσα οὐσία τριάκοντά που ταλάντων ἀξία
ἢν ὁ γέρων κατέλιπεν, οὐχ ὥσπερ ὁ παγγέλοιος
Θεαγένης ἔλεγε πεντακισχιλίων· τοσούτου γὰρ
οὐδὲ ἡ πᾶσα τῶν Παριανῶν πόλις πέντε σὺν αὐτῇ
τὰς γειτνιώσας παραλαβοῦσα πραθείη ἄν αὐτοῖς
ἀνθρώποις καὶ βοσκήμασιν καὶ τῇ λοιπῇ παρασκευῇ.

“Ἀλλʼ ἔτι γε ἡ κατηγορία καὶ τὸ ἔγκλημα
θερμὸν ἦν, καὶ ἐώκει οὐκ εἰς μακρὰν ἐπαναστήσεσθαί
τις αὐτῷ, καὶ μάλιστα ὁ δῆμος αὐτὸς ἠγανάκτει,
χρηστόν, ὡς ἔφασαν οἱ ἰδόντες, γέροντα πενθοῦντες
οὕτως ἀσεβῶς ἀπολωλότα. ὁ δὲ σοφὸς οὗτος
Πρωτεὺς πρὸς ἅπαντα ταῦτα σκέψασθε οἷόν τι
ἐξεῦρεν καὶ ὅπως τὸν κίνδυνον διέφυγεν. παρελθὼν
γὰρ εἰς τὴν ἐκκλησίαν τῶν Παριανῶν—ἐκόμα δὲ
ἤδη καὶ τρίβωνα πιναρὸν ἠμπείχετο καὶ πήραν
παρήρτητο καὶ τὸ ξύλον ἐν τῇ χειρὶ ἦν, καὶ ὅλως
μάλα τραγικῶς ἐσκεύαστο-τοιοῦτος οὖν ἐπιφανεὶς
αὐτοῖς ἀφεῖναι ἔφη τὴν οὐσίαν ἣν ὁ μακαρίτης

 
πατὴρ αὐτῷ κατέλιπεν δημοσίαν εἶναι πᾶσαν.
τοῦτο ὡς ἤκουσεν ὁ δῆμος, πένητες ἄνθρωποι καὶ
πρὸς διανομὰς κεχηνότες, ἀνέκραγον εὐθὺς ἕνα
φιλόσοφον, ἕνα φιλόπατριν, ἕνα Διογένους καὶ
Κράτητος ζηλωτήν. οἱ δὲ ἐχθροὶ ἐπεφίμωντο,
κἂν εἴ τις ἐπιχειρήσειεν μεμνῆσθαι τοῦ φόνου,
λίθοις εὐθὺς ἐβάλλετο.

16 “Ἐξῄει οὖν τὸ δεύτερον πλανησόμενος, ἱκανὰ
ἐφόδια τοὺς Χριστιανοὺς ἔχων, ὑφ᾿ ὧν δορυφορούμμεγγος
ἐν ἅπασιν ἀφθόνοις ἦν. καὶ χρόνον μέν τινα
οὕτως ἐβόσκετο· εἶτα παρανομήσας τι καὶ ἐς
ἐκείνους—ὤφθη γάρ τι, ὡς οἶμαι, ἐσθίων τῶν
ἀπορρήτων αὐτοῖς —οὐκέτι προσιεμένων αὐτὸν ἀπορούμενος
ἐκ παλινῳδίας ἀπαιτεῖν ᾤετο δεῖν παρὰ
τῆς πόλεως τὰ κτήματα, καὶ γραμματεῖον ἐπιδοὺς
ἠξίου ταῦτα κομίσασθαι κελεύσαντος βασιλέως.
εἶτα τῆς πόλεως ἀντιπρεσβευσαμένης οὐδὲν ἐπράχθη,
ἀλλ᾿ ἐμμένειν ἐκελεύσθη οἷς ἅπαξ διέγνω
μηδενὸς καταναγκάσαντος.

17 “Τρίτη ἐπὶ τούτοις ἀποδημία εἰς Αἴγυπτον
παρὰ τὸν Ἀγαθόβουλον, ἵναπερ τὴν θαυμαστὴν
ἄσκησιν διησκεῖτο, ξυρόμενος μὲν τῆς κεφαλῆς
τὸ ἥμισυ, χριόμενος δὲ πηλῷ τὸ πρόσωπον, ἐν
πολλῷ δὲ τῶν περιεστώτων δήμῳ ἀναφλῶν τὸ
 
 

 
αἰδοῖον καὶ τὸ ἀδιάφορον δὴ τοῦτο καλούμενον
ἐπιδεικνύμενος, εἶτα παίων καὶ παιόμενος νάρθηκι
εἰς τὰς πυγὰς καὶ ἄλλα πολλὰ νεανικώτερα
θαυματοποιῶν.

18 “ Ἐκεῖθεν δὲ οὕτω παρεσκευασμένος ἐπὶ Ἰταλίας 
ἔπλευσεν καὶ ἀποβὰς τῆς νεὼς εὐθὺς ἐλοιδορεῖτο
πᾶσι, καὶ μάλιστα τῷ βασιλεῖ, πρᾳότατον
αὐτὸν καὶ ἡμερώτατον εἰδώς, ὥστε ἀσφαλῶς
ἐτόλμα· ἐκείνῳ γάρ, ὡς εἰκός, ὀλίγον ἔμελεν
τῶν βλασφημιῶν καὶ οὐκ ἠξίου τὴν φιλοσοφίαν
ὑποδυόμενόν τινα κολάζειν ἐπὶ ῥήμασι καὶ μάλιστα
τέχνην τινὰ τὸ λοιδορεῖσθαι πεποιημένον. τούτῳ
δὲ καὶ ἀπὸ τούτων τὰ τῆς δόξης ηὐξάνετο, παρὰ
γοῦν τοῖς ἰδιώταις, καὶ περίβλεπτος ἦν ἐπὶ τῇ
ἀπονοίᾳ, μέχρι δὴ ὁ τὴν πόλιν ἐπιτετραμμένος
ἀνὴρ σοφὸς ἀπέπεμψεν αὐτὸν ἀμέτρως ἐντρυφῶντα
τῷ πράγματι, εἰπὼν μὴ δεῖσθαι τὴν πόλιν τοιούτου
φιλοσόφου. πλὴν ἀλλὰ καὶ τοῦτο κλεινὸν αὐτοῦ
καὶ διὰ στόματος ἦν ἃπασιν, ὁ φιλόσοφος διὰ τὴν
παρρησίαν καὶ τὴν ἄγαν ἐλευθερίαν ἐξελαθείς,
καὶ προσήλαυνε κατὰ τοῦτο τῷ Μουσωνίῳ καὶ
Δίωνι καὶ Ἐπικτήτῳ καὶ εἴ τις ἄλλος ἐν περιστάσει
τοιαύτη ἐγένετο.

19 “ Οὕτω δὴ ἐπὶ τὴν Ἑλλάδα ἐλθὼν ἄρτι μὲν
Ἠλείοις ἐλοιδορεῖτο, ἄρτι δὲ τοὺς Ἕλληνας
ἔπειθεν ἀντάρασθαι ὅπλα Ῥωμαίοις, ἄρτι δὲ
ἄνδρα παιδείᾳ καὶ ἀξιώματι προὔχοντα, διότι καὶ
ἐν τοῖς ἄλλοις εὖ ἐποίησεν τὴν Ἑλλάδα καὶ
 
 
 

 
ὕδωρ ἐπήγαγεν τῇ Ὀλυμπίᾳ καὶ ἔπαυσε δίψει
ἀπολλυμένους τοὺς πανηγυριστάς, κακῶς ἠγόρευεν
ὡς καταθηλύναντα τοὺς Ἕλληνας, δέον τοὺς θεατὰς
τῶυ Ὀλυμπίων διακαρτερεῖν διφῶντας καὶ νὴ
Δία γε καὶ ἀποθ ήσκειν πολλοὺς αὐτῶν ὑπὸ
σφοδρῶν τῶν νόσων, αἰ τέως διὰ τὸ ξηρὸν τοῦ
χωρίου ἐν πολλῷ τῷ πλήθει ἐπεπόλαζον. καὶ
ταῦτα ἔλεγε πίνων τοῦ αὐτοῦ ὕδατος.
“ Ὡς δὲ μικροῦ κατέλευσαν αὐτὸν ἐπιδραμόντες
ἄπαντες, τότε μὲν ἐπὶ τόν Δία καταφυγῶν ὁ
 γενναῖος εὕρετο μὴ ἀποθανεῖν,

20 ἐς δὲ τὴν ἐξῆς
Ὀλυμπιάδα λόγον τινὰ διὰ τεττάρων ἐτῶν συνθεὶς
τῶν διὰ μέσου ἐξήνεγκε πρὸς τοὺς Ἕλληνας,
ἔπαινον ὑπὲρ τοῦ τὸ ὕδωρ ἐπαγαγόντος καὶ
ἀπολογίαν ὑπὲρ τῆς τότε φυ γῆς. 
 “Ἤδη δὲ ἀμελούμενος ὑφ’ ἀπάντων καὶ μηφεέθʼ
ὁμοίως περίβλεπτος ὤν—ἕωλα γὰρ ἦν ἅπαντα καὶ
οὐδὲν ἔτι καινουργεῖν ἐδύνατο ἐφʼ ὅτῳ ἐκπλήξει 
τοὺς ἐντυχάνοντας καὶ θαυμάζειν καὶ πρὸς
αὐτὸν ἀποβλέπειν ποιήσει, οὗπερ ἐξ ἀρχῆς δριμύν
τινα ἔρωτα ἐρῶν ἐτύγχανεν—τὸ τελευταῖον τοῦτο
τόλμημα  ἐβουλεύσατο περὶ τῆς πυρᾶς, καὶ διέδωκε
λόγον ἐς τοὺς Ἕλληνας εὐθὺς ἀπʼ Ὀλυμπίων  τῶν
ἔμπροσθεν ὡς ἐς τοὐπιὸν καύσων ἑαυτόν.

21 καὶ
νῦν αὐτὰ ταῦτα θαυματοποιεῖ, ὥς φασι, βόθρον
 

 
ὀρύττων καὶ ξύλα συγκομίζων καὶ δεινήν τινα
τὴν καρτερίαν ὑπισχνούμενος. 
 “Ἐχρῆν δέ, οἶμαι, μάλιστα μὲν περιμένειν τὸν
θάνατον καὶ μὴ δραπετεύειν ἐκ τοῦ βίου· εἰ δὲ καὶ
πάντως διέγνωστό οἱ ἀπαλλάττεσθαι, μὴ πυρὶ μηδὲ
τοῖς ἀπὸ τῆς τραγῳδίας τούτοις λχρῆσθαι, ἀλλ᾿  ἕτερόν
τινα θανάτου τρόπον, μυρίων ὄντων, ἑλόμενον 
ἀπελθεῖν. εἰ δὲ καὶ τὸ πῦρ ὡς Ἡράκλειόν τι
ἀσπάζεται, τί δή ποτε οὐχὶ κατὰ σιγὴν ἑλόμενος
ὄρος εὔδενδρον ἐν ἐκείνῳ ἑαυτὸν ἐνέπρησεν μόνος,
ἕνα τινὰ οἷον Θεαγένη τοῦτον Φιλοκτήτην παραλαβών;
ὁ δὲ ἐν Ὀλυμπίᾳ τῆς πανηγύρεως πληθούσης
μόνον οὐκ ἐπὶ σκηνῆς πτήσει ἑαυτόν, οὐκ
ἀνάξιος ὤν, μὰ τὸν Ἡρακλέα, εἴ γε χρὴ καὶ τοὺς
πατραλοίας καὶ τοὺς ἀθέους δίκας διδόναι τῶν
τολμημάτων. καὶ κατὰ τοῦτο πάνυ ὀψὲ δρᾶν
αὐτὸ ἔοικεν, ὃν ἐχρῆν πάλαι ἐς τὸν τοῦ Φαλάριδος
ταῦρον ἐμπεσόντα τὴν ἀξίαν ἀποτετικέναι, ἀλλὰ
μὴ ἅπαξ χανόντα πρὸς τὴν φλόγα ἐν ἀκαρεῖ
 
 

 
τεθνάναι. καὶ γὰρ αὖ καὶ τόδε οἱ πολλοί μοι
λέγουσιν, ὡς οὐδεὶς ὀξύτερος ἄλλος θανάτου
τρόπος τοῦ διὰ πυρός· ἀνοῖξαι γὰρ εῖ μόνον τὸ
στόμα καὶ αὐτίκα τεθνάναι.

22 “ Τὸ μέντοι θέαμα ἐπινοεῖται, οἶμαι, ὡς σεμνόν,
ἐν ἱερῷ χωρίῳ καιόμενος ἄνθρωπος, ἔνθα μηδὲ
θάπτειν ὅσιον τοὺς ἄλλους ἀποθνήσκοντας. ἀκούετε
δέ, οἶμαι, ὡς καὶ πάλαι θέλων τις ἔνδοξος γενέσθαι,
ἐπεὶ κατʼ ἄλλον τρόπον οὐκ εἶχεν ἐπιτυχεῖν
τούτου, ἐνέπρησε τῆς Ἐφεσίας Ἀρτέμιδος τὸν
νεών. τοιοῦτόν τι καὶ αὐτὸς ἐπινοεῖ, τοσοῦτος
ἔρως τῆς δόξης ἐντέτηκεν αὐτῷ.

23 “ Καίτοι φησὶν ὅτι ὑπὲρ τῶν ἀνθρώπων αὐτὸ
δρᾷ, ὡς διδάξειεν αὐτοὺς θανάτου καταφρονεῖν
καὶ ἐγκαρτερεῖν τοῖς δεινοῖς. ἐγὼ δὲ ἡδέως
ἄν ἐροίμην οὐκ ἐκεῖνον ἀλλʼ ὑμᾶς, εἰ καὶ τοὺς
κακούργους βούλοισθε ἄν μαθητὰς αὐτοῦ γενέσθαι
τῆς καρτερίας ταύτης καὶ καταφρονεῖν θανάτου
καὶ καύσεως καὶ τῶν τοιούτων δειμάτων. ἀλλʼ
οὐκ ἄν εὖ οἶδʼ ὅτι βουληθείητε. πῶς οὖν ὁ
Πρωτεὺς τοῦτο διακρινεῖ καὶ τοὺς μὲν χρηστοὺς
ὐφελήσει, τοὺς δὲ πονηροὺς οὐ φιλοκινδυνοτέρους
καὶ τολμηροτέρους ἀποφανεῖ;

24 “ Καίτοι δυνατὸν ἔστω ἐς τοῦτο μόνους ἀπαντήσεσθαι
τοὺς πρὸς τὸ ὠφέλιμον ὀψομένους τὸ
πρᾶγμα. ὑμᾶς δʼ οὖν αὖθις ἐρήσομαι, δέξαισθ’
ἂν ὑμῶν τοὺς παῖδας ζηλωτὰς τοῦ τοιούτου γενέσθαι;
οὐκ ἂν εἴποιτε. καὶ τί τοῦτο ἠρόμην,
 

 
ὅπου μηδʼ αὐτῶν τις τῶν μαθητῶν αὐτοῦ ζηλώσειεν
ἄν; τὸν γοῦν Θεαγένη τοῦτο μάλιστα αἰτιάσαιτο
ἄν τις, ὅτι τἄλλα ζηλῶν τἀνδρὸς οὐχ ἕπεται
τῷ διδασκάλῳ καὶ συνοδεύει παρὰ τὸν Ἡρακλέα,
ὥς φησιν, ἀπιόντι, δυνάμενος ἐν βραχεῖ πανευδαίμων
γενέσθαι συνεμπεσὼν ἐπί κεφαλὴν ἐς
τὸ πῦρ. 
 “ Οὐ γὰρ ἐν πήρᾳ καὶ βάκτρῳ καὶ τρίβωνι ὁ
ζῆλος, ἀλλὰ ταῦτα μέν ἀσφαλῆ καὶ ῥᾴδια καὶ
παντὸς ἄν εἴη, τὸ τέλος δὲ καὶ τὸ κεφάλαιον χρὴ
ζηλοῦν καὶ πυρὰν συνθέντα κορμῶν συκίνων
ὡς ἔνι μάλιστα χλωρῶν ἐναποπνιγῆναι τῷ καπνῷ·
τὸ πῦρ γὰρ αὐτὸ οὐ μόνον Ἡρακλέους καὶ Ἀσκληπιοῦ,
ἀλλὰ καὶ τῶν ἱεροσύλων καὶ ἀνδροφόνων,
οὓς ὁρᾶν ἔστιν ἐκ καταδίκης αὐτὸ πάσχοντας.
ὥστε ἄμεινον τὸ διὰ τοῦ καπνοῦ· ἴδιον γὰρ καὶ
ὑμῶν ἂν μόνων γένοιτο.

25 “Ἄλλως τε ὁ μὲν Ἡρακλῆς, εἴπερ ἄρα καὶ
ἐτόλμησέν τι τοιοῦτο, ὑπὸ νόσου αὐτὸ ἔδρασεν,
ὑπὸ τοῦ Κενταυρείου αἵματος,ὥς φησιν ἡ τραγῳδία.
κατεσθιόμενος· οὗτος δὲ τίνος αἰτίας ἕνεκεν
ἐμβάλλει φέρων ἑαυτὸν εἰς τὸ πῦρ; νὴ Δί᾿ , ὅπως
τὴν καρτερίαν ἐπιδείξηται καθάπερ οἱ Βραχμᾶνες·
ἐκείνοις γὰρ αὐτὸν ἠξίου Θεαγένης εἰκάζειν,
ὥσπερ οὐκ ἐνὸν καὶ ἐν Ἰνδοῖς εἶναί τινας μωροὺς
καὶ κενοδόξους ἀνθρώπους. ὅμως δʼ οὖν κἂν
ἐκείνους μιμείσθω· ἐκεῖνοι γὰρ οὐκ ἐμπηδῶσιν
ἐς τὸ πῦρ, ὡς Ὀνησίκριτος ὁ Ἀλεξάνδρου κυβερνήτης
ἰδὼν Κάλανον καόμενόν φησιν, ἀλλʼ
ἐπειδὰν νήσωσι, πλησίον παραστάντες ἀκίνητοι
 

 
ἀνέχονται παροπτώμενοι, εἶτʼ ἐπιβάντες κατὰ
σχῆμα καίονται, οὐδʼ ὅσον ὀλίγον ἐντρέψαντες τῆς
κατακλίσεως. 
 “ Οὗτος δὲ τί μέγα εἰ ἐμπεσὸν τεθνήξεται
συναρπασθεὶς ὑπὸ τοῦ πυρός; οὐκ ἀπʼ ἐλπίδος
μὴ ἀναπηδήσασθαι αὐτὸν καὶ ἡμίφλεκτον, εἰ μή,
ὅπερ φασι, μηχανήσεται βαθεῖαν γενέσθαι καὶ
ἐν βόθρῳ τὴν πυράν.

26 εἰσὶ δʼ οἳ καὶ μεταβαλέσθαι 
φασιν αὐτὸν καί τινα ὀνείρατα διηγεῖσθαι, ὡς
τοῦ Διὸς οὐκ ἐῶντος μιαίνειν ἱερὸν χωρίον. ἀλλὰ
θαρρείτω τούτου γε ἕνεκα· ἐγὼ γὰρ διομοσαίμην
ἄν ἢ μὴν μηδένα τῶν θεῶν ἀγανακτήσειν, εἰ
Περεγρῖνος κακῶς ἀποθάνοι. οὐ μὴν οὐδὲ ῥᾴδιον
αὐτῷ ἔτʼ ἀναδῦναι· οἱ γὰρ συνόντες κύνες παρορμῶσιν
καὶ συνωθοῦσιν ἐς τὸ πῦρ καὶ ὑπεκκάουσι
τὴν γνώμην, οὐκ ἐῶντες ἀποδειλιᾶν· ὧν εἰ δύο
συγκατασπάσας ἐμπέσοι εἰς τὴν πυράν, τοῦτο
μόνον χάριεν ἄν ἐργάσαιτο.

27 “ Ἤκουον δὲ ὡς οὐδὲ Πρωτεὺς ἔτι καλεῖσθαι
ἀξιοῖ, ἀλλὰ Φοίνικα μετωνόμασεν ἑαυτόν, ὅτι
καὶ φοῖνιξ, τὸ Ἰνδικὸν ὄρνεον, ἐπιβαίνειν πυρᾶς
λέγεται πορρωτάτω γήρως προβεβηκώς. ἀλλὰ
καὶ  λογοποιεῖ καὶ χρησμούς τινας διέξεισιν παλαιοὺς
δή, ὡς χρεὼν εἴη  δαίμονα νυκτοφύλακα γενέσθαι
αὐτόν, καὶ δῆλός ἐστι βωμῶν ἤδη ἐπιθυμῶν κρὶ
χρυσοῦς ἀναστήσεσθαι ἐλπίζων.

28 “ Καὶ μὰ Δία οὐδὲν ἀπεικὸς ἐν πολλοῖς τοῖς
ἀνοήτοις εὑρεθήσεσθαί τινας τοὺς καὶ τεταρταίων
ἀπηλλάχθαι διʼ αὐτοῦ φήσοντας καὶ νύκτωρ
ἐντετυχηκέναι τῷ δαίμονι τῷ νυκτοφύλακι. οἱ
κατάρατοι δὲ οὔτοι μαθηταὶ αὐτοῦ καὶ χρηστήριον,
οἶμαι, καὶ ἄδυτον ἐπὶ τῇ πυρῇ μηχανήσονται,
διότι καὶ Πρωτεύς ἐκεῖνος ὁ Διός, ὁ προπάτωρ
τοῦ ὀνόματος, μαντικὸς ἦν. μαρτύρομαι δὲ ἢ
μὴν καὶ ἱερέας αὐτοῦ ἀποδειχθήσεσθαι μαστίγων
ἢ καυτηρίων ἤ τινος τοιαύτης τερατουργίας,
ἢ καὶ νὴ Δία τελετήν τινα ἐπ᾿  αὐτῷ συστήσεσθαι
νυκτέριον καὶ δᾳδουχίαν ἐπὶ τῇ πυρᾷ.

29 “ Θεαγένης δὲ ἔναγχος, ὥς μοί τις τῶν ἑταίρων
ἀπήγγειλεν, καὶ Σίβυλλαν ἔφη προειρηκέναι περὶ
τούτων· καὶ τὰ ἔπη γάρ ἀπεμνημόνευεν·
 
 Ἀλλ’ ὁπόταν Πρωτεὺς Κυνικῶν ὅχʼ ἄριστος 
 ἁπάντων 
 Ζηνὸς ἐριγδούπου τέμενος κάτα πῦρ ἀνακαύσας 
 ἐς φλόγα πηδήσας ἔλθῃ ἐς μακρὸν Ὄλυμπον, 
 δὴ τότε πάντας ὁμῶς, οἳ ἀρούρης καρπὸν 
 ἔδουσιν, 
 νυκτιπόλον τιμᾶν κέλομαι ἥρωα μέγιστον 
 σύνθρονον Ἡφαίστῳ καὶ Ἡρακλῆϊ ἄνακτι.

30 “ Ταῦτα μὲν Θεαγένης Σιβύλλης ἀκηκοέναι
φησίν. ἐγὼ δὲ Βάκιδος αὐτῷ χρησμὸν ὑπέρ
 

 
τούτων ἐρῶ· φησὶν δὲ ὁ Βάκις οὕτω, σφόδρα
εὖ ἐπειπών,
 
 Ἀλλ᾿  ὁπόταν Κυνικὸς πολυώνυμος ἐς φλόγα 
 πολλὴν 
 πηδήσῃ δόξης ὑπʼ ἐρινύι θυμὸν ὀρινθείς, 
 δὴ τότε τοὺς ἄλλους κυναλώπεκας, οἵ οἱ ἕπονται, 
 μιμεῖσθαι χρὴ πότμον ἀποιχομένοιο λύκοιο. 
 ὅς δέ κε δειλὸς ἐὼν φεύγῃ μένος Ἡφαίστοιο, 
 λάεσσιν βαλέειν τοῦτον τάχα πάντας Ἀχαιούς, 
 ὡς μὴ ψυχρὸς ἐὼν θερμηγορέειν ἐπιχειρῇ 
 χρυσῷ σαξάμενος πήρην μάλα πολλὰ δανείων, 
 ἐν καλαῖς Πάτραισιν ἔχων τρὶς πέντε τάλαντα. 
 
τί ὑμῖν δοκεῖ, ἄνδρες; ἄρα φαυλότερος χρησμολόγος
ὁ Bάκις τῆς Σιβύλλης εἶναι; ὥστε ὥρα τοῖς
θαυμαστοῖς τούτοις ὁμιληταῖς τοῦ Πρωτέως περισκοπεῖν
ἔνθα ἑαυτοὺς ἐξαερώσουσιν· τοῦτο γὰρ
τὴν καῦσιν καλοῦσιν,᾿᾿

31 Ταῦτʼ εἰπόντος ἀνεβόησαν οἱ περιεστῶτες ἅπαντες,
“Ἤδη καιέσθωσαν ἄξιοι τοῦ πυρός.᾿᾿ καὶ
μὲν κατέβη γελῶν, “ Νέστορα δʼ οὐκ ἔλαθεν
ἰαχή,᾿᾿ τὸν Θεαγένη, ἄλλʼ ὡς ἤκουσεν τῆς βοῆς,
ἧκεν εὐθὺς καὶ ἀναβὰς ἐκεκράγει καὶ μυρία κακὰ
 
 

 
διεξῄει περὶ τοῦ καταβεβηκότος· οὐ γὰρ οἶδα
ὅστις ἐκεῖνος ὁ βέλτιστος ἐκαλεῖτο. ἐγὼ δὲ
ἀφεὶς αὐτὸν διαρρηγνύμενον ἀπῄειν ὀψόμενος τοὺς
ἀθλητάς· ἤδη γὰρ οἱ Ἑλλανοδίκαι ἐλέγοντο εἶναι
ἐν τῷ Πλεθρίῳ.

32 Ταῦτα μέν σοι τὰ ἐν Ἤλιδι. ἐπεὶ δὲ ἐς τὴν
Ὀλυμπίαν ἀφικόμεθα, μεστὸς ἦν ὁ ὀπισθόδομος
τῶν κατηγορούντων Πρωτέως ἢ ἐπαινούντων τὴν
προαίρεσιν αὐτοῦ, ὥστε καὶ εἰς χεῖρας αὐτῶν
ἦλθον οἱ πολλοί, ἄχρι δὴ παρελθὸν αὐτὸς ὁ
Πρωτεὺς μυρίῳ τῷ πλήθει παραπεμπόμενος κατόπιν
τοῦ τῶν κηρύκων ἀγῶνος λόγους τινὰς διεξῆλθεν
περὶ ἑαυτοῦ, τὸν βίον τε ὡς ἐβίω καὶ τοὺς κινδύνους
οὓς ἐκινδύνευσεν διηγούμενος καὶ ὅσα πράγματα
φιλοσοφίας ἕνεκα ὑπέμεινεν. τὰ μὲν οὖν
εἰρημένα πολλὰ ἦν, ἐγὼ δὲ ὀλίγων ἤκουσα ὑπὸ
πλήθους τῶν περιεστώτων. εἶτα φοβηθεὶς μὴ
συντριβείην ἐν τοσαύτῃ τύρβη, ἐπεὶ καὶ πολλοὺς
τοῦτο πάσχοντας ἑώρων, ἀπῆλθον μακρὰ χαίρειν
φράσας θανατιῶντι σοφιστῇ τὸν ἐπιτάφιον ἑαυτοῦ
πρό τελευτῆς διεξιόντι.

33 Πλὴν τό γε τοσοῦτον ἐπήκουσα· ἔφη γὰρ
βούλεσθαι χρυσῷ βίῳ χρυσῆν κορώνην ἐπιθεῖναι·
χρῆναι γὰρ τὸν Ἡρακλείως βεβιωκότα Ἡρακλείως
ἀποθανεῖν καὶ ἀναμιχθῆναι τῷ αἰθέρι. “ Καὶ
ὠφελῆσαι,᾿᾿ ἔφη, “ βούλομαι τοὺς ἀνθρώπους
 

 
δείξας αὐτοῖς ὅν χρὴ τρόπον θανάτου καταφρονεῖν·
πάντας οὖν δεῖ μοι τοὺς ἀνθρώπους Φιλοκτήτας
γενέσθαι.᾿᾿ οἱ μὲν οὖν ἀνοητότεροι τῶν ἀνθρώπων
ἐδάκρυον· καὶ ἐβόων “ Σώζου τοῖς Ἕλλησιν,᾿᾿
οἱ δὲ ἀνδρωδέστεροι ἐκεκράγεσαν “ Τέλει τὰ
δεδογμένα,᾿᾿ ὑφ’ ὧν ὁ πρεσβύτης οὐ μετρίως
ἐθορυβήθη ἐλπίζων πάντας ἔξεσθαι αὐτοῦ καὶ
μὴ προήσεσθαι τῷ πυρί, ἀλλὰ ἄκοντα δὴ καθέξειν
ἐν τῷ βίῳ. τὸ δὲ “Τέλει τὰ δεδογμένα᾿᾿
πάνυ ἀδόκητον αὐτῷ προσπεσὸν ὠχριᾶν ἔτι
μᾶλλον ἐποίησεν, καίτοι ἤδη νεκρικῶς τὴν χροιὰν·
ἔχοντι, καὶ νὴ Δία καὶ ὑποτρέμειν, ὥστε κατέπαιυσε
τὸν λόγον.

34 Ἐγὼ δέ, εἰκάζεις, οἶμαι, πῶς ἐγέλων· οὐδὲ
γὰρ ἑλεεῖν ἄξιον ἦν οὕτω δυσέρωτα τῆς δόξης
ἄνθρωπον ὑπὲρ ἅπαντας ὅσοι τῇ αὐτῇ Ποινῇ ἐλαύνονται.
παρεπέμπετο δὲ ὅμως ὑπὸ πολλῶν καὶ
ἐνεφορεῖτο τῆς δόξης ἀποβλέπων ἐς τὸ πλῆθος τῶν
θαυμαζόντων, οὐκ εἰδὼς ὁ ἄθλιος ὅτι καὶ τοῖς ἐπὶ
τὸν σταυρὸν ἀπαγομένοις ἢ ὑπὸ τοῦ δημίου
ἐχομένοις πολλῷ πλείους ἕπονται.

35 Καὶ δὴ τὰ μὲν Ὀλύμπια τέλος εἶχεν, κάλλιστα
Ὀλυμπίων γενόμενα ὧν ἐγὼ εἶδον, τετράκις
ἤδη ὁρῶν. ἐγὼ δέ—οὐ γὰρ ἦν εὐπορῆσαι ὀχήματος
ἅμα πολλῶν ἐξιόντωνἄκων ὑπελειπόμην. ὁ
δὲ ἀεὶ ἀναβαλλόμενος νύκτα τὸ τελευταῖον προειρήκει
ἐπιδείξασθαι τὴν καῦσιν· καί με τῶν ἑταίρων
τινὸς παραλαβόντος περὶ μέσας νύκτας ἐξαναστὰς
ἀπῄειν εὐθὺ τῆς Ἀρπίνης, ἔνθα ἦν ἡ πυρά. στάδιοι
πάντες οὕτοι εἴκοσιν ἀπὸ τῆς Ὀλυμπίας κατὰ τὸν
 

 
ἱππόδρομον ἀπιόντων πρὸς ἕω. καὶ ἐπεὶ τάχιστα
ἀφικόμεθα, καταλαμβάνομεν πυρὰν νενησμένην
ἐν βόθρῳ ὅσον ἐς ὀργυιὰν τὸ βάθος. δᾷδες
ἦσαν τὰ πολλὰ καὶ παρεβέβυστο τῶν φρυγάνων,
ὡς ἀναφθείη τάχιστα.

36 καὶ ἐπειδὴ ἡ σελήνη
ἀνέτελλεν—ἔδει γὰρ κἀκείνην θεάσασθαι τὸ κάλλιστον
τοῦτο ἔργον—πρόεισιν ἐκεῖνος ἐσκευασμένος
ἐς τὸν ἀεὶ τρόπον καὶ ξὺν αὐτῷ τὰ τέλη
τῶν κυνῶν, καὶ μάλιστα ὁ γεννάδας ὁ ἐκ Πατρῶν,
δᾷδα ἔχων, οὐ φαῦλος δευτεραγωνιστής· ἐδᾳδοφόρει
δὲ καὶ ὁ Πρωτεύς. καὶ προσελθόντες
ἄλλος ἀλλαχόθεν ἀνῆψαν τὸ πῦρ μέγιστον ἄτε
ἀπὸ δᾴδων καὶ φρυγάνων. ὁ δέ—καί μοι πάνυ
ἤδη πρόσεχε τὸν νοῦν ἀποθέμενος τὴν πήραν καὶ
τὸ τριβώνιον καὶ τὸ Ἡράκλειον ἐκεῖνο ῥόπαλον,
ἔστη ἐν ὀθόνη ῥυπώσῃ ἀκριβῶς. εἶτα ᾔτει λιβανωτόν,
ὡς ἐπιβάλοι ἐπὶ τὸ πῦρ, καὶ ἀναδόντος τινὸς
ἐπέβαλέν τε καὶ εἶπεν ἐς τὴν μεσηβρίαν ἀποβλέπων—καὶ
γὰρ καὶ τοῦτʼ αὐτὸ πρὸς τὴν τραγῳδίαν
ἦν, ἡ μεσημβρία— “ Δαίμονες μητρῷοι καὶ πατρῷοι,
δέξασθέ με εὐμενεῖς.᾿᾿ ταῦτα εἰπὼν ἐπήδησεν
ἐς τὸ πῦρ, οὐ μὴν ἑωρᾶτό γε, ἀλλὰ περιεσχέθη
ὑπὸ τῆς φλογὸς πολλῆς ἠρμένης.

37 Αὖθις ὁρῶ γελῶντα σε, ὥ καλὲ Κρόνιε, τὴν
 
 
 

 
καταστροφὴν τοῦ δράματος. ἐγὼ δὲ τοὺς μητρῴους
μὲν δαίμονας ἐπιβοώμενον μὰ τὸν Δίʼ οὐ σφόδρα
ᾐτιώμην· ὅτε δὲ καὶ τοὺς πατρῴους ἐπεκαλέσατο,
ἀναμνησθεὶς τῶν περὶ τοῦ φόνου εἰρημένων οὐδὲ
κατέχειν ἠδυνάμην τὸν γέλωτα. οἱ Κυνικοὶ δὲ
περιστάντες τὴν πυρὰν οὐκ ἐδάκρυον μέν, σιωπῇ
δὲ ἐνεδείκνυντο λύπην τινὰ εἰς τὸ πῦρ ὁρῶντες,
ἄχρι δὴ ἀποπνιγεὶς ἐπʼ αὐτοῖς, “ Ἀπίωμεν,᾿᾿
φημί, “ ὦ μάταιοι· οὐ γὰρ ἡδὺ τὸ θέαμα ὠπτημένον
γέροντα ὁρᾶν κνίσης ἀναπιμπλαμένους ποντηρᾶς.
ἢ περιμένετε ἔστʼ ἄν γραφεύς τις ἐπελθὸν ἀπεικάσῃ
ὑμᾶς οἵους τοὺς ἐν τῷ δεσμωτηρίῳ ἑταίρους
τῷ Σωκράτει παραγράφουσιν; ἐκεῖνοι μὲν οὖν
ἠγανάκτουν καὶ ἐλοιδοροῦντό μοι, ἔνιοι δὲ καὶ
ἐπὶ τὰς βακτηρίας ᾖξαν. εἶτα, ἐπειδὴ ἠπείλησα
ξυναρπάσας τινὰς ἐμβαλεῖν εἰς τὸ πῦρ, ὡς ἂν
ἕποιντο τῷ διδασκάλῳ, ἐπαύσαντο καὶ εἰρήνην
ἦγοv.

38 Ἐγὼ δὲ ἐπανιὼν ποικίλα, ὦ ἑταῖρε, πρὸς
ἐμαυτὸν ἐνενόουν, τὸ φιλόδοξον οἷόν τί ἐστιν
ἀναλογιζόμενος, ὡς μόνος οὗτος ὁ ἔρως ἄφυκτος
καὶ τοῖς πάνυ θαυμαστοῖς εἶναι δοκοῦσιν, οὐχ
ὅπως ἐκείνῳ τἀνδρὶ καὶ τἄλα ἐμπλήκτως καὶ
ἀπονενοημένως βεβιωκότι καὶ οὐκ ἀναξίως τοῦ
πυρρός.

39 εἶτα ἐνετ ύγχανον πολλοῖς ἀπιοῦσιν ὡς
θεάσαιντο καὶ αὐτοί· ᾤοντο γὰρ ἔτι καταλήψεσθαι
ζῶντα αὐτόν. καὶ γὰρ καὶ τόδε τῇ προτεραίᾳ
διεδέδοτο ὡς πρὸς ἀνίσχοντα τὸν ἥλιον
ἀσπασάμενος, ὥσπερ ἀμέλει καὶ τοὺς Βραχμᾶνάς
φασι ποιεῖν, ἐπιβήσεται τῆς πυρᾶς. ἀπέστρεφον
 

 
δʼ οὖν τοὺς πολλοὺς αὐτῶν λέγων ἤδη τετελέσθαι
τὸ ἔργον, οἶς μὴ καὶ τοῦτʼ αὐτὸ περισπούδαστον
ἦν, κἂν αὐτὸν ἰδεῖν τὸν τόπον καί τι λείψανον
καταλαμβάνειν τοῦ πυρός. 
 Ἔνθα δή, ὦ ἑταῖρε, μυρία πράγματα εἶχον
ἅπασι διηγούμενος καὶ ἀνακρίνουσιν καὶ ἀκριβῶς
ἐκπυνθανομένοις. εἰ μὲν οὖν ἴδοιμί τινα χαρίεντα,
ψιλὰ ἄν ὥσπερ σοι τὰ πραχθέντα διηγούμην,
πρὸς δὲ τοὺς βλᾶκας καὶ πρός τὴν ἀκρόασιν
κεχηνότας ἐτραγῴδουν τι παρʼ ἐμαυτοῦ, ὡς
ἐπειδὴ ἀνήφθη μὲν ἡ πυρά, ἐνέβαλεν δὲ φέρων
ἑαυτὸν ὁ Πρωτεύς, σεισμοῦ πρότερον μεγάλου
γενομένου σὺν μυκηθμῷ τῆς γῆς, γὺψ ἀναπτάμενος
ἐκ μέσης τῆς φλογὸς οἴχοιτο ἐς τὸν οὐρανόν
ἀνθρωπιστὶ μεγάλῃ τῇ φωνῇ λέγων
 
 “ ἔλιπον γᾶν, βαίνω δʼ ἐς Ὄλυμπον.᾿᾿ 
 
ἐκεῖνοι μὲν οὖν ἐτεθήπεσαν καὶ προσεκύνουν ὑποφρίττοντες
καὶ ἀνέκρινόν με πότερον πρός ἕω ἢ
πρὸς δυσμὰς ἐνεχθείη ὁ γύψ· ἐγὼ δὲ τὸ ἐπελθὸν
ἀπεκρινάμην αὐτοῖς.

40 Ἀπελθὼν δὲ ἐς τὴν πανήγυριν ἐπέστην τινὶ
πολιῷ ἀνδρὶ καὶ νὴ τὸν Δίʼ ἀξιοπίστῳ τὸ πρόσωπον
ἐπὶ τῷ πώγωνι καὶ τῇ λοιπῇ σεμνότητι, τά τε
ἄλλα διηγουμένῳ περὶ τοῦ Πρωτέως καὶ ὡς
μετὰ τὸ καυθῆναι θεάσαιτο αὐτὸν ἐν λευκῇ ἐσθῆτι
μικρὸν ἔμπροσθεν, καὶ νῦν ἀπολίποι περιπατοῦντα
φαιδρὸν ἐν τῇ ἑπταφώνῳ στοᾷ κοτίνῳ τε ἐστεμμένον.
 
 
 

 
εἶγʼ ἐπὶ πᾶσι προσέθηκε τὸν γῦπα, διομνύμενος
ᾖ μὴν αὐτὸς ἑωρακέναι ἀναπτάμενον ἐκ
τῆς πυρᾶς, ὅν ἐγὸ μικρὸν ἔμπροσθεν ἀφῆκα
η πέτεσθαι καταγελῶντα τῶν ἀνοήτων καὶ βλακικῶν
τὸν τρόπον.

41 Ἐννόει τὸ λοιπὸν οἴα εἰκὸς ἐπʼ αὐτῷ γενήσεσθαι,
ποίας μὲν οὐ μελίττας 
ἐπὶ τὸν τόπον, τίνας δὲ τέττιγας οὐκ 
τίνας δὲ κορώνας οὐκ ἐπιπτήσεσθαι καθάπερ
ἐπὶ τὸν Ἡσιόδου τάφον, καὶ τὰ τοιαῦτα. εἰκόνας
μὲν γὰρ παρά τε ΒHλείων αὐτῶν α τε τῶν
ων νων, ος καὶ ἐπεσταλκέναι ἔλεγεν, a.
αὐτίκα α οἶδα πολλὰς ἀναστησομένας. φασὶ
δὲ πάσαις σχεδὸν ταῖς ἐνδόξοις πόλεσιν ἐπιστολὰς
διαπέμφαι αὐτόν, διαθήκας τινὰς καὶ παραινέσεις
καὶ νόμους· καί τινας ἐπὶ τούτῳ πρεσβευτὰς
τῶν ἑταίρων ἐχειροτόνησεν, νεκραγγέλους καὶ
νερτεροδρόμους προσαγορεύσας.

42 Γοῦτο τέλος τοῦ κακοδαίμονος Πρωτέως ἐγένετο,
ἀνδρός, ὡς βραχεῖ λόγῳ περιλαβεῖν, πρὸς
ἀλήθειαν μὲν οὐδεπώποτε ἀποβλέφαντος, ἐπὶ δόξῃ
δὲ καὶ τῷ παρὰ τῶν πολλῶν ἐπαίνῳ ἀπόντα
εἰπόντος ἀεὶ καὶ πράξαντος, ὡς καὶ εἰς πῦρ
 
 
 

 
ἁλέσθαι, ὅτε μηδὲ ἀπολαύειν τῶν ἐπαίνων ἔμελλεν
ἀναίσθητος αὐτῶν γενόμενος.

43 Ἓν ἔτι σοι προσδιηγησάμενος παύσομαι, ὡς
ἔχῃς ἐπὶ πολὺ γελᾶν. ἐκεῖνα μὲν γὰρ πάλαι
οἶσθα, εὐθὺς ἀκούσας μου ὅτε ἥκων ἀπὸ Συρίας
διηγούμην ὡς ἀπὸ Τρῳάδος συμπλεύσαιμι αὐτῷ
καὶ τήν τε ἄλλην τὴν ἐν τῷ πλῷ τρυφὴν καὶ τὸ
μειράκιον τὸ ὡραῖον ὃ ἔπεισε κυνίζειν ὡς ἔχοι τινὰ
καὶ αὐτὸς Ἀλκιβιάδην, καὶ ὡς ἐπεὶ ταραχθείημεν 
τῆς νυκτὸς ἐν μέσῳ τῷ Αἰγαίῳ γνόφου
καταβάντος καὶ κῦμα παμμέγεθες ἐγείραντος
ἐκώκυε μετὰ τῶν γυναικῶν ὁ θαυμαστὸς καὶ
θανάτου κρείττων εἶναι δοκῶν.

44 ἀλλὰ μικρὸν πρὸ
τῆς τελευτῆς, πρὸ ἐννέα σχεδόν που ἡμερῶν,
πλεῖον, οἶμαι, τοῦ ἱκανοῦ ἐμφαγὼν ἤμεσέν τε
τῆς νυκτὸς καὶ ἑάλω πυρετῷ μάλα σφοδρῷ.
ταῦτα δέ μοι Ἀλέξανδρος ὁ ἰατρὸς διηγήσατο μεταλαβεῖν
ὡς ἐπισκοπήσειεν αὐτόν. ἔφη οὖν καταλαβεῖν
αὐτὸν χαμαὶ κυλιόμενον καὶ τὸν φλογμὸν
οὐ φέροντα καὶ ψυχρὸν αἰτοῦντα πάνυ ἐρωτικῶς,
ἑαυτὸν δὲ μὴ δοῦναι. καίτοι εἰπεῖν ἔφη πρὸς
αὐτὸν ὡς εἰ πάντως θανάτου δέοιτο, ἥκειν αὐτὸν
ἐπὶ τὰς θύρας αὐτόματον, ὥστε καλῶς ἔχειν
ἕπεσθαι μηδὲν τοῦ πυρὸς δεόμενον· τὸν δ᾿ αὖ
φάναι, “Ἀλλ᾿ οὐχ ὁμοίως ἔνδοξος ὁ τρόπος
γένοιτ᾿ ἂν, πᾶσιν κοινὸς ὤν.”

45 Ταῦτα μὲν ὁ Ἀλέξανδρος. ἐγὼ δὲ δὐδ' αὐτὸς
πρὸ πολλῶν ἡμερῶν εἶδον αὐτὸν ἐγκεχρισμένον,
ὡς ἀποδακρύσειε τῷ δριμεῖ φαρμάωῳ. ὁρᾷς;
οὐ πάνυ τοὺς ἀμβλυωποῦντας ὁ Α ἰακὸς παραδέχεται.
ὄμοιον ὡς εἴ τις ἐπὶ σταυρὸν ἀναβήσεσθαι
μέλλων τὸ ἐν τῷ δακτύλῳ πρόσπταισμα
θεραπευοι. τί σοι δοκεῖ ὁ Δημόκριτος, εἰ ταῦτα
εἰδε; κατ' ἀξίαν γελάσαι ἂν ἐπὶ τῷ ἀνδρί; καίτοι
πόθεν εἶχεν ἐκεῖνος τοσοῦτον γέλωτα; σὺ δ'
οὖν, ὦ φιλότης, γέλα καὶ αὐτος, καὶ μάλιστα
ὁπόταν τῶν ἄλλων ἀκούῃς θαυμαζόντων αὐτόν.