ΤΙΜΩΝ 
 1 Ὦ Ζεῦ φίλιε καὶ ξένιε καὶ ἑταιρεῖε καὶ ἐφέστιε
 καὶ ἀστεροπητὰ καὶ ὅρκιε καὶ νεφεληγερέτα καὶ
 ἐρίγδουπε καὶ εἴ τί σε ἄλλο οἱ ἐμβρόντητοι
 ποιηταὶ καλοῦσι,—καὶ μάλιστα ὅταν ἀπορῶσι
 πρὸς τὰ μέτρα· τότε γὰρ αὐτοῖς πολυώνυμος γινόμενος
 ὑπερείδεις τὸ πῖπτον τοῦ μέτρου καὶ ἀναπληροῖς
 τὸ κεχηνὸς τοῦ ῥυθμοῦ—ποῦ σοι νῦν ἡ
 ἐρισμάραγος ἀστραπὴ καὶ ἡ βαρύβρομος βροντὴ
 καὶ ὁ αἰθαλόεις καὶ ἀργήεις καὶ σμερδαλέος
 κεραυνός; ἅπαντα γὰρ ταῦτα λῆρος ἤδη ἀναπέφηνε
 καὶ καπνὸς ἀτεχνῶς ποιητικὸς ἔξω τοῦ
 πατάγου τῶν ὀνομάτων. τὸ δὲ ἀοίδιμόν σοι καὶ
 ἑκηβόλον ὅπλον καὶ πρόχειρον οὐκ οἶδʼ ὅπως
 τελέως ἀπέσβη καὶ ψυχρόν ἐστι, μηδὲ ὀλίγον
 σπινθῆρα ὀργῆς κατὰ τῶν ἀδικούντων διαφυλάττον.

2 θᾶττον γοῦν τῶν ἐπιορκεῖν τις ἐπιχειρούντων
 ἕωλον θρυαλλίδα φοβηθείη ἂν ἢ τὴν τοῦ πανδαμάτορος
 κεραυνοῦ φλόγα· οὕτω δαλόν τινα ἐπανατείνεσθαι
 δοκεῖς αὐτοῖς, ὡς πῦρ μὲν ἢ καπνὸν
 ἀπʼ αὐτοῦ μὴ δεδιέναι, μόνον δὲ τοῦτο οἴεσθαι
 ἀπολαύειν τοῦ τραύματος, ὅτι ἀναπλησθήσονται
 τῆς ἀσβόλου. 
 Ὥστε ἤδη διὰ ταῦτά σοι καὶ ὁ Σαλμωνεὺς ἀντιβροντᾶν
 ἐτόλμα, οὐ πάνυ τι ἀπίθανος ὤν, πρὸς
 
 
 
 οὕτοω ψυχρὸν τὴν ὀργὴν Δία θερμουργὸς ἀνὴρ
 μεγαλαυχούμενος. πῶς γὰρ οὐ; ὅπου γε καθάπερ
 ὑπὸ μανδραγόρα καθεύδεις, ὃς οὔτε τῶν ἐπιορκούντων
 ἀκούεις οὔτε τοὺς ἀδικοῦντας ἐπισκοπεῖς,
 λημᾷς δὲ καὶ ἀμβλυώττεις πρὸς τὰ γινόμενα καὶ
 τὰ ὦτα ἐκκεκώφησαι καθάπερ οἱ παρηβηκότες.

3 ἐπεὶ νέος γε ἔτι καὶ ὀξύθυμος ὢν καὶ ἀκμαῖος τὴν
 ὀργὴν πολλὰ κατὰ τῶν ἀδίκων καὶ βιαίων ἐποίεις
 καὶ οὐδέποτε ἦγες τότε πρὸς αὐτοὺς ἐκεχειρίαν,
 ἀλλʼ ἀεὶ ἐνεργὸς πάντως ὁ κεραυνὸς ἦν καὶ ἡ αἰγὶς
 ἐπεσείετο καὶ ἡ βροντὴ ἐπαταγεῖτο καὶ ἡ ἀστραπὴ
 συνεχὲς ὥσπερ εἰς ἀκροβολισμὸν προηκοντίζετο·
 οἱ σεισμοὶ δὲ κοσκινηδὸν καὶ ἡ χιὼν σωρηδὸν καὶ
 ἡ χάλαζα πετρηδόν, ἵνα σοι φορτικῶς διαλέγωμαι,
 ὑετοί τε ῥαγδαῖοι καὶ βίαιοι, ποταμὸς ἑκάστη
 σταγών· ὥστε τηλικαύτη ἐν ἀκαρεῖ χρόνου
 ναυαγία ἐπὶ τοῦ Δευκαλίωνος ἐγένετο, ὡς ὑποβρυχίων
 ἁπάντων καταδεδυκότων μόγις ἕν τι
 κιβώτιον περισωθῆναι προσοκεῖλαν τῷ Λυκωρεῖ
 ζώπυρόν τι τοῦ ἀνθρωπίνου σπέρματος διαφυλάττον
 εἰς ἐπιγονὴν κακίας μείζονος.

4 Τοιγάρτοι ἀκόλουθα τῆς ῥᾳθυμίας τἀπίχειρα
 κομίζῃ παῤ αὐτῶν, οὔτε θύοντος ἔτι σοί τινος οὔτε
 στεφανοῦντος, εἰ μή τις ἅρα πάρεργον Ὀλυμπίων,
 καὶ οὗτος οὐ πάνυ ἀναγκαῖα ποιεῖν δοκῶν, ἀλλʼ εἰς
 ἔθος τι ἀρχαῖον συντελῶν· καὶ κατʼ ὀλίγον Κρόνον
 σε, ὦ θεῶν γενναιότατε, ἀποφαίνουσι, παρωσάμενοι
 τῆς τιμῆς. ἐῶ λέγειν, ποσάκις ἤδη σου τὸν νεὼν
 σεσυλήκασιν· οἱ δὲ καὶ αὐτῷ σοὶ τὰς χεῖρας
 
 
 
 Ὀλυμπίασιν ἐπιβεβλήκασι, καὶ σὺ ὁ ὑψιβρεμέτης
 ὤκνησας ἢ ἀναστῆσαι τοὺς κύνας ἢ τοὺς γείτονας
 ἐπικαλέσασθαι, ὡς βοηδρομήσαντες αὐτοὺς συλλάβοιεν
 ἔτι συσκευαζομένους πρὸς τὴν φυγήν·
 ἀλλ᾿ ὁ γενναῖος καὶ Γιγαντολέτωρ καὶ Τιτανοκράτωρ
 ἐκάθησο τοὺς πλοκάμους περικειρόμενος
 ὑπ᾿ αὐτῶν, δεκάπηχυν κεραυνὸν ἔχων ἐν τῇ
 δεξιᾷ.

Ταῦτα τοίνυν, ὦ θαυμάσιε, πηνίκα παύσεται
 οὕτως ἀμελῶς παρορώμενα; ἢ πότε κολάσεις τὴν
 τοσαύτην ἀδικίαν; πόσοι Φαέθοντες ἢ Δευκαλίωνες
 ἱκανοὶ πρὸς οὕτως ὑπέραντλον ὕβριν τοῦ
 5 βίου; ἵνα γὰρ τὰ κοινὰ ἐάσας τἀμὰ εἴπω,
 τοσούτους Ἀθηναίων εἰς ὕψος ἄρας καὶ πλουσίους
 ἐκ πενεστάτων ἀποφήνας καὶ πᾶσι τοῖς δεομένοις
 ἐπικουρήσας, μᾶλλον δὲ ἀθρόον εἰς εὐεργεσίαν
 τῶν φίλων ἐκχέας τὸν πλοῦτον, ἐπειδὴ πένης διὰ
 ταῦτα ἐγενόμην, οὐκέτι οὐδὲ γνωρίζομαι πρὸς
 αὐτῶν οὐδὲ προσβλέπουσιν οἱ τέως ὑποπτήσσοντες
 καὶ προσκυνοῦντες κὰκ τοῦ ἐμοῦ νεύματος
 ἀπηρτημένοι, ἀλλ᾿ ἤν που καὶ ὁδῷ βαδίζων ἐντύχω
 τινὶ αὐτῶν, ὥσπερ τινὰ στήλην παλαιοῦ νεκροῦ
 ὑπτίαν ὑπὸ τοῦ χρόνου ἀνατετραμμένην παρέρχονται
 μηδὲ ἀναγνόντες. οἱ δὲ καὶ πόρρωθεν
 ἰδόντες ἑτέραν ἐκτρέπονται δυσάντητον καὶ ἀποτρόπαιον
 θέαμα ὄψεσθαι ὑπολαμβάνοντες τὸν οὐ
 πρὸ πολλοῦ σωφτῆρα καὶ εὐεργέτην αὐτῶν γεγενημένον.

6 ὥστε ὑπὸ τῶν κακῶν ἐπὶ ταύτην τὴν
 
 
 ἐσχατιὰν τραπόμενος ἐναψάμενος διφθέραν ἀργάζομαι
 τὴν γῆν ὑπόμισθος ὀβολῶν τεττάρων, τῇ
 ἐρημίᾳ καὶ τῇ δικέλλῃ προσφιλοσοφῶν. ἐνταῦθα
 τοῦτο γοῦν μοι δοκῶ κερδανεῖν, μηκέτι ὄψεσθαι
 πολλοὺς παρὰ τὴν ἀξίαν εὖ πράττοντας· ἀνιαρότερον
 γὰρ τοῦτό γε. 
 Ἤδη ποτὲ οὖν, ὦ Κρόνον καὶ Ῥέας υἱέ, τὸν
 βαθὺν τοῦτον ὕπνον ἀποσειςάμενος καὶ νήδυμον
 —ὑπὲρ τὸν Ἐπιμενίδην γὰρ κεκοίμησαι—καὶ
 ἀναρριπίσας τὸν κεραυνὸν ἢ ἐκ τῆς Αἴτνης 
 ἐναυςάμενος μεγάλην ποιήσας τὴν φλόγα ἐπιδείξαιό
 τινα χολὴν ἀνδρώδους καὶ νεανικοῦ Διός,
 εἰ μὴ ἀληθῆ ἐστι τὰ ὑπὸ Κρητῶν περὶ σοῦ καὶ
 τῆς ἐκεῖ ταφῆς μυθολογόμενα.

ΖΕΥΣ 
 7 Τίς οὕτός ἐστιν, ὦ Ἑρμῆ, ὁ κεκραγὼς ἐκ τῆς
 Ἀττικῆς παρὰ τὸν Ὑμηττὸν ἐν τῇ ὑπωρείᾳ
 πιναρὸς ὅλος καὶ αὐχμῶν καὶ ὑποδίφθερος;
 σκόπτει δὲ οἶμαι ἐπικεκυφώς· λάλος ἄνθρωπος
 καὶ θρασύς. ἦ που φιλόσοφός ἐστιν· οὐ γὰρ ἂν
 οὕτως ἀσεβεῖς τοὺς λόγους διςξῄει καθ᾿ ἡμῶν. 
 
 
 
 ΕΡΜΗΣ 
 Τί φής, ὦ πάτερ; ἀγνοεῖς Τίμωνα τὸν
 Ἐχεκρατίδου τὸν Κολλυτέα; οὖτός ὲστιν ὁ πολλάκις
 ἡμᾶς καθ᾿ ἱερὢν τελείων ἑστιάσας, ὁ
 νεόπλουτος, ὁ τὰς ὅλας ἑκατόμβας, παρ᾿ ᾧ
 λαμπρῶς ἑορτάζειν εἰώθαμεν τὰ Διάσια. 
 
 
 
 
 
 
 ΖΕΥΣ 
 Φεῦ τῆς ἀλλαγῆς· ὁ καλὸς ἐκεῖνος, ὁ πλούσιος,
 περὶ ὃν οἱ τοσοῦτοι φίλοι; τί παθὼν οὖν τοιοῦτός
 ἐστιν, αὐχμηρός, ἅθλιος, καὶ σκαπανεὺς καὶ
 μισθωτός, ὡς ἔοικεν, οὕτω βαρεῖαν καταφέρων τὴν
 δίκελλαν;

ΕΡΜΗΣ 
 8 Οὑτωσὶ μὲν εἰπεῖν, χρηστότης ἐπέτριψεν αὐτὸν
 καὶ φιλανθ ρωπία καὶ ὁ πρὸς τοὺς δεομένους
 ἅπαντας οἶκτος, ὡς δὲ ἀληθεῖ λόγῳ, ἄνοια καὶ
 εὐήθεια καὶ ἀκρισία περὶ τῶν φίλων, ὃς οὐ συνίει
 κόραξι καὶ λύκοις χαριζόμενος, ἀλλʼ ὑπὸ γυπῶν
 τοσούτων ὁ κακοδαίμων κειρόμενος τὸ ἧπαρ
 φίλους εἶναι αὐτοὺς καὶ ἑταίρους ᾤετο, ὑπʼ εὐνοίας
 τῆς πρὸς αὐτὸν χαίροντας τῇ βορᾷ· οἱ δὲ τὰ ὀστᾶ
 γυμνώσαντες ἀκριβῶς καὶ περιτραγόντες, εἰ δέ τις
 κα μυελὸς ἐνῆν, ἐκμυζήσαντες καὶ τοῦτον εὗ μάλα
 ἐπιμελῶς, ᾤχοντο αὖον αὐτὸν καὶ τὰς ῥίζας ὑποτετμημένον
 ἀπολιπόντες, οὐδὲ γνωρίζοντες ἔτι ἢ
 προσβλέποντες—πόθεν γάρ;—ἢ ἐπικουροῦντες ἢ
 ἐπιδιδόντες ἐν τῷ μέρει. διὰ ταῦτα δικελλίτης
 καὶ διφθερίας, ὡς ὁρᾷς, ἀπολιπὼν ὑπʼ αἰσχύνης τὸ
 ἄστυ μισθοῦ γεωργεῖ μελαγχολῶν τοῖς κακοῖς,
 ὅτι οἱ πλουτοῦντες παῤ αὐτοῦ μάλα ὑπεροπτικῶς
 παρέρχονται οὐδὲ τοὔνομα, εἰ Τίμων καλοῖτο,
 εἰδότες.

ΖΕΥΣ 
 9 Καὶ μὴν οὐ παροπτέος ἀνὴρ οὐδὲ ἀμελητέος·
 εἰκότως γὰρ ἠγανάκτει δυστυχῶν· ἐπεὶ καὶ ὅμοια
 ποιήσομεν τοῖς καταράτοις κόλαξιν ἐκείνοις ἐπιλελησμένοι
 
 
 
 
 ἀνδρὸς τοσαῦτα μηρία ταύρων τε καὶ
 αὐγῶν πιότατα καύσαντος ἡμῖν ἐπὶ τῶν βωμῶν·
 ἔτι γοῦν ἐν ταῖς ῥισὶ τὴν κνῖσαν αὐτῶν ἔχω. πλὴν
 ὑπʼ ἀσχολίας τε καὶ θορύβου πολλοῦ τῶν ἐπιορκούντων
 καὶ βιαζομένων καὶ ἁρπαζόντων, ἔτι δὲ
 καὶ φόβου τοῦ παρὰ τῶν ἱεροσυλούντων—πολλοὶ
 γὰρ οὖτοι καὶ δυσφύλακτοι καὶ οὐδὲ ἐπʼ ὀλίγον
 καταμύσαι ἡμῖν ἐφιᾶσι—πολὺν ἤδη χρόνον οὐδὲ
 ἀπέβλεψα ἐς τὴν Ἀττικήν, καὶ μάλιστα ἐξ οὗ
 φιλοσοφία καὶ λόγων ἔριδες ἐπεπόλασαν αὐτοῖς·
 μαχομένων γὰρ πρὸς ἀλλήλους καὶ κεκραγότων
 οὐδὲ ἐπακούειν ἔστι τῶν εὐχῶν· ὥστε ἢ ἐπιβυσάμενον
 χρὴ τὰ ὦτα καθῆσθαι ἢ ἐπιτριβῆναι πρὸς
 αὐτῶν, ἀρετήν τινα καὶ ἀσώματα καὶ λήρους
 μεγάλῃ τῇ φωνῇ συνειρόντων. διὰ ταῦτά τοι καὶ
 τοῦτον ἀμεληθῆναι συνέβη πρὸς ἡμῶν οὐ φαῦλον
 ὄντα.

10 Ὅμως δὲ τὸν Πλοῦτον, ὦ Ἑρμῆ, παραλαβὼν
 ἄπιθι παῤ αὐτὸν κατὰ τάχος· ἀγέτω δὲ ὁ Πλοῦτος
 καὶ τὸν Θησαυρὸν μεθʼ αὑτοῦ καὶ μενέτωσαν
 ἄμφω παρὰ τῷ Τίμωνι μηδὲ ἀπαλλαττέσθωσαν
 οὕτω ῥᾳδίως, κἂν ὅτι μάλιστα ὑπὸ χρηστότητος
 αὖθις ἐκδιώκῃ αὐτοὺς τῆς οἰκίας. περὶ δὲ τῶν
 κολάκων ἐκείνων καὶ τῆς ἀχαριστίας ἢν ἐπεδείξαντο
 πρὸς αὐτόν, καὶ αὖθις μὲν σκέψομαι καὶ
 δίκην δώσουσιν, ἐπειδὰν τὸν κεραυνὸν ἐπισκευάσω·
 κατεαγμέναι γὰρ αὐτοῦ καὶ ἀπεστομωμέναι εἰσὶ
 δύο ἀκτῖνες αἱ μέγισται, ὁπότε φιλοτιμότερον
 ἠκόντισα πρῴην ἐπὶ τὸν σοφιστὴν᾿  Αναξαγόραν, ὃς
 ἔπειθε τοὺς ὁμιλητὰς μηδὲ ὅλως εἶναί τινας ἡμᾶς
 τοὺς θεούς. ἀλλʼ ἐκείνου μὲν διήματρον,—ὑπερ
 
 
 
 έσχε γὰρ αὐτοῦ τὴν χεῖρα Περικλῆς—ὀ δὲ κεραυνὸς
 εἰς τὸ Ἀνακεῖον παρασκήψας ἐκεῖνό τε κατέφλεξε
 καὶ αὐτὸς ὀλίγου δεῖν συνετρίβη περὶ τῇ πέτρᾳ.
 πλὴν ἱκανὴ ἐν τοσούτῳ καὶ αὕτη τιμωρία ἔσται
 αὐτοπις, ὑπερπλουτοῦντα τὸν Τίμωνα ὁρῶσιν.

ΕΡΜΗΣ 
 11 Οἷον ἦν τὸ μέγα κεκραγέναι καὶ ὀχληρὸν εἶναι
 καὶ θρασύν. οὐ τοῖς δικαιολογοῦσι μόνοις, ἀλλὰ
 καὶ τοῖς εὐχομένοις τοῦτο χρήσιμον· ἰδού γέ τοι
 αὐτίκα μάλα πλούσιος ἐκ πενεστάτου καταστήσεται
 ὁ Τίωμν βοήσας καὶ παρρησιασάμενος ἐν
 τῇ εὐχῇ καὶ ἐπιστρέψας τὸν Δία· εἰ δὲ σιωπῇ
 ἔσκαπτεν ἐπικεκυφώς, ἔτι ἂν ἔσκαπτεν
 ἀμελούμενος. 
 
 
 
 ΠΛΟΥΤΟΣ 
 Ἀλλ᾿ ἐγὼ οὐκ ἂν ἀπέλθοιμι, ὦ Ζεῦ, παῤ αὐτόν. 
 
 
 
 ΖΕΥΣ 
 Διὰ τί, ὦ ἄριστε Πλοῦτε, καὶ ταῦτα ἐμοῦ
 κελεύσαντος;

ΠΛΟΥΤΟΣ 
 12 Ὅτι νὴ Δία ὕβριζεν εἰς ἐμὲ καὶ ἐξεφόρει καὶ ἐς
 πολλὰ κατεμέριζε, καὶ ταῦτα πατρῷον αὐτῷ φίλον
 ὄντα, καὶ μονονουχὶ δικράνοις ἐξεύθει με τῆς
 οἰκίας καθάπερ οἱ τὸ πῦρ ἐκ τῶν χειρῶν ἀπορριπτοῦντες.
 αὖθις οὖν ἀπέλθω παρασίτοις καὶ κόλαξι
 καὶ ἑταίραις παραδοθησόμενος; ἐπ᾿ ἐκείνους, ὦ
 Ζεῦ, πέμπε με τοὺς ἡσθησομένους τῇ δωρεᾷ, τοὺς
 περιέψοντας, οἷς τίμιος ἐγὼ καὶ περιόθητος· οὗτοι
 
 
 
 δὲ οἱ λάροι τῇ πενίᾳ συνέστωσαν, ἣν προτιμῶσιν
 ἡμῶν, καὶ διφθέραν παῤ αὐτῆς λαβόντες καὶ
 δίκελλαν ἀγαπάτωσαν ἄθλιοι τέτταρας ὀβολοὺς
 ἀποφέροντες, οἱ δεκαταλάντους δωρεὰς ἀμελητὶ
 προϊέμενοι.

ΖΕΥΣ 
 13 Οὐδὲν ἔτι τοιοῦτον ὁ Τίμων ἐργάσεται περὶ σέ·
 πάνυ γὰρ αὐτὸν ἡ δίκελλα πεπαιδαγώγηκεν, εἰ μὴ
 παντάπασιν ἀνάλγητός ἐστι τὴν ὀσφῦν, ὡς χρῆν
 σὲ ἀντὶ τῆς πενίας προαιρεῖσθαι. σὺ μέντοι πάνυ
 μεμψίμοιρος εἶναί μοι δοκεῖς, ὃς νῦν μὲν τὸν
 Τίμωνα αἰτιᾷ, διότι σοι τὰς θύρας ἀναπετάσας
 ἠφίει περινοστεῖν ἐλευθέρως οὔτε ἀποκλείων
 οὔτε ζηλοτυπῶν· ἄλλοτε δὲ τοὐναντίον ἠγανάκτεις
 κατὰ τῶν πλουσίων κατακεκλεῖσθαι λέγων
 πρὸς αὐτῶν ὑπὸ μοχλοῖς καὶ κλεισὶ καὶ σημείων
 ἐπιβολαῖς, ὡς μηδὲ παρακῦψαί σοι ἐς τὸ φῶς
 δυνατὸν. εἶναι. ταῦτα γοῦν ἀπωδύρου πρός με,
 ἀποπνίγεσθαι λέγων ἐν πολλῷ τῷ σκότῳ· καὶ
 διὰ τοῦτο ὠχρὸς ἡμῖν ἐφαίνου καὶ φροντίδος
 ἀνάπλεως, συνεσπακὼς τοὺς δακτύλους πρὸς τὸ
 ἔθος τῶν λογισμῶν καὶ ἀποδράσεσθαι ἀπειλῶν, εἰ
 καιροῦ λάβοιο, παῤ αὐτῶν· καὶ ὅλως τὸ πρᾶγμα
 ὑπέρδεινον ἐδόκει σοι, ἐν χαλκῷ ἢ σιδηρῷ τῷ
 θαλώμῳ καθάπερ τὴν Δανάην παρθενεύεσθαι
 ὑπʼ ἀκριβέσι καὶ παμπονήροις παιδαγωγοῖς ἀνατρεφόμενον,
 τῷ Τόκῳ καὶ τῷ Λογισμῷ.

ἄτοπα
 γοῦν ποιεῖν ἔφασκες αὐτοὺς ἐρῶντας μὲν εἰς ὑπερβολήν,
 ἐξὸν δὲ ἀπολαύειν οὐ τολμῶντας, οὐδὲ ἐπʼ
 ἀδείας χρωμένους τῷ ἔρωτι κυρίους γε ὄντας, ἀλλὰ
 φυλάττειν ἐγρηγορότας, ἐς τὸ σημεῖον καὶ τὸν
 μοχλὸν ἀσκαρδαμυκτὶ βλέποντας, ἱκανὴν ἀπόλαυσιν
 
 
 οἰομένους οὐ τὸ αὐτοὺς ἀπολαύειν ἔχειν,
 ἀλλὰ τὸ μηδενὶ μεταδιδόναι τῆς ἀπολαύσεως,
 καθάπερ τὴν ἐν τῇ φάτνῃ κύνα μήτε αὐτὴν
 ἐσθίουσαν τῶν κριθῶν μήτε τῷ ἵππῳ τειῶντι
 ἐπιτρέπουσαν. καὶ προσέτι γε καὶ κατεγέλας
 αὐτῶν φειδομένων καὶ φυλαττόντων καὶ τὸ καινότατον
 αὑτοὺς ζηλοτυπούντων, ἀγνοούντων δὲ ὡς
 κατάρατος οἰκέτης ἢ οἰκονόμος πεδότριψ ὑπεισιὼν
 λαθραίως ἐμπαροινήσει, τὸν κακοδαίμονα καὶ
 ἀνέραστον δεσπότην πρὸς ἀμαυρόν τι καὶ, μικρόστομον
 λυχνίδιον καὶ διψαλέον θρυαλλίδιον
 ἐπαγρυπνεῖν ἐάσας τοῖς τόκοις. πῶς οὖν οὐκ
 ἄδικα ταῦτά σου, πάλαι μὲν ἐκεῖνα αἰτιᾶσθαι, νῦν
 δὲ τῷ Τίμωνι τὰ ἐναντία ἐπικαλεῖν;

ΠΛΟΥΥΟΣ 
 15 Καὶ μὴν. εἴ γε τἀληθὲς ἐξετάζοις, ἄμφω σοι
 εὔλογα δόξω ποιεῖν· τοῦ τε γὰρ Τίμωνος τὸ πάνυ
 τοῦτο ἀνειμένον ἀμελὲς καὶ οὐκ εὐνοῖκὸν ὡς πρὸς
 ἐμὲ εἰκότως ἂν δοκοίη· τούς τε αὗ κατάκλειστον
 ἐν θύραις καὶ σκότῳ φυλάττοντας, ὅπως αὐτοῖς
 παχύτερος γενοίμην καὶ πιμελὴς καὶ ὑπέρογκος
 ἐπιμελουμένους, οὔτε προσαπτομένους αὐτοὺς οὔτε
 ἐς τὸ φῶς προάγοντας, ὡς μηδὲ ὀφθείην πρός
 τινος, ἀνοήτους ἐνόμιζον εἶναι καὶ ὑβριστάς, οὐδὲν
 ἀδικοῦντά με ὑπὸ τοσούτοις δεσμοῖς κατασήποντας,
 οὐκ εἰδότας ὡς μετὰ μικρὸν ἀπίασιν ἄλλῳ
 τινὶ τῶν εὐδαιμόνων με καταλιπόντες.

οὔτʼ οὖν
 ἐκείνους οὔτε τοὺς πάνυ προχείρους εἰς ἐμὲ τούτους
 ἐπαινῶ, ἀλλὰ τούς, ὅπερ ἄριστόν ἔστι, μέτρον
 
 
 
 ἐπιθήσοντας τῷ πράγματι καὶ μήτε ἀφεξομένους
 τὸ παράπαν μήτε προησομένους τὸ ὅλον. 
 Σκόπει γάρ, ὦ Ζεῦ, πρὸς τοῦ Διός. εἴ τις νόμῳ
 γήμας γυναῖκα νέαν καὶ καλὴν ἔπειτα μήτε
 φυλάττοι μήτε ζηλοτυποῖ τὸ παράπαν, ἀφιεὶς καὶ
 βαδίζειν ἔνθα ἐθέλοι νύκτωρ καὶ μεθʼ ἡμέραν καὶ
 συνεῖναι τοῖς βουλομένοις, μᾶλλον δὲ αὐτὸς
 ἀπάγοι μοιχευθησομένην ἀνοίγων τὰς θύρας καὶ
 μαστροπεύων καὶ πάντας ἐπʼ αὐτὴν καλῶν, ἆρα ὁ
 τοιοῦτος ἐρᾶν δόξειεν ἄν; οὐ σύ γε, ὦ Ζεῦ, τοῦτο
 φαίης ἄν, ἐρασθεὶς πολλάκις.

εἰ δέ τις ἔμπαλιν
 ἐλευθέραν γυναῖκα εἰς τὴν οἰκίαν νόμῳ παραλαβὼν
 ἐπʼ ἀρότῳ παίδων γνησίων, ὁ δὲ μήτε αὐτὸς προσάπτοιτο
 ἀκμαίας καὶ καλῆς παρθένου μήτε ἄλλῳ
 προσβλέπειν ἐπιτρέποι, ἄγονον δὲ καὶ στεῖραν
 κατακλείσας παρθενεύοι, καὶ ταῦτα ἐρᾶν φάσκων
 καὶ δῆλος ὢν τῆς χρόας καὶ τῆς· σαρκὸς
 ἐκτετηκυίας καὶ τῶν ὀφθαλμῶν ὑποδεδυκότων,
 ἔσθʼ ὅπως ὁ τοιοῦτος οὐ παραπαίειν δόξειεν ἄν,
 δέον παιδοποιεῖσθαι καὶ ἀπολαύειν τοῦ γάμου,
 καταμαραίνων εὐπρόσωπον οὕτω καὶ ἐπέραστον
 κόρην καθάπερ ἱέρειαν τῇ Θεσμοφόρῳ τρέφων διὰ
 παντὸς τοῦ βίου; ταῦτα καί αὐτὸς ἀγανακτῶ,
 πρὸς ἐνίων μὲν ἀτίμως λακτιζόμενος καὶ λαφυσσόμενος
 καὶ ἐξαντλούμενος, ὑπʼ ἐνίων δὲ ὥσπερ
 στιγματίας δραπέτης πεπεδημένος.

ΖΕΥΣ 
 18 Τί οὖν ἀγανακτεῖς κατʼ αὐτῶν; διδόασι γὰρ
 ἄμφω καλὴν τὴν δίκην, οἱ μὲν ὥσπερ ὁ Τάνταλος
 ἄποτοι καὶ ἄγευστοι καὶ ξηροὶ τὸ στόμα, ἐπικεχηνότες
 
 
 μόνον τῷ χρυσίῳ, οἱ δὲ καθάπερ ὁ
 Φινεὺς ἀπὸ τῆς φάρυγγος τὴν τροφὴν ὑπὸ τῶν
 Ἁρπυιῶν ἀφαιρουμενοι. ἀλλ᾿ ἄπιθι ἤδη σωφρονεστέρῳ
 παρὰ πολὺ τῷ Τίμωνι ἐντευξόμενος. 
 
 
 
 ΠΛΟΥΤΟΣ 
 Ἐκεῖνος γάρ ποτε παύσεται  ὥσπερ ἐκ κοφίνου
 τετρυπημένου, πρὶν ὅλως εἰστυῆναί με, κατὰ
 σπουδὴν ἐξαντλῶν, φθάσαι βουλόμενος τὴν
 ἐπιρροήν, μὴ ὑπέραντλος εἰσπεσὼν ἐπικλύσω
 αὐτόν;ὥστε ε'σ τὸν τῶν Δαναΐδων πίθον ὑδροφορήσειν
 μοι δοκῶ καῖ μάτην ἐπαντλήσειν, τοῦ
 κύτουσ μὴ στέγοντος, ἀλλὰ τρὶν εἰσρυῆναι σχεδὸν
 ἐκχυθησομένου τοῦ ἐπιρρέοντος· οὕτως εὐρύτερον
 τὸ πρὸς τὴν ἔκχυσιν κεχηνὸς τοῦ πίθου καὶ
 ἀκώλυτος ἡ ἔξοδος.

ΖΕΥΣ 
 19 Οὐκοῦν εἰ μὴ ἐμφράξεται τὸ κεχηνὸς τοῦτο καὶ
 ἔσται ἄπαξ ἀναπεπταμένον, ἐκχυθέντος ἐν
 βραχεῖ σου ῥᾳδίως εὑρήσει τὴν διφθέραν αὖθις
 καῖ τὴν δίκελλαν ἐν τῇ τρυγὶ τοῦ πίθου. ἀλλ᾿ 
 ἄπιτε ἤδη καὶ πλουτίζετε αὐτόν· σὺ δὲ μέμνησο,
 ὦ Ἑρμῆ, ἐπανιὼν πρὸς ἡμᾶς ἄγειν τοὺς Κύκλωπας
 ἐκ τῆς Αἴτνης, ὅπως τὸν κεραυνὸν ἀκονήσαντεσ
 ἐπισκευάσωσιν· ὡς ἤδη γε τεθηγμένου αὐτοῦ
 δεησόμεθα.

ΕΡΜΗΣ 
 20 Προΐωμεν, ὦ Πλοπυτε. τί τοῦτο; ὑποσκάζεις;
 ἐλελήθεις με, ὦ γεννάδα, οὐ τυφλὸς  μόνον ἀλλὰ
 καὶ χωλὸς ὤν 
 
 
 
 
 
 ΠΛΟΥΤΟΣ 
 Οὐκ ἀεὶ τοῦτο, ὦ Ἑρηῆ, ἀλλ᾿ ὁπόταν μὲν ἀπίω
 παρά τινα πεμφθεὶς ὑπὸ τοῦ Διός, οὐκ οἶδ᾿ ὅπως
 βραδύς εἰμι καὶ χωλὸς ἀμφοτέροις, ὡς μέγις
 τελεῖν ἐπὶ τὸ τέρμα, προγηράσαντος ἐνίοτε τοῦ
 περιμένοντος, ὁπόταν δὲ ἀπαλλάττεσθαι δέῃ,
 πτηνὸν ὄψει, πολὺ τῶν ὀνείρων ἐκύτερον· ἅμα
 γοῦν ἔπεσεν ἡ ὕσπληγξ, κἀγὼ ἤδη ἀνακηρύττομαι
 νενικηκώς, ὑπερπηδήσας τὸ στάδιον οὐδὲ
 ἰδόντων ἐνίοτε τῶν θεατῶν. 
 
 
 
 ΕΡΜΗΣ 
 Οὐκ ἀληθῆ ταῦτα φής· ἐγώ γέ τοι πολλοὺς ἂν
 εἰπεῖν ἔχοιμί σοι χθὲς μὲν οὐδὲ ὀβολὸν ὥστε
 πρίσαθαι βρόχον ἐσχηκότας,  ἄφνω  δὲ τήμερον
 πλουσίους καὶ πολυτελεῖς ἐπὶ λευκοῦ ζεύγους
 ἐξελαύνοντας, οἵς οὐδὲ κἂν ὄνος ὑπῆρξε πώποτε.
 καὶ ὅμως  πορφυροῖ καὶ χρυσόχειρες περιέρχονται
 οὐδ᾿ αὐτοὶ πιστεύοντες οἶμαι ὅτι μὴ ὄναρ
 πλουτοῦσιν.

ΠΛΟΥΓΟΣ 
 21 Ἐτεροῖον τοῦτ᾿  εστίν, ὧ Ἑρμῆ, καὶ οὐχὶ τοῖς
 ἐμαυτοῦ ποσὶ βαδίζω τότε, οὐδὲ ὁ Ζεύς, αλλ᾿ ὁ
 Πλούτων ἀποστέλλει με παῤ αὐτοὺς ἅτε πλουτοδότης
 καὶ μεγαλόδρος καὶ αὐτὸς ὤν· δηλοῖ γοῦν
 καὶ τῷ ὀνόματι. ἐπειδὰν τοίνυν μετοικισ θῆναι
 δέη με παῤ ἑτέρου πρὸς ἕτερον, ἐς δέλτον ἐμβαλόντες
 με παῤ ἑτέρου πρὸς ἕτερον, ἐς δέλτον ἐμβαλόντες
 με καὶ κατασημηνάμενοι ἐπιμελῶς φορηδὸν
 ἀράμενοι μετακομόζουσιν· καὶ ὁ μὲν νεκρὸς ἐν
 σκοτεινῷ που τῆς οἰκίας προκεται ὑπὲρ τὰ
 γόνατα παλαιᾷ τῇ ὀθόνη σκεπόμενος, περιμάχητος
 ταῖς γαλαῖς, ἐμὲ δὲ οἱ ἐπελπίσαντες ἐν τῇ
 ἀγορᾷ περιμένουσι κεχηνότες ὥσπερ τὴν χελιδόνα
 
 
 προσπετομένην τετριγότες οἱ νεοττοί.

22 ἐπειδὰν δὲ
 τὸ σημεῖον ἀφαιρεθῇ καὶ τὸ λίνον ἐντμηθῇ καὶ ἡ
 δέλτος ἀνοιχθῇ καὶ ἀνακηρυχθῇ μου ὁ καινὸς
 δεσπότης ἤτοι συγγενής τις ἢ κόλαξ ἢ καταπύγων
 οἰκέτης ἐκ παιδικῶν τίμιος, ὑπεξυρημένος ἔτι τὴν
 γνάθον, ἀντὶ ποικίλων καὶ παντοδαπῶν ἡδονῶν ἃς
 ἤδη ἔξωρος ὢν ὑπηρέτησεν αὐτῷ μέγα τὸ μίσθωμα
 ὁ γενναῖος ἀπολαβών, ἐκεῖνος μέν, ὅστις ἂν ᾖ ποτε,
 ἁρπασάμενός με αὐτῇ δέλτῳ θεῖ φέρων ἀντὶ τοῦ
 τέως Πυρρίου ἢ Δρόμωνος ἢ Τιβείου Μεγακλῆς ἢ
 Μεγάβυζος ἢ Πρώταρχος μετονομασθείς, τοὺς
 μάτην κεχηνότας ἐκείνους ἐς ἀλλήλους ἀποβλέποντας
 καταλιπὼν ἀληθὲς ἄγοντας τὸ πένθος, οἷος
 αὐτοὺς ὁ θύννος ἐκ μυχοῦ τῆς σαγήνης διέφυγεν
 οὐκ ὀλίγον τὸ δέλεαρ καταπιών.

23 ὁ δὲ ἐμπεσὼν
 ἀθρόος εἰς ἐμὲ ἀπειρόκαλος καὶ παχύδερμος
 ἄνθρωπος, ἔτι τὴν πέδην πεφρικὼς καὶ εἰ παριὼν
 ἄλλως μαστίξειέ τις ὄρθιον ἐφιστὰς τὸ οὖς καὶ
 τὸν μυλῶνα ὥσπερ τὸ Ἀνάκτορον προσκυνῶν,
 οὐκέτι φορητός ἐστι τοῖς ἐντνγχάνουσιν, ἀλλὰ
 τούς τε ἐλευθέρους ὑβρίζει καὶ τοὺς ὁμοδούλους
 μαστιγοῖ ἀποπειρώμενος εἰ καὶ αὐτῷ τὰ τοιαῦτα
 ἔξεστιν, ἄχρι ἂν ἢ ἐς πορνίδιόν τι ἐμπεσὼν ἢ ἱπποτροφίας
 ἐπιθυμήσας ἢ κόλαξι παραδοὺς ἑαυτὸν
 ὀμνύουσιν, ἦ μὴν εὐμορφότερον μὲν Νιρέως εἶναι
 αὐτόν, εὐγενέστερον δὲ τοῦ Κέκροπος ἢ Κόδρου,
 συνετώτερον δὲ τοῦ Ὀδυσσέως, πλουσιώτερον δὲ
 συνάμα Κροίσων ἑκκαίδεκα, ἐν ἀκαρεῖ τοῦ χρόνου
 
 
 
 ἄθλιος ἐκχέῃ τὰ κατ᾿ ὀλίγον ἐκ πολλῶν ἐπιορκιῶν
 καὶ ἁρπαγῶν καὶ πανουργιῶν συνειλεγμένα.

ΕΡΜΗΣ 
 24 Αὐτά που σχεδὸν φὴς τὰ γινόμενα· ὁπόταν δ’
 οὖν αὐτόπους βαδίζῃς, πῶς οὕτω τυφλὸς ὣς εὑρίσκεις
 τὴν ὁδόν; ἣ πῶς διαγινώσκεις ἐφ᾿ οὒς ἄν σε
 ὁ Ζεὺς ἀποστείλῃ κρίνας εἶναι τοῦ πολουτεῖν
 ἀξίους; 
 
 
 
 ΠΛΟΥΤΟΣ 
 Οἴει γὰρ εὑρίσκειν με 1 οἵτινές εἰσι; μὰ τὸν
 Δία οὐ πάνυ· οὐ γὰρ ἂν Ἀριστείδην καταλιπὼν
 Ἱππονίκῳ καὶ Καλλίᾳ προσῄειν καὶ πολλοῖς
 ἄλλοις Ἀθηναίων οὐδὲ ὀβλοῦ ἀξίοις. 
 
 
 
 ΕΡΜΗΣ 
 Πλὴν ἀλλὰ τί πράττεις καταπεμφθείς; 
 
 
 
 ΠΛΟΥΤΟΣ 
 Ἄνω καὶ κάτνω πλαῶμαι, περινοστῶν ἄχρι ἂν
 λάθω τινὶ ἐμπεσών· ὁ δέ, ὅστις ἂν πρῶτος μοι
 περιτύχῃ, ἀπαγαγῶν παρ᾿ αὑτὸν ἔχει, σὲ τὸν
 Ἑρμὴν ἐπὶ τῷ παραλόγῳ τοῦ κέρδους προσκυνῶν.

ΕΡΜΗΣ 
 25 Οὐκοῦν ἐξηπάτηται ὁ Ζεὺς οἰόμενός σε κατὰ
 τὰ αὐτῷ δοκοῦντα πλουτίζειν ὅσους ἃν οἴηται
 τοῦ πλουτεῖν ἀξίους; 
 
 
 
 ΠΛΟΥΤΟΣ 
 Καὶ μάλα δικαίως, ὦγαθέ, ὅς γε τνφλὸν ὄντα
 
 
 
 εἰδὼς ἔπεμπεν ἀναζητήσοντα δυσεύρετον οὕτω
 χρῆμα καὶ πρὸ πολλοῦ ἐκλελοιπὸς ἐκ τοῦ βίου,
 ὄπερ οὐδ᾿ ὁ Λυγκεὺς ἂν ἐξεύροι ῥᾳδίως, ἀμαυρὸν
 οὕτω καὶ μικρὸν ὄν. τοιγαροῦν ἅτε τῶν μὲν ἀγαθῶν,
 ὀλίγων ὄντων, πονγρῶν δὲ πλείστων ἐν ταῖς
 πόλεσι τὸ πᾶν ἐπεχόντων, ῥᾷον ἐς τοὺς τοιούτους
 ἐμπίπτω περιιὼω καὶ σαγηνεύομαι πρὸς αὐτῶν. 
 
 
 
 ΕΡΜΗΣ 
 Εἶτα πῶς ἐπειδὰν καταλίπῃς αὐτοὺς ῥᾳδίως
 φεύγεις, οὐκ εἰδὼς τὴν ὁδόν; 
 
 
 
 ΠΛΟΥΥΟΣ 
 Ὀξυδερκὴς τότε πως καὶ ἀρτίπους γίνομαι
 πρὸς μόνον τὸν καιρὸν τῆς φυγῆς.

ΕΡΜΗΣ 
 26 Ἔτι δή μοι καὶ τοῦτο ἀπόκριναι, πῶς τυφλὸς
 ὤν—εἰρήσεται γάρ—καὶ προσέτι ἐψρὸς καὶ βαρὺς
 ἐκ τοῖν σκελοῖν τοσούτους ἐραστὰς ἔχεις, ὥστε
 πάντας ἀποβλέπειν εἰς σέ, καὶ τυχόντας μὲν
 εὐδαιμονεῖν οἴεσθαι, εἰ δὲ ἀποτύχοιεν οὐκ ἀνέχεσθαι
 ζῶντας; οἶδα γοῦ τινας οὐκ ὀλίγους αὐτῶν
 οὔτως σου δυσέρωτας ὄντας ὤστε καὶ “ἐς βαθυκήτεα
 πόντον” φέροντες ἔρριψαν αὑτοὺς καὶ “πετρῶν
 κατ᾿ ἠλιβάτων,” ὑπερορᾶσθαι νομόζοντες ὑπὸ
 σοῦ ὄτετερ οὐδὲ τῆν ἀρχὴν ἑώρας αὐτούς. πλὴν
 ἀλλὰ καῖ σὺ ἂν εὖ οἶδα ὅτι ὁμολογήσειας, εἴ τι
 συνίης σαυτοῦ,  κορυβαντιᾶν  αὐτοὺς ἐρωμένῳ τοιούτῳ
 ἐπιμεμηνότας.

ΠΛΟΥΥΟΣ 
 27 Οἴει γὰρ τοιοῦτον οἷός εἰμι ὁρᾶσθαι αὐτοῖς,
 χωλὸν ἢ τυφλὸν ἢ ὅσα ἄλλα μοι πρόσεστιν;
 
 
 
 Ἀλλὰ πῶς, ὦ Πλοῦτε, εἰ μὴ τυφλοὶ καὶ αὐτοι
 πάντες εἰσίν; 
 
 
 
 ΠΛΟΥΤΟΣ 
 Οὐ τυφλοἰ, ὦ ἄριστε, ἀλλ᾿ ἡ ἄγνοια καὶ ἡ
 ἀπάτη, αἵπερ νῦν κατέχουσι τὰ πάντα, ἐπισκιάζουσιν
 αὐτούς· ἔτι δὲ καὶ αὐτός, ὡς μὴ παντάπασιν
 ἄμορφος εἴην, προσωπεῖόν τι ἐρασμιώτατον
 περιθέμένος, διάχρουσον καὶ λιθοκόλλητον, καὶ
 ποικίλα ἐνδὺς ἐντυγχάνω αὐτοῖς· οἱ δὲ αὐτοπρόσωπον
 οἰόμενοι ὁρᾶν τὸ κάλλος ἀρῶσι καὶ ἀπόλλυνται
 μὴ τυγχάνοντες. ὡς εἴ γέ τις αὐτοῖς ὅλον
 ἀπογυμνώσας ἐπέδειξέ με, δῆλον ὡς κατεγίνωσκον
 ἂν αὑτῶν ἀμβλυώττοντες τὰ τηλικαῦτα καὶ
 ἐρῶντες ἀνεράτων καὶ ἀμόρφων πραγμάτων.

ΕΡΜΗΣ 
 28 Τί οὖν καὶ ἐν αὐτῷ ἤδη τῷ πλουτεῖν γενόμενοι
 καὶ τὸ προσωπεῖον αὐτοὶ περιθέμενοι ἔτι
 ἐξαπατῶνται, καὶ ἤν τις ἀφαιρῆται αὐτούς, θᾶττον
 ἂν τὴν κεφαλὴν ἢ τὸ προσωπεῖον πρόοιντο;
 οὐ γὰρ δὴ καὶ τότε ἀγνοεῖν εἰκὸς αὐτοὺς ὡς ἐπίχριστος
 ἡ εὐμορφία ἐστίν, ἔνδοθεν τὰ πάντα
 ὁρῶντας. 
 
 
 
 ΠΛΟΥΤΟΣ 
 Οὐκ ὀλίγα, ὦ Ἑρμῆ, καὶ πρὸς τοῦτό μοι
 Συναγωνίζεται. 
 
 
 
 ΕΡΜΗΣ 
 Τὰ ποῖα; 
 
 
 
 ΠΛΟΥΤΟΣ 
 Ἐπειδαν τις ἐντυχὼν τὸ πρῶτον ἀναπετάσας
 τὴν θύραυ εἰσδέχηταί με, συμπαρειςέρχεται μετ᾿
 ἐμοῦ λαθὰον ὁ τῦφος καὶ ἡ ἄνοια καὶ ἡ μεγαλαυχία
 
 
 καὶ μαλακία καὶ ὕβρις καὶ ἀπάτη καὶ ἄλλʼ ἄττα
 μυρία· ὑπὸ δὴ τούτων ἀπάντων καταληφθεὶς τὴν
 ψυχὴν θαυμάζει τε τὰ οὐ θαυμαστὰ καὶ ὀρέγεται
 τῶν φευκτῶν κἀμὲ τὸν πάντων ἐκείνων πατέρα τῶν
 εἰσεληλυθότων κακῶν τέθηπε δορυφορούμενον ὑπʼ
 αὐτῶν, καὶ πάντα πρότερον πάθοι ἂν ἢ ἐμὲ
 προέσθαι ὑπομείνειεν ἄν.

ΕΡΜΗΣ 
 29 Ὡς δὲ λεῖος εἶ καὶ ὀλισθηρός, ὦ Πλοῦτε, καὶ
 δυσκάτοχος καὶ διαφευκτικός, οὐδεμίαν ἀντιλαβὴν
 πρεχόμενος βεβαίαν ἀλλʼ ὥσπερ αἱ ἐγχέλεις ἢ
 οἱ ὄφεις διὰ τῶν δακτύλων δραπετεύεις οὐκ οἶδα
 ὅπως· ἡ Πενία δʼ ἔμπαλιν ἰξώδης τε καὶ εὐλαβὴς
 καὶ μυρία, τὰ ἄγκιστρα ἐκπεφυκότα ἐξ ἅπαντος
 τοῦ σώματος ἔχουσα, ὡς πλησιάσαντας εὐθὺς
 ἔχεσθαι καὶ μὴ ἔχειν ῥᾳδίως ἀπολυθῆναι. ἀλλὰ
 μεταξὺ φλυαροῦντας ἡμᾶς πρᾶγμα ἤδη οὐ μικρὸν
 διέλαθε. 
 
 
 
 ΠΛΟΥΤΟΣ 
 Τὸ ποῖον; 
 
 
 
 ΕΡΜΗΣ 
 Ὅτι τὸν Θησαυρὸν οὐκ ἐπηγαγόμεθα, οὗπερ
 ἔδει μάλιστα.

ΠΛΟΥΤΟΣ 
 30 Θάρρει τούτου γε ἕνεκα· ἐν τῇ γῇ αὐτὸν ἀεὶ
 καταλείπων ἀνέρχομαι πρὸς ὑμᾶς ἐπισκήψας
 ἔνδον μένειν ἐπικλεισάμενον τὴν θύραν, ἀνοίγειν δὲ
 μηδενί, ἢν μὴ ἐμοῦ ἀκούσῃ βοήσαντας. 
 
 
 
 ΕΡΜΗΣ 
 Oὐκοῦν ἐπιβαίνωμεν ἤδη τῆς Ἀττικῆς· καί μοι
 ἕπου ἐχόμενος τῆς χλαμύδος, ἄχρι ἂν πρὸς τὴν
 ἐσχατιαν ἀφίκωμαι. 
 
 
 
 
 ΠΑΟΥΤΟΣ 
 Εὖ ποιεῖς, ὦ Ἑρμῆ, χειραγωγῶν· ἐπεὶ ἤν γε
 ἀπολίπῃς με, Ὑπερβόλῳ τάχα ἢ Κλέωνι ἐμπεσοῦμαι
 περινοστῶν. ἀλλὰ τίς ὁ ψόφος οὗτός ἐστιν
 καθάπερ σιδήρου πρὸς λίθον;

ΕΡΜΗΣ 
 31 Ὁ Τίμων οὑτοσὶ σκάπτει πλησίον ὀρεινὸν καὶ
 ὑπόλιθον γήδιον. παπαί, καὶ ἡ Πενία πάρεστι
 καὶ ὁ Πόνος ἐκεῖνος, ἡ Καρτερία τε καὶ ἠ Σοφία
 καὶ ἡ Ἀνδρεία καὶ ὁ τοιοῦτος ὄχλος τῶν ὑπὸ τῷ
 Λιμῷ ταττομένων ἁπάντων, πολὺ ἀμείνους τῶν
 σῶν δορυφόρων. 
 
 
 
 ΠΛΟΥΤΟΣ 
 Τί οὖν οὐκ ἀπαλλαττόμεθα, ὦ Ἑρμῆ, τὴν
 ταχίστην; οὐ γὰρ ἄν τι ἡμεῖς δράσαιμεν ἀξιόλογον
 πρὸς ἄνδρα ὑπὸ τηλικούτου στρατοπέδου
 περιεσχημένον. 
 
 
 
 ΕΡΜΗΣ 
 Ἄλλως ἔδοξε τῷ Διί· μὴ ἀποδειλιῶμεν οὖν.

ΠΕΝΙΑ 
 32 Ποῖ τοῦτον ἀπάγεις, ὦ Ἀργειφόντα,
 χειραγωγῶν; 
 
 
 
 ΕΡΜΗΣ 
 Ἐπὶ τουτονὶ τὸν Τίμωνα ἐπέμφθημεν ὑπὸ τοῦ
 Δοίς. 
 
 
 
 ΠΕΝΙΑ 
 Νῦν ὁ Πλοῦτος ἐπὶ Τίμωνα, ὁπότε ἀυτὸν ἐγὼ
 κακῶς ἔχοντα ὑπὸ τῆς Τρυφῆς παραλαβοῦσα,
 τουτοισὶ παραδοῦσα, τῇ Σοφίᾳ καὶ τῷ Πόνῳ, γενναῖον
 ἄνδρα καὶ πολλοῦ ἄξιον ἀπέδειξα; οὕτως
 ἄρα εὐκαταφρόνητος ὑμῖν ἡ Πενία δοκῶ καὶ εὐαδίκητος,
 ὥσθ᾿ ὃ μόνον κτῆμα εἶχον ἀφαιρεῖσθαί
 
 
 με, ἀκριβῶς πρὸς ἀρετὴν ἐξειργασμένον, ἱνα αὖθις
 ὁ Πλοῦτος παραλαβὼν αὐτὸν Ὕβρει καὶ Τύφῳ
 ἐγχειρίσας ὅμοιον τῷ πάλαι μαλθακὸν καὶ
 ἀγεννῆ καὶ ἀνόητον ἀποφήνας ἀποδῷ πάλιν ἐμοὶ
 ῥάκος ἤδη γεγενημένον; 
 
 
 
 ΕΡΜΗΣ 
 Ἔδοξε ταῦτα, ὦ Πενία, τῷ Διί·

ΠΕΝΙΑ 
 33 Ἀπέρχομαι· καὶ ὑμεῖς δέ, ὦ Πόνε καὶ Σοφία
 καὶ οἱ λοιποί, ἀκολουθεῖτέ μοι. οὗτος δὲ τάχα
 εἴδεται, οἵαν με οὖσαν ἀπολείψει, ἀγαθὴν συνεργὸν
 καὶ διδάσκαλον τῶν ἀρίστων, ᾗ συνὼν
 ὑγιεινὸς μὲν τὸ σῶμα, ἐρρωμένος δὲ τὴν γωώμην
 διετέλεσεν, ἀνδρὸς βίον ζῶν καὶ πρὸς αὑτὸν
 ἀποβλέπων, τὰ δὲ περιττὰ καὶ πολλὰ ταῦτα,
 ὥσπερ ἐστίν, ἀλλότρια ὑπολαμβάνων. 
 
 
 
 ΕΡΜΗΣ 
 Ἀπέρχονται· ἡμεῖς δὲ προσίωμεν αὐτῷ.

ΤΙΜΩΝ 
 34 Τίνες ἐστέ, ὦ κατάρατοι; ἢ τί βουλόμενοι
 δεῦρο ἥκετε ἄνδρα ἐργάτην καὶ μισθοφόρον ἐνοχλήσοντες;
 ἀλλ᾿ οὐ χαίροντες ἄπιτε μιαροὶ πάντες
 ὄντες· ἐγὼ γὰρ ὑμᾶς αὐτίκα μάλα βάλλων τοῖς
 βώλοις καὶ τοῖς λίθοις συντρίψω. 
 
 
 
 ΕΡΜΗΣ 
 Μηδαμῶς, ὦ Τίμων, μὴ βάλῃς· οὐ γὰρ ἀνθρώπους
 ὄντας βαλεῖς, ἀλλ᾿ ἐγὼ μὲν Ἑρμῆς εἰμι,
 οὑτοσὶ δὲ ὁ Πλοῦτος· ἔπεμψε δὲ ὁ Ζεὺς ἐπακούσας
 τεῶν εὐχῶν, ὥστε ἀγαθῇ τύχῃ δέχου τὸν ὄλβον
 ἀποστὰς τῶν πόνων. 
 
 
 
 
 ΤΙΜΩΝ 
 Καὶ ὑμεῖς οἰμώξεσθε ἢδη καίτοι θεοὶ ὄντες, ὥς
 φατε· πάντας γὰρ ἅμα καὶ ἀνθρώπους καὶ θεοὺς
 μισῶ, τουτονὶ δὲ τὸν τυφλόν, ὅστις ἂν ᾖ, καὶ ἐπιτρίψειν
 μοι δοκῶ τῇ δικέλλῃ. 
 
 
 
 ΠΛΟΥΤΟΣ 
 Ἀπίωμεν, ὦ Ἑρμῆ, πρὸς τοῦ Διός, μελαγχολᾶν
 γὰρ ὁ ἄνθρωπος οὐ μετρίως μοι δοκεῖ, μή τι κακὸν
 ἀπέλθω προσλαβών.

ΕΡΜΗΣ 
 35 Μηδὲν σκαιόν, ὦ Τίμων, ἀλλὰ τὸ πάνυ τοῦτο
 ἄγριον καὶ τραχὺ καταβαλὼν προτεένας τὼ χεῖρε
 λάμβανε τὴν ἀγαθὴν τύχην καὶ πλούτει πάλιν
 καὶ ἴσθι Ἀθηναίων τὰ πρῶτα καὶ ὑπερόρα τῶν
 ἀχαρίστων ἀκείνων μόνος αὐτὸς εὐδαιμονῶν. 
 
 
 
 ΤΙΜΩΝ 
 Οὐδὲν ὑμων δέομαι· μὴ ἐνοχλεῖτέ μοι· ἱκανὸς
 ἐμοὶ πολοῦτος ἡ δίκελλα, τὰ δ᾿ ἄλλα εὐδαιμονεστατός
 εἰμι μηδενός μοι πλησιάζοντος. 
 
 
 
 ΕΡΜΗΣ 
 Οὔτως, ὦ τάν, ἀπανθρώπως;
 τόνδε φέρω Διὶ μῦθον ἀπηνέα τε κρατερόν τε;
 καὶ μὴν εἰκὸς ἦν μιςάνθρωπον μὲν εἶναί σε
 τοσαῦτα ὑπ᾿ αὐτῶν δεινὰ πεπονθότα, μιςόθεον δε
 μηδαμῶς. οὔ ἐπιμελουμένων σου τῶν θεῶν.

ΤΙΜΩΝ 
 36 Ἀλλὰ σοὶ μέν, Ἑρμῆ, καὶ τῷ Διὶ πλείστη
 
 
 χάρις τῆς ἐπιμελείας, τουτονὶ δὲ τὸν Πλοῦτον οὐκ
 ἂν λάβοιμι. 
 
 
 
 ΕΡΜΗΣ 
 Τί δή; 
 
 
 
 ΤΙΜΩΝ 
 Ὅτι καὶ πάλαι μυρίων μοι κακῶν αἴτιος οὗτος
 κατέστη κόλαξί τε παραδοὺς καὶ ἐπιβούλους
 ἐπαγαγάὼν καὶ μῖσος ἐπεγείρας καὶ ἡδυπαθείᾳ
 διαφθείρας καὶ ἐπίφθονον ἀποφήνας, τέλος δὲ
 ἄφνω καταλιπὼν οὕτως ἀπίστως καὶ προδοτικῶς·
 ἡ βελτίστη δὲ Πενία πόνοις με τοῖς ἀνδρικωτάτοις
 καταγυμνάσασα καὶ μετʼ ἀληθείας καὶ παρρησίας
 προσομιλοῦσα τά τε ἀναγκαῖα κάμνοντι
 παρεῖχε καὶ τῶν πολλῶν ἐκείνων καταφρονεῖν
 ἐπαίδευεν, ἐξ αὐτοῦ ἐμοῦ τὰς ἐλπίδας ἀπαρτήσασά
 μοι τοῦ βίου καὶ δείξασα ὅστις ἦν ὁ πλοῦτος ὁ
 ἐμός, ὃν οὔτε κόλαξ θωπεύων οὔτε συκοφάντης
 φοβῶν, οὐ δῆμος παροξυνθείς, οὐκ ἐκκλησιαστὴς
 ψηφοφορήσας, οὐ τύραννος ἐπιβουλεύσας ἀφελέσθαι
 δύναιτʼ ἄν.

37 ἐρρωμένος τοιγαροῦν ὑπὸ τῶν
 πόνων τὸν ἀγρὸν τουτονὶ φιλοπόνως ἐπεργαζόμενος,
 οὐδὲν ὁρῶν τῶν ἐν ἄστει κακῶν, ἱκανὰ καὶ
 διαρκῇ ἔχω τὰ ἄλφιτα παρὰ τῆς δικέλλης. ὥστε
 παλίνδρομος ἄπιθι, ὦ Ἑρμῆ, τὸν Πλοῦτον ἐπανώγων 
 τῷ Διί· ἐμοὶ δὲ τοῦτο ἱκανὸν ἦν, πάντας
 ἀνθρώπους ἡβηδὸν οἰμώζειν ποιῆσαι. 
 
 
 ΕΡΜΗΣ 
 Μηδαμῶς, ὦγαθέ· οὐ γὰρ πάντες εἰσὶν ἐπιτήδειοι
 πρὸς οἰμωγήν. ἀλλʼ ἔα τὰ ὀργίλα ταῦτα
 καὶ μειρακιώδη καὶ τὸν Πλοῦτον παράλαβε. οὔτοι
 ἀπόβλητά ἐστι τὰ δῶρα τὰ παρὰ τοῦ Διός. 
 
 
 
 
 
 ΠΛΟΥΤΟΣ 
 Βούλει, ὦ Τίμων, δικαιολογήσωμαι πρὸς σέ; ἢ
 χαλεπανεῖς μοι λέγοντι; 
 
 
 
 ΤΙΜΩΝ 
 Λέγε, μὴ μακρὰ μέντοι, μηδὲ μετὰ προοιμίων,
 ὥσπερ οἱ ἐπίτριπτοι ῥήτορες· ἀνέξομαι γάρ σε
 ὀλίγα λέγοντα διὰ τὸν Ἑρμῆν τουτονί.

ΠΛΟΥΤΟΣ 
 38 Ἐχρῆν μὲν ἴσως καὶ μακρὰ εἰπεῖν πρὸς οὕτω
 πολλὰ ὑπὸ σοῦ κατηγορητέντα· ὅμως δὲ ὅρα εἴ τί
 σε, ὡς φής, ἠδίκηκα, ὃς τῶν μὲν ἡδίστων ἁπάντων
 αἴτιός σοι κατέστην, τιμῆς καὶ προεδρίας καὶ στεφάνων
 καὶ τῆς ἄλλης τρυφῆς, περίβλεπτός τε καὶ
 ἀοίδιμος δι᾿ ἐμὲ ἦσθα καὶ περισπούδαστος· εἰ δέ τι
 χαλεπὸν ἐκ τῶν κολάκων πέπονθας, ἀναίτιος ἐγώ
 σοι· μᾶλλον δὲ αὐτὸς ἠδίκημαι τοῦτο ὑπὸ σοῦ, διότι
 με οὕτως ἀτίμως ὑπέβαλες ἀνδράσι καταράτοις
 ἐπαινοῦσι καὶ καταγοητεύουσι καὶ πάντα τρόπον
 ἐπιβουλεύουσί μοι· καὶ τό γε τελευταῖον ἔφησθα,
 ὡς προδέδωκάδε, τοὐναντίον δ᾿ ἂν αὐτὸς ἐγκαλέσαιμί
 σοι πάντα τρόπον ἀπελαθεὶς ὑπὸ σοῦ καὶ
 ἐπὶ κεφαλὴν ἐξωσθεὶς τῆς οἰκίας. τοιγαροῦν ἀντὶ
 μαλακῆς χλανίδος ταύτην τὴν διφθέραν ἡ τιμιωτάτη
 σοι Πενία περιτέθεικεν. ὥστε μάρτυς ὁ
 Ἑρμῆς οὑτοσί, πῶς ἱκέτευον τὸν Δία θηκέθ᾿ ἥκειν
 παρὰ σὲ οὕτως δυσμενῶς μοι προσενηνεγμένον.

ΕΡΜΗΣ 
 39 Ἀλλὰ νῦν ὁρᾷς, ὦ Πλοῦτε, οἷος ἤδη γεγένηται;
 ὥστε θαρρῶν συνδιάτριβε αὐτῷ· καὶ σὺ μὲν
 
 
 
 
 σκάπτε ὡς ἔχεις· σὺ δὲ τὸν Θησαυρὸν ὑπάγαγε τῇ
 δικέλλῃ· ὑπακούσεται γὰρ ἐμβοήσαντί σοι. 
 
 
 
 ΤΙΜΩΝ 
 Πειστέον, ὦ Ἑρμῆ, καὶ αὖθις πλουτητέον. τι
 γὰρ καὶ πάθοι τις, ὁπότε οἱ θεοὶ βιάζοιντο;
 πλὴν ὅρα γε εἰς οἷά με πράγματα ἐμβάλλεις τὸν
 κακοδαίμονα, ὃς ἄχρι νῦν εὐδαιμονέστατα διάγων
 χρυσὸν ἄφνω τοσοῦτον λήψομαι οὐδὲν ἀδικήσας
 καὶ τοσαύτας φροντίδας ἀναδέξομαι.

ΕΡΜΗΣ 
 40 Ὑπόστηθι, ὦ Τίμων, δι᾿  ἐμέ. καὶ εἰ χαλεπὸν
 τοῦτο καὶ οὐκ οἰστόν ἐστιν, ὅπως οἱ κόλακες ἐκεῖνοι
 διαρραγῶσιν ὑπὸ τοῦ φθόνου· ἐγὼ δὲ ὑπὲρ
 τὴν Αἴτνην ἐς τὸν οὐρανὸν ἀναπτήσομαι. 
 
 
 
 ΠΛΟΥΤΟΣ 
 Ὁ μὲν ἀπελήλυθεν, ὡς δοκεῖ· τεκμαίρομαι γὰρ
 τῇ εἰρεσίᾳ τῶν πτερῶν· σὺ δὲ αὐτοῦ περίμενε·
 ἀναπέμψν γάρ σοι τὸν Θησαυρὸν ἀπελθών· μᾶλλον
 δὲ παῖε. σέ φημι, Θησαυρὲ χρυσοῦ, ὑπάκουσον
 Τίμωνι τουτωῒ καὶ παράσχες ἑαυτὸν ²
 ἀνελέσθαι. σκάπτε, ὦ Τίμων, βαθείας καταφέρων,
 δὲ ὑμῖν· ἀποστήσομαι.

ΤΙΜΩΝ 
 41 Ἄγε, ὦ δίκελλα, νῦν μοι ἐπίρρωσον σεαυτὴν
 καὶ μὴ κάμῃς ἐκ τοῦ βάθους τὸν Θησαυρὸν ἐς
 τοὐμφανὲς προκαλουμέν. ὦ Ζεῦ τεράστιε καὶ
 φίλοι Κορύβαντες καὶ Ἑρμῆ κερδῷε, πόθεν
 τοσοῦτον χρυσίον; ἦ που ὄναρ ταῦτα ἐστι; δέδια
 γοῦν μὴ ἄνθρακας εὔρω ἀνεγρόμενος· ἀλλὰ μὴν
 
 
 
 
 χρυσιον ἐστὶν ἐπίσημον, ὑπέρυθρον, βαρὺ καὶ τὴν
 πρόσοψιν ὑπερήδιστον.
 ὦ χρυσέ, δεξίωμα κάλλιστον βροτοῖς· 
 αἰθόμενον γὰρ πῦρ ἅτε διαπρέπεις καὶ νύκτωρ καὶ
 μεθ᾿ ἡμέραν. ἐλθέ, ὦ φίλτατε καὶ ἐρασμιώτατε.
 νῦν πείθομαί γε καὶ Δία ποτὲ γενέσθαι χρυσόν·
 τίς γὰρ οὐκ ἂν παρθένος ἀναπεπταμένοις τοῖς
 κόλποις ὑπεδέξατο οὕτω καλὸν ἐραστὴν διὰ τοῦ
 τέγους καταρρέοντα;

42ὦ Μίδα καὶ Κροῖσε καὶ τὰ
 ἐν Δελφοῖς ἀναθήματα, ὡς οὐδὲν οὐδὲν ἄρα ἦτε ὡς πρὸς
 Τίμωνα καὶ τὸν Τίμωνος πλοῦτον, ᾧ γε οὐδὲ ὁ
 βασιλεὺς ὁ Περσῶν ἴσος. 
 Ὦ δίκελλα καὶ φιλτάτη διφθέρα, ὑμᾶς μὲν τῷ
 Πανὶ τούτῳ ἀναθεῖναι καλόν· αὐτὸς δὲ ἤδη πᾶσαν
 πριάμενος τὴν ἐσχατιάν, πυργίον οἰκοδομησάμενος
 ὑπὲρ τοῦ θησαυροῦ μόνῳ ἐμοῖ ἱκανὸν ἐνδιαιτᾶσθαι,
 τὸν αὐτὸν καὶ τάφον ἀποθανὼν ἕξειν μοιδοκῶ,
 “Δεδόχθω δὲ ταῦτα καὶ νενομοθετήσθω πρὸς
 τὸν ἐπίλοιπον βίον, ἀμιξία πρὸς ἅπαντας καὶ
 ἀγνωσία καὶ ὑπεροψία· φίλος δὲ ἢ ξένος ἢ ἑταῖρος
 ἢ Ἐλέου βωμὸς ὕθλος πολύς· καὶ τὸ οἰκτεῖραι
 δακρύοντα ἢ ἐπικουρῆσαι δεομένῳ παρανομία καὶ
 κατάλυσις τῶν ἐθῶν· μονήρης δὲ ἡ δίαιτα καθάπερ
 τοῖς λύκοις, καὶ φίλος εἷς Τίμων.

43 οἱ δὲ ἄλλοι
 πάντες ἐχθροὶ καὶ ἐπίβουλοι· καὶ τὸ προσομιλῆσαί
 τινι αὐτῶν μίασμα· καὶ ἢν τινα ἴδω μόνον,
 ἀποφρὰς ἡ ἡμέρα· καὶ ὅλως ἀνδριάντων λιθίνων
 ἢ χαλκῶν μηδὲν ἡμῖν διαφερέτωσαν· καὶ μήτε
 κήρυκα δεχώμεθα παῤ αὐτῶν μήτε σπονδὰς
 
 
 σπενδόμεθα· ἡ ἐρημία δὲ ὅρος ἔστω πρὸς αὐτούς.
 φυλέται δὲ καὶ φράτορες καὶ δημόται καὶ ἡ πατρὶς
 αὐτὴ ψυχρὰ καὶ ἀνωφελῆ ὀνόματα καὶ ἀνοήτων
 ἀνδρῶν φιλοτιμήματα. πλουτείτω δὲ Τίμων μόνος
 καὶ ὑπεροράτω ἁπάνταων καὶ τρυφάτω μόνος καθʼ
 ἑαυτὸν κολακείας καὶ ἐπαίνων φορτικῶν ἀπηλλαγμένος·
 καὶ θεοῖς θυέτω καὶ εὐωχείσθω μόνος,
 ἑαυτῷ γείτων καὶ ὅμορος, ἐκσείων ² τῶν ἄλλων. καὶ
 ἅπαξ ἑαυτὸν δεξιώσασθαι δεδόχθω, ἢν δέῃ ἀποθανεῖν,
 καὶ αὑτῷ στέφανον ἐπενεγκεῖν.

44 καὶ ὄνομα
 μὲν ἔστω ὁ Μισάνθρωπος ἥδιστον, τοῦ τρόπου δὲ
 γνωρίσματα δυσκολία καὶ τραχύτης καὶ σκαιότης
 καὶ ὀργὴ καὶ ἀπανθρωπία· εἰ δέ τινα ἴδοιμι ἐν
 πυρὶ διαφθειρόμενον καὶ κατασβεννύναι ἱκετεύοντα,
 πίττῃ καὶ ἐλαίῳ κατασβεννύναι· καὶ ἤν τινα
 τοῦ χειμῶνος ὁ ποταμὸς παραφέρῃ, ὁ δὲ τὰς χεῖρας
 ὀρέγων ἀντιλαβέσθαι δέηται, ὠθεῖν καὶ τοῦτον
 ἐπὶ κεφαλὴν βαπτίζοντα, ὡς μηδὲ ἀνακῦψαι
 δυνηθείη· οὕτω γὰρ ἂν τὴν ἴσην ἀπολάβοιεν.
 εἰσηγήσατο τὸν νόμον Τίμων Ἐχεκρατίδου 
 Κολλυτεύς, ἐπεψήφισε τῇ ἐκκλησίᾳ Τίμων ὁ
 αὐτός.”

Εἶεν, ταῦτα ἡμῖν δεδόχθω καὶ ἀνδρικῶς ἐμμένωμεν
 45 αὐτοῖς. πλὴν ἀλλὰ περὶ πολλοῦ ἂν ἐποιησάμην
 ἅπασι γνώριμά πως ταῦτα γενέσθαι, διότι
 ὑπερπλουτῶ· ἀγχόνη γὰρ ἂν τὸ πρᾶγμα γένοιτο
 αὐτοῖς. καίτοι τί τοῦτο; φεῦ τοῦ τάχους. πανταχό-
 
 
 
 
 
 θεν συνθέουσιν κεκονιμένοι καὶ πνευστιῶντες, οὐκ
 οἶδα ὅθεν ὀσφραινόμενοι τοῦ χρυσίου. πότερον
 οὖν ἐπὶ τὸν πάγον τοῦτον ἀναβὰς ἀπελαύνω
 αὐτοὺς τοῖς λίθοις ἐξ ὑπερδεξίων ἀκροβολιζόμενος,
 ἢ τό γε τοσοῦτον παρανομήσομεν εἰσάπαξ αὐτοῖς
 ὁμιλήσαντες, ὡς πλέον ἀνιῶντο ὑπερορώμενοι;
 τοῦτο οἶμαι καὶ ἄμεινον. ὥστε δεχώμεθα ἤδη
 αὐτοὺς ὑποστάντες. φέρε ἴδω, τίς ὁ πρῶτος αὐτῶν
 οὗτός ἐστι; Γναθωνίδης ὁ κόλαξ, ὁ πρῴην ἔρανον
 αἰτήσαντί μοι ὀρέξας τὸν βρόχον, πίθους ὅλους
 παῤ ἐμοὶ πολλάκις ἐμημεκώς. ἀλλ᾿ εὖ γε ἐποίητεν
 ἀφικόμενος· οἰμώξεται γὰρ πρὸ τῶν ἄλλων.

ΓΝΑΘΩΝΙΔΗΣ 
 46 Οὐκ ἐγὼ ἔλεγον ὡς οὐκ ἀμελήσουσι Τίμωνος
 ἀγαθοῦ ἀνδρὸς οἱ θεοί; χαῖρε Τίμων εὐμορφότατε
 καὶ ἥδιστε καὶ συμποτικώτατε. 
 
 
 
 ΤΙΜΩΝ 
 Νὴ καὶ σύ γε, ὦ Γναθωνίδη, γυπῶν ἁπάντων
 Βορώτατε καὶ ἀνθρώπων ἐπιτριπτότατε. 
 
 
 
 ΓΝΑΘΩΝΙΔΗΣ 
 Ἀεὶ φιλοσκώμμων σύ γε. ἀλλὰ ποῦ τὸ συμπόσιον;
 ὡς καινόν τί σοι ᾆσμα τῶν νεοδιδάκτων
 διθυράμβων ἥκω κομίζων. 
 
 
 
 ΤΙΜΩΝ 
 Καὶ μὴν ἐλεγεῖά γε ᾄσῃ μέλα περιπαθῶς ὑπὸ
 ταύτῃ τῇ δικέλλῃ. 
 
 
 
 ΓΝΑΘΩΝΙΔΗΣ 
 Τί τοῦτο; παίεις, ὦ Τίμων; μαρτύρομαι· ὦ
 Ἡράκλεις, ἰοὺ ἰού, προκαλοῦμαί σε τραύματος
 εἰς Ἀρειον πάγον. 
 
 
 
 ΤΙΜΩΝ 
 Καὶ μὴν ἄν γε μικρὸν ἐπιβραδύνῃς, φόνου τάχα
 προκεκλήσομαι. 
 
 
 
 ΓΝΑΘΩΝΙΔΗΣ 
 Μηδαμῶς· ἀλλὰ σύ γε πάντως τὸ τραῦμα
 ἴασαι μικρὸν ἐπιπάσας τοῦ χρυσίου· δεινῶς γὰρ
 ἴσχαιμόν ἐστι τὸ φάρμακον. 
 
 
 
 ΤΙΜΩΝ 
 Ἔτι γὰρ μένεις; 
 
 
 
 ΓΝΑΘΩΝΙΔΗΣ 
 Ἄπειμι· σὺ δὲ οὐ χαιρήσεις οὕτω σκαιὸς ἐκ
 χρηστοῦ γενόμενος.

ΤΙΜΩΝ 
 47 Τίς οὖτός ἐστιν ὁ προσιών, ὁ ἀναφαλαντίας;
 Φιλιάδης, κολάκων ἀπάντων ὁ βδελυρώτατος.
 οὖτος δὲ ἀγρὸν ὅλον παῤ ἐμοῦ λαβὼν καὶ τῇ
 θυγατρὶ προῖκα δύο τάλαντα, μισθὸν τοῦ ἐπαίνου,
 ὁπότε ᾄσαντα με πάντων σιωπώντων μόνος ὑπερεπῄνεσεν
 ἐπομοσάμενος ᾠδικώτερον εἶναι τῶν
 κύκνων, ἐπειδὴ νοσοῦντα πρῴην εἶδέ με καὶ
 προσῆλθον ἐπικουρίας δεόμενος, πληγὰς ὁ γενναῖος
 προσενέτεινεν.

ΦΙΛΑΔΗΣ 
 48 Ὢ τῆς ἀναισχυντίας. νῦν Τίμωνα γνωρίζετε;
 νῦν Γναθωνίδης φίλος καὶ συμπότης; τοιγαροῦν
 δίκαια πέπονθεν οὕτως ἀχάριστος ὤν. ἡμεῖς δὲ οἱ
 πάλαι συνήθεις καὶ συνέφηβοι καὶ δημόται ὅμως
 
 
 μεταριαζομεν, ὡς μὴ ἐπιπηδᾶν δοκῶμεν. χαῖρε, ὦ
 δέσποτα, καὶ ὅπως τοὺς μιαροὺς τούτους κόλακας
 φυλάξῃ, τοὺς ἐπὶ τῆς τραπέζης μόνον, τὰ ἄλλα
 δὲ κοράκων οὐδὲν διαφέροντας. οὐκέτι πιστευτέα
 τῶν νῦν οὐδενί· πάντε ἀχάριστοι καὶ πονηροί.
 ἐγὼ δὲ τάλαντόν σοι κομίζων, ὡς ἔχοις πρὸς τὰ
 κατεπείγοντα χρῆσθαι, καθ᾿ ὁδὸν ἤδη πλησίον
 ἤκουσα, ὡς πλουτοίης ὑπερμεγέθη τινὰ πλοῦτον.
 ἥκω τοιγαροῦν ταῦτά σε νουθετήσων· καίτοι
 σύ γε οὕτω σοφὸς ὢν οὐδὲν ἴσως δεήσῃ τῶν
 παῤ ἐμοῦ λόγων, ὃς καὶ τῷ Νέστορι τὸ δέον
 παραινέσειας ἄν. 
 
 
 
 ΤΙΜΩΝ 
 Ἔσται ταῦτα, ὦ Φιλιάδη. πλὴν ἀλλὰ πρόσιθι,
 ὡς καὶ σὲ φιλοφρονήσωμαι τῇ δικέλλῃ. 
 
 
 
 ΦΙΛΙΑΔΗΣ 
 Ἄνθρωποι, κατεαγα τοῦ κρανίου ὑπὸ τοῦ ἀχαρίστου,
 διότι τὰ συμφέροντα ἐνουθέτουν αὐτόν.

ΤΙΜΩΝ 
 49 Ἰδοὺ τρίτος οὗτος ὁ ῥήτωρ Δημέας προσέρχεται
 ψήφισμα ἔχων ἐν τῇ δεξιᾷ καὶ συγγενὴς ἡμέτερος
 εἶναι λέγων. οὖτος ἑκκαίδεκα παῤ ἐμοῦ τάλαντα
 μιᾶς ἡμέρας ἐκτίσας τῇ πόλει—καταδεδίκαστο
 γὰρ καὶ ἐδέδετο οὐκ ἀποδιδούς, κἀγὼ ἐλεήσας
 ἐλυσάμην αὐτόν—ἐπειδὴ πρῴην ἔλαχε τῇ Ἐρεχθηΐδι
 φυλῇ διανέμενι τὸ θεωρικὸν κἀγὼ προςῆλθον
 αἰτῶν τὸ γινόμενον, οὐκ ἔφη γνωρίζειν
 πολίτην ὄντα με.

ΔΗΜΕΑΣ 
 50 Χαῖρε, ὦ Τίμων, τὸ μέγα ὄφελος τοῦ γένους, τὸ
 ἔρεισμα τῶν Ἀθηνῶν, τὸ πρόβλημα τῆς Ἑλλάδος·
 καὶ μὴν πάλαι σε ὁ δῆμος συνειλεγμένος
 καὶ αἱ βουλαὶ ἀμφότεραι περιμένουσι. πρότερον
 δὲ ἄκουσον τὸ ψήφισμα, ὃ ὑπὲρ σοῦ γεγραφα·
 “Ἐπειδὴ Γίμων Ἐχεκρατίδου Κολλυτεύς, ἀνὴρ
 οὐ μόνον καλὸς κἀγαθός, ἀλλὰ καὶ σοφὸς ὡς οὐκ
 ἄλλος ἐν τῇ Ἑλλάδι, παρὰ πάντα χρόνον διατελεῖ
 τὰ ἄριστα πράττων τῇ πόλει, νενίκηκε δὲ πὺξ καὶ
 πάλην καὶ δρόμον ἐν Ὀλυμπίᾳ μιᾶς ἡμέρας καὶ
 τελείῳ ἅρματι καὶ συνωρίδι πωλικῇ—” 
 
 
 
 ΤΙΜΩΝ 
 Ἀλλ᾿ οὐδὲ ἐθεώρησα ἐγὼ πώποτε εἰς Ὀλυμπίαν. 
 
 
 
 ΔΗΜΕΑΣ 
 Τί οὖν; θεωρήσεις ὕστερον· τὰ τοιαῦτα δὲ
 πολλὰ προσκεῖσθαι ἄμεινον. καὶ “ἠρίστευσε δὲ
 ὑπὲρ τῆς πόλεως πέρυσι πρὸς Ἀχαρναῖς καὶ
 κατέκοψε Πελοποννησίων δύο μόρας—”

ΤΙΜΩΝ 
 51 Πῶς; διὰ γὰρ τὸ μὴ ἔχειν ὅπλα οὐδὲ προὐγράφην
 ἐν τῷ καταλόγῳ. 
 
 
 
 ΔΗΜΕΑΣ 
 Μέτρια τὰ περὶ σαυτοῦ λέγεις, ἡμεῖς δὲ ἀχάριστοι
 ἂν εἴημεν ἀμνημονοῦντες. “ ἔτι δὲ καὶ
 ψηφίσματα γράφων καὶ σνμβουλεύων καὶ στρατηγῶν
 οὐ μικρὰ ὠφέλησε τὴν πόλιν· ἐπὶ τούτοις
 
 
 
 
 
 ἅπασι δεδόχθω τῇ βουλῇ παὶ τῷ δήμῳ καὶ τῇ
 Ἡλιαίᾳ καὶ ταῖς φυλαῖς καὶ τοῖς δήμοις ἰδίᾳ καὶ
 κοινῇ πᾶσι χρυσοῦν ἀναστῆσαι τὸν Τίμωνα παρὰ
 τὴν Ἀθηνᾶν ἐν τῇ ἀκροπόλει κεραυνὸν ἐν τῇ δεξιᾷ
 ἔχοντα καὶ ἀκτῖνας ἐπὶ τῇ κεφαλῇ καὶ στεφανῶσαι
 αὐτὸν χρυσοῖς στεφάνοις ἑπτὰ καὶ ἀνακηρυχθῆναι
 τοὺς στεφάνους τήμερον Διονυσίοις
 τρααγηῳδοῖς καινοῖς—ἀχθῆναι γὰρ διʼ αὐτὸν δεῖ
 τήμερον τὰ Διονύσια. εἶπε τὴν γνώμην Δημέας ὁ
 ῥήτωρ, συγγενὴς αὐτοῦ ἀγχιστεὺς καὶ μαθητὴς
 ὤν· καὶ γὰρ ῥήτωρ ἄριστος ὁ Τίμων καὶ τὰ ἄλλα
 πάντα ὁπόσα ἂν ἐθέλῃ.”

52 Τουτὶ μὲν οὖν σοι τὸ ψήφισμα. ἐγὼ δὲ καὶ τὸν
 υἱὸν ἐβουλόμην ἀγαγεῖν παρὰ σέ, ὃν ἐπὶ τῷ σῷ
 ὀνόματι Τίμωνα ὠνόμακα. 
 
 
 ΤΙΜΩΝ 
 Πῶς, ὦ Δημέα, ὃς οὐδὲ γεγάμηκας, ὅσα γε καὶ
 ἡμᾶς εἰδέναι; 
 
 
 
 ΔΗΜΕΑΣ 
 Αλλὰ γαμῶ, ἢν διδῷ θεός, ἐς νέωτα καὶ παιδοποιήσομαι
 καὶ τὸ γεννηθησόμενον—ἄρρεν γὰρ
 ἔσται—Τίμωνα ἤδη καλῶ. 
 
 
 
 ΤΙΜΩΝ 
 Οὐκ οἶδα εἰ γαμησείεις ἔτι, ὦ οὗτος, τηλικαύτηνπαῤ
 ἐμοῦ πληγὴν λαμβάνων. 
 
 
 
 ΔΗΜΕΑΣ 
 Οἴμοι· τί τοῦτο; τυραννίδι Τιμων ἐπιχειρεῖς
 καὶ τύπτεις τοὺς ἐλευθέρους οὐ καθαρῶς ἐλεύθερος
 οὐδʼ αὐτὸς ὤν; ἀλλὰ δώσεις ἐν τάχει τὴν δίκην τά
 τε ἄλλα καὶ ὅτι τὴν ἀκρόπολιν ἐνέπρησας.

ΤΙΜΩΝ 
 53 Ἀλλ᾿ οὐκ ἐμπέπρησται, ὦ μιαρέ, ἡ ἀκρόπολις·
 ὤο τε δῆλος εἶ συκοφαντῶν. 
 
 
 
 ΔΗΜΕΑΣ 
 Ἀλλὰ καὶ πλουτεῖς τὸν ὀπισθόδομον διορύξας. 
 
 
 
 ΤΙΜΩΝ 
 Οὐ διώρυκται οὐδὲ οὗτος, ὥστε ἀπίθανά σου
 καὶ ταῦτα, 
 
 
 
 ΔΗΜΕΑΣ 
 Διορυχθήσεται μὲν ὕστερον· ἤδη δὲ σὺ πάντα
 τὰ ἐν αὐτῷ ἔχεις. 
 
 
 
 ΤΙΜΩΝ 
 Οὐκοῦν καὶ ἄλλην λάμβανε. 
 
 
 
 ΔΗΜΕΑΣ 
 Οἴμοι τὸ μετάφρενον. 
 
 
 
 ΤΙΜΩΝ 
 Mὴ κέκραχθι· κατοίσω γάρ σοι καὶ τρίτην·
 ἐπεὶ καὶ γελοῖα πάμπαν ἂν πάθοιμι δύο μὲν
 Λακεδαιμονίων μόρας κατακόψας ἄνοπλος, ἓν δὲ
 μιαρὸν ἀνθρώπιον μὴ ἐπιτρίψας· μάτην γὰρ ἂν
 εἴην καὶ νενικηκὼς Ὀλύμπια πὺξ καὶ πάλην.

54 Ἀλλὰ τί τοῦτο; οὐ Θρασυκλῆς ὁ φιλόσοφος
 οὗτός ἐστιν; οὐ μὲν οὖν ἄλλος· ἐκπετάσας γοῦν
 τὸν πώγωνα καὶ τὰς ὀφρῦς ἀνατείνας καὶ βρενθυόμενός
 τι πρὸς αὐτὸν ἔρχεται, τιτανῶδες βλέπων,
 ἀνασεσοβημένος τὴν ἐπὶ τῷ μετώπῳ κόμην,
 Αὐτοβορέας τις ἢ Τρίτων, οἵους ὁ Ζεῦξις ἔγραψεν.
 οὗτος ὁ τὸ σχῆμα εὐσταλὴς καὶ κόσμιος τὸ
 βάδισμα καὶ σωφρονικὸς τὴν ἀναβολὴν ἕωθεν
 μυρία ὅσα περὶ ἀρετῆς διεξιὼν καὶ τῶν ἡδονῇ
 χαιρόντων κατηγορῶν καὶ τὸ ὀλιγαρκὲς ἐπαινῶν,
 ἐπειδὴ λουσάμενος ἀφίκοντο ἐπὶ τὸ δεῖπνον καὶ ὁ
 
 
 παῖς μεγάλην τὴν κύλικα ὀρέξειεν αὐτῷ—τῷ
 ζωροτέρῳ δὲ χαίρει μάλιστα—καθάπερ τὸ Λήθης
 ὕδωρ ἐκπιὼν ἐναντιώτατα ἐπιδείκνυται τοῖς
 ἑωθινοῖς ἐκείνοις λόγοις, προαρπάζων ὥσπερ
 ἴκτινος τὰ ὄψα καὶ τὸν πλησίον παραγκαωνιζόμενος,
 καρύκης τὸ γένειον ἀνάπλεως, κυνηδὸν
 ἐμφορούμενος, ἐπικεκυφὼς καθάπερ ἐν ταῖς
 λοπάσι τὴν ἀρετὴν εὑρήσειν προσδοκῶν, ἀκριβῶς
 τὰ τρύβλια τῷ λιχανῷ ἀποσμήχων ὡς μηδὲ

55 ὀλίγον τοῦ μυττωτοῦ καταλίποι, μεμψίμοιρος ἀεί,
 κἂν τὸν πλακοῦντα ὅλον ἢ τὸν σῦν μόνος τῶν
 ἄλλων λάβῃ, ὅ τι περ λιχνείας καὶ ἀπληστίας
 ὄφελος, μέθυσος καὶ πάροινος οὐκ ἄχρι ᾠδῆς καὶ
 ὀρχηστύος μόνον, ἀλλὰ καὶ λοιδορίας καὶ ὀργῆς.
 προσέτι καὶ λόγοι πολλοὶ ἐπὶ τῇ κύλικι, τότε δὴ
 καὶ μάλιστα, περὶ σωφροσύνης καὶ κοσμιότητος·
 καὶ ταῦτά φησιν ἤδη ὑπὸ τοῦ ἀκράτου πονήρως
 ἔχαων καὶ ὑποτραυλίζαων γελοίως· εἶτα ἔμετος ἐπὶ
 τούτοις· καὶ τὸ τελευταῖον, ἀράμενοί τινες ἐκφέρουσιν
 αὐτὸν ἐκ τοῦ συμποσίου τῆς αὐλητρίδος
 ἀμφοτέραις ἐπειλημμένον. πλὴν ἀλλὰ καὶ νήφων
 οὐδενὶ τῶν πραωτείων παραχωρήσειεν ἂν ψεύσματος
 ἕνεκα ἢ θρασύτητος ἢ φιλαργυρίας· ἀλλὰ
 καὶ κολάκαων ἐστὶ τὰ πρῶτα καὶ ἐπιορκεῖ προχειρότατα,
 καὶ ἡ γοητεία προηγεῖται καὶ ἡ ἀναισχιντία
 παρομαρτεῖ, καὶ ὅλως πάνσοφόν τι
 χρῆμα καὶ πανταχόθεν ἀκριβὲς καὶ ποικίλως
 ἐντελές. οἰμώξεται τοιγαροῦν οὐκ εἰς μακρὰν
 χρηστὸς ὤν. τί τοῦτο; παπαί, χρόνιος ἡμῖν
 Θρασυκλῆς.

ΦΡΑΣΥΚΛΗΣ 
 56 Οὐ κατὰ ταὐτά, ὦ Τίμων, τοῖς πολλοῖς τούτοις
 ἀφῖγμαι, οἵπερ τὸν πλοῦτόν σου τεθηπότες
 ἀργμρίου καὶ χρνσίου καὶ δείπνων πολυτελῶν
 ἐλπίδι συνδεδραμήκασι, πολλὴν τὴν κολακείαν
 ἐπιδειξόμενοι πρὸς ἄνδρα οἷον σὲ ἁπλοῖκὸν καὶ
 τῶν ὄντων κοινωνικόν· οἶσθα γὰρ ὡς μᾶζα μὲν
 ἐμοὶ δεῖπνον ἱκανόν, ὄψον δὲ ἤδιστον θύμον ἢ
 κάρδαμον ἢ εἴ ποτε τρυφῴην, ὀλίγον τῶν ἀλῶν·
 ποτὸν δὲ ἡ ἐννεάκρουνος· ὁ δὲ τρίβων οὗτος ἦς
 βούλει πορφυρίδος ἀμείνων. τὸ χρυσίον μὲν γὰρ
 οὐδὲν τιμιωτερον τῶν ἐν τοῖς αἰγιαλοῖς ψηφίδων
 μοι δοκεῖ. σοῦ δὲ αὐτοῦ χάριν ἐστάλην, ὡς μὴ
 διαφθείρῃ σε τὸ κάκιστον τοῦτο καὶ ἐπιβουλότατον
 κτῆμα ὁ πλοῦτος, ὁ πολλοῖς πολλάκις αἴτιος
 ἀνηκέστων συμφορῶν γεγενημένος· εἰ γάρ μοι
 πείθοιο, μάλιστα μὲν ὅλον ἐς τὴν θάλατταν ἐμβαλεῖς
 αὐτὸν οὐδὲν ἀναγκαῖον ἀνδρὶ ἀγαθῷ ὄντα
 καὶ τὸν φιλοσοφίας πλοῦτον ὁρᾶν δυναμένῳ· μὴ
 μέντοι ἐς βάθος, ὦγαθέ, ἀλλʼ ὅσον ἐς βουβῶνας
 ἐπεμβὰς ὀλίγον πρὸ τῆς κυματωγῆς, ἐμοῦ ὁρῶντος
 μόνου·

57 εἰ δὲ μὴ τοῦτο βούλει, σὺ δὲ ἄλλον τρόπον
 ἀμείνω κατὰ τάχος ἐκφόρησον αὐτὸν ἐκ τῆς
 οἰκίας μηδʼ ὀβολὸν αὐτῷ ἀνείς, διαδιδοὺς ἅπασι
 τοῖς δεομένοις, ᾦ μὲν πέντε δραχμάς, ᾧ δὲ μνᾶν,
 ᾦ δὲ ἡμιτάλαντον· εἰ δέ τις φιλόσοφος εἴη, διμοιρίαν
 ἢ τριμοιρίαν φέρεσθαι δίκαιος· ἐμοὶ δὲ—καίτοι
 οὐκ ἐμαυτοῦ χάριν αἰτῶ, ἀλλʼ ὅπως μεταδῶ
 τῶν ἑταίρων τοῖς δεομένοις—ἱκανὸν εἰ ταυτηνὶ τὴν
 
 
 
 
 
 πήραν ἐμπλήσας παράσχοις οὐδὲ ὅλους δύο μεδίμνους
 χωροῦσαν Αἰγινητικούς. ὀλιγαρκῆ δὲ καὶ
 μέτριον χρὴ εἶναι τὸν φιλοσοφοῦντα καὶ μηδὲν
 ὑπὲρ τὴν πήραν φρονεῖν. 
 
 
 ΤΙΜΩΝ 
 Ἐπαινῶ ταῦτά σου, ὦ Θρασύκλεις· πρὸ δ᾿ οὖν 
 τῆς πήρας, εἰ δοκεῖ, φέρε σοι τὴν κεφαλὴν
 ἐμπλήσω κονδύλων ἐπιμετρήσας τῇ δικέλλῃ. 
 
 
 
 ΘΡΑΣΥΚΛΗΣ 
 Ὦ δημοκρατία καὶ νόμοι, παιόμεθα ὑπὸ τοῦ
 καταράτου ἐν ἐλευθέρᾳ τῇ πόλει. 
 
 
 
 ΤΙΜΩΝ 
 Τί ἀγανακτεῖς, ὦγαθέ; μῶν παρακέκρουσμαί
 σε; καὶ μὴν ἐπεμβαλῶ χοίνικας ὑπὲρ τὸ μέτρον
 τέτταρας.

58 ἀλλὰ τί τοῦτο; πολλοὶ συνέρχονται·
 Βλεψίας ἐκεῖνος καὶ Λάχης καὶ Γνίφων καὶ ὅλον 
 τὸ σύνταγμα τῶν οἰμωξομένων. ὥστε τί οὐκ ἐπὶ
 τὴν πέρταν ταύτην ἀνελθὼν τὴν μὲν δίκελλαν
 ὀλίγον ἀναπαύω πάλαι πεπονηκυῖαν, αὐτὸς δὲ ὅτι
 πλείστους λίθους συμφορήσας ἐπιχαλαζῶ πόρρωθεν
 αὐτούς; 
 
 
 ΒΛΕΨΙΑΣ 
 Μὴ βάλλε, ὦ Τίμων· ἄπιμεν γάρ. 
 
 
 
 ΤΙΜΩΝ 
 Ἀλλ᾿ οὐκ ἀναιμωτί γε ὑμεῖς οὐδὲ ἄνευ
 τραυμάτων.