U vusuludza matshilo na nḓila dza u ḓitshidza nga murahu ha miḓalo

Vukuzenzele Unnamed

Zwi tshe zwo tou dzhia miṅwedzi mivhili u bva tshe miḓalo ya tshinyadza zwihulu u mona na zwipiḓa zwa mavunḓu a  KwaZulu-Natal,  Kapa Vhubvaḓuvha khathihi na Vhukovhela ha Devhula, he ya vhanga ndozwo khulu kha  matshilo  a  vhathu khathihi na tshinyalelo kha ndaka na themamveledziso.
A  si  kale  ndo  dalela eThekwini  kha  ḽa  KwaZulu-Natal u ṱangana na vhoramabindu vha ḓorobo iyo uri ri vha ṋetshedze thi  khedzo kha ndingedzo dza u vusuludza tshumelo yavho.
Musi  tshiwo  itshi  tsha mupo tshi tshi itea, ho vha na mbilahelo ya uri vha maanḓalanga a vha na nungo nahone vha nga si kone u ṋea thuso yo khwaṱhaho nahone nga nḓila ya khwiṋe kha nyimele iyo i shushaho zwihulusa kha avho vho lozwaho zwoṱhe zwe vha vha vha nazwo.
Musi  ndi  tshi  dovha  u dalela ḓorobo lwa vhuvhili nga  murahu  ha  miḓalo, ndi  vho  zwi  vhona  uri mbilahelo heyi yo vha isi yone  na  luthihi.  Kha  ḽa KwaZulu-Natal,  u  fana na Kapa Vhubvaḓuvha na Vhukovhela ha Devhula, zwiimiswa  zwoṱhe  zwo vha zwi khou shuma zwo khwaṱha uri zwi kone u vuwa nga murahu ha tshiwo itshi tshi shushaho.
Senthara  ya  Ndangulo ya  Zwiwo  ya  Lushaka yo  konanya  masia  oṱhe a muvhuso  kha  ndingedzo dzao dza u ṋetshedza ṱhaḓulo ya vhulondavhathu  kha miṱa minzhi ye ya ḓo kwamea. Zwi a takadza u vhona tshitshavha tsha madzangano a si a muvhuso, mabindu khathihi na madzangano a ṱhaḓulo vha tshi farana zwanḓa vha thusana na muvhuso u ṋetshedza thuso ine ya khou ṱoḓea.
Zwiimiswa zwoṱhe hezwi zwo  ṋetshedza  zwiḽiwa, zwiambaro, nguvho, zwishumiswa zwa ndondolo ya muvhili khathihi na zwiambaro zwa tshikolo kha miṱa i shayaho uri vha kone u wana ṱhoḓea dzavho dza ndeme. Madzulo ndi ane na one zwa zwino a khou ṋetshedzwa kha vhathu vha fhiraho 7 000 kha zwiṱiriki zwiṋa  zwo  kwameaho zwihulusa kha ḽa KwaZuluNatal. Mushumo wa u fhaṱa vhudzulo ha tshifhinga nyana  ha  miṱa  yo  kwameaho na puloto kha mavu  a muvhuso dzo topolwa kha ḽa KwaZulu-Natal hune ha nga vha na khonadzeo ya uri vhathu vha pfuluselwe hone.
Muhasho wa Muno, Muta kalo na wa Mveledziso ya Matshilisano yo vha i tshi khou  thusa  zwitshavha zwo  kwameaho  u  wana tshumelo  ya  ndeme.  Sa tsumbo, ofisi thendeleki dzi khou thusa avho vhe vha  ḓo  lozwa  maṅwalo a  ndeme  nga  vhanga  ḽa miḓalo uri vha wane Basa ntswa dza garaṱa khathihi na u ṋetshedza hafhu ṱhanziela dza mabebo. Tshumelo thendeleki ya mutakalo, hu tshi katela mihaelo ya COVID 19, dzi khou ṋetshedzwa kha vhathu vhane vhupo havho ho vha hu sa athu vha na tshumelo yo raloho. Hu khou ḓiwa na nḓila dza u holela mindende kha avho vho kwameaho.
Kiḽasi thendeleki na dzone dzi khou rengiwa uri u funza na u guda zwi si khakhisee lwa tshifhinga tshilapfu kha zwikolo zwo kwameaho nga miḓalo.
Mushumo  u  kati  wa  u vusuludza mishumo ya u kunakisa dziphaiphi dza maḓi a mashika, zwiṱitshi zwa bommbo khathihi na u  dzi  ṱumekanya.  Bada dzo  tshinyadzwaho  dzi khou vusuludzwa. Maburoho maswa a linganaho fumimalo  o  pulaniwa  u fhaṱiwa sa tshipiḓa tsha mbekanyamushumo  ya Welisizwe Rural Bridges.
Ho  no  vha  hafhu  na mvelaphanḓa khulusa kha u lugisa themamveledziso ya ndeme I tikedzaho Vhuimangalavha ha Durban. Zwi tshi ya nga vhundeme ha vhuimangalavha  uvho kha ikonomi ya shango na dzhango, u tsitsikana ha vhuendi vhuimangalavha zwo vhuedzedzwa ngonani, tshumelo ya zwiṱitshini yo vhuya  ngonani  nahone mushumo wa u lugisa themamveledziso ya zwidimela yo tshinyadzwaho u kati.
Maṅwe  maga  a  khou dzudzanywa u ṋetshedza thikhedzo ya masheleni kha vhoramabindu  vhaṱuku na vhahulwane vho kwameaho. Hezwi zwi khou tea u itwa lwa tshihaḓu u vhona uri mabindu a dzule o ima zwavhuḓi na uri mishumo i vhulungee.
Nga zwiṅwe zwifhinga kha ḓivhazwakale ya dimo kirasi yashu, ro ḓo livhana na nyimele dze dza linga vhuḓiimiseli  hashu  sa vhathu khathihi na u linga kushumele kwa zwiimiswa zwashu.
Ro  ḓo  kona  u  vhona vhuthihi vhu mangadzaho na  thikhedzo  kha  zwitshavha  zwo  kwameaho zwa  KwaZulu-Natal, Kapa  Vhubvaḓuvha  na Vhukovhela ha Devhula.  Mivhuso yapo khathihi na ya mavunḓu yo vha i tshi khou shumisana na mihasho ya muvhuso wa vhukati khathihi na mazhendedzi u vhona uri vhathu vha fhaṱe matshilo  avho nga huswa khathihi na u vhuedzedza ikonomi  yapo  u  shuma hafhu.
Ndi kale vha khou shumi sana na zwiimiswa zwoṱhe zwa vhupo hoṱhe hovhu  u vhona uri ri tshimbidza zwavhuḓi  ndingedzo dza  mvusuludzo  na  uri  ri  pulane  khathihi  na  u fhaṱa nga huswa nga nḓila  yo khwaṱhaho uri hu sa vhe na zwiwo zwi fanaho  na hezwi tshifhinga tshi ḓaho.
U konḓelela ha zwitshavha zwo kwameaho, u ḓifunga havho kha u bvelela khathihi na maanḓa a u farana zwanḓa nga tshifhinga tshi konḓaho zwi a ṱuṱuwedza.
Ri fhululedza vhoṱhe avho vhe vha vha tshipiḓa tsha u thusa vhathu vha mavunḓu o kwameaho.
Sa  muvhuso,  ri  khou kuvhanganya zwiko zwoṱhe khathihi na u shumisa nungo dzoṱhe u vhona uri, musi ri tshi khou fhaṱa nga huswa, a hu na muthu o siiwaho nga nnḓa.
