Kha vha ye u dzhia garaṱa yavho ya ḽaisentsi ya u reila

Vukuzenzele Unnamed

Vhareili vhe vha ita khumbelo  ntswa kana u vusuludza garaṱa dza ḽaisentsi dzavho dza u reila kana phemithi ya u reila ya phurofeshinaḽa (PrDP) vhukati ha Tshimedzi na Nyendavhusiku ṅwaha wo fhelaho vha khou itelwa khuwelelo ya uri vha ye u dzi dzhia.
U ya nga vha Koporasi ya Ndaulo ya Vhuendi ha Badani (RTMC), ndi 42% fhedzi  ya  dzigaraṱa  dza ḽaisentsi ya u reila kha dza  32 748 dze dza ḓo bvele dzwaho vhukati ha itshi tshifhinga dzo dzhiwaho nga vhaṋe vhadzo.
Minisṱa wa Vhuendi Vho Fikile Mbalula vho vula senthara ya RTMC ya dzi ḽaisentsi ngei Midrand na Eco Park ṅwaha wo fhelaho,  izwi hu u thusa kha u fhungudza u salela murahu ha u vusuludzwa ha ḽaisentsi dza u reila dze dza fhelelwa nga tshifhinga nga nṱhani ha COVID-19.
Akhaunthu ya Garaṱa ya Ḽaisentsi ya u Reila, ine ya vha yone i no ganḓisa ḽaisentsi,  i  khou  shuma vhusiku  na  masiari  u ṱavhanyisa  mveledzo khathihi na u  fhungudza mushumo muhulu wo sale laho murahu uri u vhe wo khunyeledzwa mafheloni a Fulwi.
Vha RTMC vha ri vhathu vha nga sedza tshiimo tsha khumbelo dzavho phanḓa ha musi vha tshi ya kha senthara dza ndingo u dzhia ḽaisentsi yavho.
Hezwi zwi nga itwa nga SMS kana nga inthanethe.
U ṱoḓa u ḓivha zwinzhi ngaha ḽaisentse ya u reila nga kha SMS  
U ṱoḓa u ḓivha zwinzhi ngaha ḽaisentse ya u reila nga kha SMS, vho itaho khumbelo vha nga rumela nomboro yavho ya Basa nga SMS kha nomboro ya 33214. Vha ḓo wana iṅwe ya milaedza ya dziSMS i re afho fhasi:
• Application received: The application was received, but has not yet been processed.
• Production queue: The card is still being processed and manufactured.
• Produced and ready for collection: The card will be ready for collection in 21 days. However, due to the high number of cards being processed, the RTMC advises you to wait 35 days before going to collect.
• Problem card: There is a pro blem with the production of your card. Please return to the testing centre.
Mbudziso nga ha khumbelo ya PrDP, kha vha rumele nomboro ya Basa yavho nga SMS kha nomboro ya 44220.
U ṱoḓa u ḓivha zwinzhi ngaha ḽaisentse ya u reila nga kha Inthanethe
Vha nga dovha vha sedza tshiimo  tsha  khumbelo yavho mahala kha  inthanethe.
• Kha vha dalele inthanethe natis.gov.za.
• Vha ḓiitele phurofaiḽii vha kone u dzhena ngomu.
• Vha puṱedze kha tshiimo tsha khumbelo yavho kha  dashibodo.
Avho  vhane  ḽaisentsi dzavho  dzo  fhelelwa nga tshifhinga vhukati ha  Ṱhafamuhwe  2020 na  31  Ṱhangule  2021, vhe vha ḓo kundelwa u dzi vusuludza phanḓa ha ḓuvha ḽa u fhedzisa ḽa 5 Shundunthule, vha khou eletshedzwa u wana ḽaisentsi ya tshifhinganyana ya u reila musi vha tshi ita khumbelo ya u vusuludza uri vha dzule vho kuna lwa mulayo.
Musi senthara dza RTMC dzi  tshi  vha  dzo  vula Musumbuluwo  u  swika Swondaha u bva nga awara ya 7 ya matsheloni u swika awara ya 9 nga madekwana, miraḓo ya tshitshavha vha khou ṱuṱuwedzwa u shumisa tshikhala tsha musi hu si na miduba milapfu nga Ḽavhuṱanu na mafhelo a vhege.
